Matthew 6:10 - Sa Ugud Apudyus

¹⁰ Dumatong oḵyan ampangatam sina'd luta, ta mituttuwa da piniom sina'd lutae ḵama'd langit.

Matthew 6:10 Iomraidhean Croise

Matthew 12:50

Te ngaimane angwa si pinion Amaḵ ad langit, dida da mibelang aḵ inaḵ ḵan susunudḵu.”

Matthew 16:28

Ibagaḵ ḵan diḵayu ḵatuttuwaan, awad da udum ḵan diḵayu sinsadi ye adidapun yan matoy inggana'ḵ ilanda saḵone Abeng Di Tagu we umali ampangat.”

Matthew 26:42

Pun ummoy os ḵasin aḵ Jesus nalluwaḻu woḵ ḵanana, “Ama, nu ḵasapuḻane maḵwa ḵan saḵon da sanae ampaḵaḻamaḵ, sa piniom maḵwa.”

Matthew 3:2

Ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Matthew 4:17

Inggan ni sadi ye timpu, insaḻad Jesus we nangiwaḻagawag woḵ ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Matthew 7:21

Pinagatupan Jesus woḵ ḵanana, “Daḵampun aḵ losane angibaga ḵan saḵone ḵanana, ‘Apu, Apu,’ maḵaḻnoḵ si ampangatan Apudyus. Yaḵon da maḵaḻnoḵ, abus da angwa'tta pinion Amaḵ ad langit.

Mark 11:10

Madaydayaw ampangatan ni annae ganaḵ Ari David! Madaydayaw aḵ Apudyus we ḵangatuwan!”

Mark 3:35

Te ngaimane angwa'tta pinion Apudyus, dida da inaḵ ya susunudḵu.”

Luke 19:11

Sissiya ḵade andodongngoḻ da tagu ḵan Jesus, inug-uggudna annae pani te madam-anda'd Jerusalem ḵad ḵanandapun nu daguse misaḻad ampangatan Apudyus.

Luke 19:38

Ḵananda, “Madaydayaw oḵyan Ari ye umali ye imbuun Apudyus! Lin-awa'd langit. Madaydayaw aḵ Apudyus we ḵangatuwan!”

Luke 22:42

Ḵanana, “Ama, nu piom, iligsim oḵyan saḵon si annae ampaḵaḻamane sasangnguwoḵ. Yaḵon daḵampun aḵ sa pioḵ mituttuwa yaḵon sa piom.”

John 4:34

Pun ḵanan os Jesus ḵan dida, “Sa ḵanoḵ sa anuttuwaaḵ ḵan angangputaḵ atta ḵewaaḻe paḵwan ni nangibuun ḵan saḵon.

John 6:40

te sa pinion Amaḵ, losane angimatune saḵon Abengna ya amati ḵan saḵon, maittanda si biyag aḵ inggana. Ḵad pauliyoḵ dida taguwon si anungus ni aḻgaw.”

John 7:17

Ngaimane pionae angwa'tta pinion Apudyus, igammuwona nu maḻpu ḵan Apudyus da tuttuduḵ baḵon nu maḻpu si mismu we ḵaḻabbongaḵ.

Acts 13:22

Ḵinaan ḵad Apudyus aḵ Saul, dinutuḵana'ḵ Ari David aḵ nan-ari ḵan dida. Tinaḵdoḻana mipanggob ḵan siyae ḵanana, ‘Aḵ Ari David we abeng Jesse, siya tuttuwae ay-ayatoḵ te ḵoona da losane pioḵ.’

Acts 21:14

Adiḵanipun ḵad maḵatupod ḵan siya, iyyagayni woḵ ḵananni, “Oḵyan pos nu sa pinion Apudyus mituttuwa.”

Acts 22:14

Pun ḵanana, ‘Sa Apudyus da danaḵḵoḻ taḵu, pinilina siḵa ta igammuwom da piona ya ilam naun-unane Abengna we nanserbi ḵan siya ya dongngom gingana.

Romans 12:2

Adiyu unudon da ugalin da tagu we adipun namati yaḵon iyunudyu we baliwan Apudyus da somsomoḵyu ta pabaruwona. Te nu ḵoonyu ḵaḵna, igammuwonyu nu ngai pinion Apudyus, ngai ambaḻu, ngai mas-omana ya naippun angkurangana.

Ephesians 6:6

Daḵampun ay aḵ asi ḵayu pumangog si annae antotollong da ap-apuwonyu ta piga gay nu maḻyadanda ḵan diḵayu yaḵon ibelangyu we sammilu ḵayu ḵan Kristu ya sipupusu ḵayu oḵyane angwa'tte pinion Apudyus.

Colossians 1:13

Te siya nanagu ḵan ditaḵu si ḵabooḻan ni pangat atte giḵbot woḵ indogana ditaḵu si ampangatan ni ay-ayatonae Abengna,

Colossians 1:9

Sa inggan ni aḻgawe nangngoḻanni, adinipun iginoḵe angiluwaḻu ḵan diḵayu. Ḵodaḵodawonni ḵan Apudyus we itton oḵyan ni Ispirituna ḵan diḵayu da losane laing ḵan pannakaawat ta igammuwonyu nu ngai pinion Apudyus ḵan diḵayu.

1 Thessalonians 4:3

Te sana pinion Apudyus, mitotoḵḵon ḵayu'ḵ taguna ta bumaḻu ugaliyu. Pun adi ḵayu angwa'tta ḵababbain ya da lawwenge ḵoḵoḵḵon.

1 Thessalonians 5:18

ya ngaimane maḵwa, anggappiya ḵayu ḵan Apudyus te sana pinionae unudon taḵu gapu'tte nidog-an taḵu ḵan Jesu Kristu.

Hebrews 1:14

Ngai da anghel nu? Dida da Ispiritu we anserbi ḵan Apudyus ḵad imbuunna dida'ḵ bumadang atta tagu we umawat si mataguwan.

Hebrews 10:36

Ḵasapuḻane anusanyu we angwa'tta pinion Apudyus, ḵad awatonyu inkarina.

Hebrews 10:7

Pun ḵanaḵ, ‘Annaaḵ Apudyus we angwa'tta ngaimane piniom, we nigili si iblu mipanggob ḵan saḵon.’ ”

Hebrews 13:21

Oḵyan pos ta ittona da ambaḻu we ḵasapuḻanyu ta ḵoonyu da piniona ya ḵoona ḵan ditaḵu da mas-omana mipagapu ḵan Jesu Kristu. Ḵad siya madaydayaw aḵ inggainggana. Amen.

1 Peter 2:15

Te pinion Apudyus we ḵoonyu da ambaḻu ta guminoḵ da andongdong-oge tagu we an-uguugud atta ippun anuna.

1 Peter 4:2

Pun inggana si matoyana, adinapun ogon unudon da pipion ni long-agna yaḵon sa pinion Apudyus.

Revelation 11:15

Nagangput ḵad nanangguyub ḵumapitu we anghel, inninggaw da andangsoḻe ginga'd langite ḵananda, “Inggana sinsadi, naippun udum aḵ maḵwae angipangat atte lubung malaksid aḵ Apu taḵu we Apudyus ya sa Kristu we imbuunna ya ippun anungus ni ampangatana.”

Revelation 12:10

Naabus ḵad, dingngoḻḵu andangsoḻe ginga'd langite ḵanana, “Annan nituttuwa sanae anaguwan Apudyus atta tagu. Dummatong aḻgawe angipail-ana si ḵabooḻanae ampangat ya sa angipail-ana si ḵaḻabbongan ni Kristunae imbuunna. Te sa namabasuḻ atta susunud taḵu ḵan Kristu atte inaḻgaw ḵan nilabi'tte sinagung ni Apudyus taḵu, niballu'd lutae naḻpu'd langit.

Revelation 19:6

Pun dingngoḻḵu bos da gingae andangsodangsoḻe isunan gingan di ummamdane tagu. Isunan pagasapas di danume maḻpu si antaḵnange utu ya andangsoḻe aguduud di ḵiduḻ. Ḵanandae nangidangsoḻ, “Madaydayaw aḵ Apu taḵu we Apudyus we maḵabooḻ atta losan te siya annae angipangat atta losan.

Revelation 20:4

Pun innilaḵ da tummuḵdu'tta trono we naittan aḵ ḵaḻabbongane anḵuwis. Innilaḵ os da ḵalidodwan da nagongat gapu'tte nangitaḵdoḻanda'tte mipanggob ḵan Jesus ya sa nangiwaḻagawaganda si Ugud Apudyus. Dida da adipun nandaydayaw atte ḵaog-ogyate ayam ya sa sinan-ayame ḵais-isuna. Adidapun os impamaḻḵa da ḵidayda baḵon nu da imada. Nataguda bos ḵasin woḵ nidogada ḵan Kristu we nampangat si sillibu we tawon.