Matthew 5:7 - Sa Ugud Apudyus

⁷ Pian da tagu we ḵumadagu'tta asintataguda te ḵadaguwan os Apudyus dida.

Matthew 5:7 Iomraidhean Croise

Mark 11:25

Ḵad nu alluwaḻu ḵayu ya awad sasangngaanyu'tta asintataguyu te naḵabasuḻda ḵan diḵayu, pakawanonyu ta aḵ Apudyus we Amayu'd langit pakawanona bos da basuḻyu.”

Luke 6:35

Yaḵon ayatonyu da ḵabusuḻyu ya ḵoonyu da ambaḻu ḵan dida, ḵad pagawatanyu dida taḵon ay nu adiyupun namnamaone ipaulida. Nu ḵoonyu ḵaḵna, daḵoḻ gungunayu ya miyiyap ḵayu'tta abeng ni Ḵangatuwane Apudyus. Te aḵ Apudyus, an-anggom atta lawweng ya da adipun antawili.

Romans 11:30

Diḵayu we Gentil, adiyupun aḵ Apudyus tinuttuwa gapu si adiyupun namatiyan atte awe. Yaḵon sinsana, ḵinadaguwana diḵayu gapu'tte adin da Judyu tummuttuwaan.

1 Corinthians 7:25

Sa mipanggob atta daampun angasawa, naippun bilinḵu ḵan diḵayu'ḵ naḻpu ḵan Apu. Yaḵon ibagaḵ ḵasomsomḵaḵ te mataḻgodanaḵ mipagapu'tte ḵadaguna ḵan saḵon.

2 Corinthians 4:1

Gapu'tte ḵadagun Apudyus, naatod ḵan diḵani annae ḵewaaḻ, pun adiḵanipun paat madismaya.

Ephesians 4:32

yaḵon an-asianggom ḵayu, an-asibadang ḵayu, an-asiḵadagu ḵayu ḵan an-asipakawan ḵayu we isun ni namakawanan Apudyus ḵan diḵayu gapu ḵan Kristu.

Colossians 3:12

Gapu ta diḵayu da pinilin Apudyus we taguna ya inay-ayatna, unudonyu oḵyan da sanae ug-ugali: Ḵumadagu ḵayu ya bumadang ḵayu, ipakumbabayu da somsomoḵyu ya somsomḵonyu oḵyan bumaḻuwan da udum ya pasig ḵayu oḵyan naanus.

1 Timothy 1:13

Taḵon ay nu pupaḵ nan-ugudan aḵ lawweng si awe, ininsultuḵ ya nampaḵaḻamoḵ da nitun-ud ḵan siya yaḵon ḵinadaguwanaḵ pos pagay ḵan Apudyus. Te daanaḵpun amati ḵan Jesus ya ippun igammuḵe lawweng da ḵingwaḵ.

1 Timothy 1:16

Yaḵon sadi gapunae ḵinadaguwanaḵ ta ipailan Jesu Kristu we ippun isun ni anusna ḵan saḵone paate ḵabasbassuḻan. Ḵingwana ḵatti ta ilan da tagu ya amatida bos ḵan siya ya maḵwae awatonda biyag aḵ inggana.

Hebrews 4:16

Ḵad antaḻgod taḵu we umadani alluwaḻu ḵan Apudyus we ampangat ad langit gapu'tte ḵinabaḻuna ta awaton taḵu ḵadagu ḵan ḵinabaḻu ḵan siyae bumadang ḵan ditaḵu si timpu we anḵasapuḻ taḵu.

Hebrews 6:10

Naun-unan aḵ Apudyus, adinapun maliwatan da ambaḻu we ḵingwayu ya sa ayatyu ḵan siyae impailayu si bummadanganyu'tta buḻunyu we tagun Apudyus ya sissiyae badanganyu dida.

James 2:13

Te nu anḵuwis aḵ Apudyus, adinapun ḵadaguwan da adipun ḵumadagu. Yaḵon ḵadaguwana da ḵumadagu ta adida umogyat nu anḵuwis.

James 3:17

Yaḵon sa ḵinalainge maḻpu'd langit, pasige ambaḻu, allin-awa, an-anggom, adinapun ipatut piona, pasig ḵumadagu, pasig ambaḻu ḵoona, ippun laḵlaḵsigona'tta buḻunna ya adipun ḵapappaila.

1 Peter 2:10

Sa awe, daḵampun aḵ tagun Apudyus diḵayu. Yaḵon sinsana, taguna diḵayu. Sa awe, adiyupun os inawat ḵadaguna yaḵon sinsana inawatyu ḵadaguna.