Matthew 5:47 - Sa Ugud Apudyus

⁴⁷ Ḵad nu abus ay da ḵailiyanyu'ḵ pionyu ḵaug-uggud, ngai nisabaliyanyu'tta udum? Taḵon ay da Gentil we adipun angigammu ḵan Apudyus ḵoonda bos ḵaḵna.

Matthew 5:47 Iomraidhean Croise

Matthew 10:12

Lumnoḵ ḵayu ḵad atte osae boḻoy, ḵananyu we, ‘Itton Apudyus lin-awa ḵan diḵayu.’

Matthew 5:20

Pun sa ibagaḵ, ḵaḻabbonganyu we midoga si ampangatan Apudyus nu amo naun-unan ḵayu nu da mimistulun ni lintog ya da Pharisee.”

Matthew 5:46

Te nu abus aḵ ayatonyu da tagu we angayat ḵan diḵayu, gungunaan ḵad ain Apudyus diḵayu? Naid te taḵon ay da andadagup atta bugis ḵoonda bos ḵaḵna.

Matthew 5:48

Pun ḵasapuḻane ippun angkuranganyu we isun Apudyus we Amayu'd langite ippun angkurangana.”

Luke 6:32

“Nu ayatonyu we abus da tagu we angayat ḵan diḵayu, gungunaan ḵad ain Apudyus diḵayu? Naid te taḵon ay da ḵabasbassuḻan, ayatonda bos da angayat ḵan dida!

Colossians 4:14

Aḵ Luke we ay-ayaton taḵu we an-aagas ya aḵ Demas, pakumustaon os diḵayu.

Colossians 4:15

Pakumustaonyu da susunud taḵu ḵan Kristu ad Laodicea ya aḵ Nympha ya sa gimung da namati ye dam-on madagudagup atte boḻoyna.

1 Peter 2:20

Ippun labbong ni tagu we madayaw nu anuanusana iyattom dusa gapu'tte ḵingwanae lawweng. Yaḵon nu ampaḵaḻamon diḵayu'tta angwaanyu si ambaḻu ya inan-anusanyu, mas-om aḵ Apudyus ḵan diḵayu.