Matthew 5:46 - Sa Ugud Apudyus

⁴⁶ Te nu abus aḵ ayatonyu da tagu we angayat ḵan diḵayu, gungunaan ḵad ain Apudyus diḵayu? Naid te taḵon ay da andadagup atta bugis ḵoonda bos ḵaḵna.

Matthew 5:46 Iomraidhean Croise

Matthew 11:19

Ḵan saḵone Abeng Di Tagu, ummaliyaḵ ḵade maḵainum ya maḵaḵan, ḵananyu, ‘Ilanyu, siya ḵad bartekero ya botaḵan! Maḵabuḻbuḻun atta andadagup atta bugis ya da udume ḵabasbassuḻan.’ Yaḵon ilanyu ḵad, mipailae ustu ḵinalaing Apudyus atta biyag da losane angunud atte ḵinalaingna.”

Matthew 18:17

Nu sissiyae adinapun dongngon da ibagada, ipaigammum atta namati ye magimugimung. Ḵad nu adinapun pagay os dongngon ibagan da namati ye magimugimung, ibelangnu'ḵ adinapun igammu'ḵ Apudyus baḵon nu sa osae andadagup atta bugis.”

Matthew 5:47

Ḵad nu abus ay da ḵailiyanyu'ḵ pionyu ḵaug-uggud, ngai nisabaliyanyu'tta udum? Taḵon ay da Gentil we adipun angigammu ḵan Apudyus ḵoonda bos ḵaḵna.

Matthew 6:1

Pinagatupan Jesus we nantuttudu woḵ ḵanana, “Ilanyu ta adiyu gagaḻ-on ipappaila'tta tagu we naun-unan ḵayu te nu siya ḵoonyu, ippun gungunayu ḵan Amayu'd langit.

Mark 2:15

Nanḵaḵaḵan ḵad da Jesus ya da disipuluna'ḵ ḵuwan da Levi, naḵaḵan ḵan dida da adu we andadagup atta bugis ya da udume ḵabasbassuḻan te adu da nituntun-ud.

Mark 2:16

Innilan ḵad da Pharisee ye mimistulun ni lintoge naḵaḵan aḵ Jesus atta ḵatti ye tagu, ḵananda'tta disipuluna, “Ngaipa'ḵ Jesus maḵaḵan atta andadagup atta bugis ya da udume ḵabasbassuḻan?”

Luke 15:1

Adu da andadagup atta bugis ya da ḵabasbassuḻane ummoy nandongoḻ si tuttudun Jesus.

Luke 18:13

“Sa andadagup ḵad atta bugis, summiḵad atte battawa woḵ adipun nantangad ad langit te mabain atta basuḻna yaḵon ḵinabḵabna baḻuḵungna te nambabawi'tta basuḻna woḵ ḵanana, ‘Apudyus, ḵadaguwanaḵ ḵappose ḵabasbassuḻan.’ ”

Luke 19:2

inggaw baḵnange pangat da andadagup atta bugis, sa ngadanna ḵad Zacchaeus.

Luke 19:7

Yaḵon da losane nangila ḵanandae singngongonot, “Ngaipa umoy pamangili si boḻoy ni andi ye ḵabasbassuḻan?”

Luke 3:12

Inninggaw os da andadagup atta bugise ummoy nampabonyag ḵan siya woḵ ḵananda, “Mistulu, ngai ḵoonni?”

Luke 5:29

Pun minangilin Levi da Jesus atte boḻoyna. Inninggaw da adu we andadagup atta bugis ya da udume tagu we naḵaḵan ḵan dida.

Luke 5:30

Singngongonot da Pharisee ya da udume mimistulun ni lintog atta disipulun Jesus we ḵananda, “Ngaipa ḵayu maḵaḵan atta andadagup atta bugis ya da udume ḵabasbassuḻan?”

Luke 7:29

Da inninggaw sidi ye tagu ya da andadagup atta bugis, binonyagan John losan dida. Dingngoḻda ḵad da imbagan Jesus we mipanggob ḵan siya ḵananda, “Naun-unan pagay aḵ Apudyus!”

Luke 7:34

Ḵan saḵone Abeng Di Tagu, ummaliyaḵ ḵade maḵainum ya maḵaḵan, ḵananyu, ‘Ilanyu, siya ḵad bartekero ya botaḵan! Maḵabuḻbuḻun atta andadagup atta bugis ya da udume ḵabasbassuḻan!’