Matthew 5:39 - Sa Ugud Apudyus

³⁹ Yaḵon sa ibagaḵ ḵan diḵayu, adiḵayu bumaḻos atta angwa'ḵ lawweng ḵan diḵayu. Nu awad ametnag si madawinane apingyu, itayayu bos madawigi.

Matthew 5:39 Iomraidhean Croise

Matthew 5:40

Ḵad nu awad angidaḻum ḵan siḵa ta aḻana silupnu, ittom os jaḵetnu.

Luke 22:64

Pun binungutda bos atana woḵ ḵanandae nangang-angyag, “Sinsadi nu lamognu pugtuwan, ibagam ḵan diḵani nu ngai nangaplit ḵan siḵa.”

Luke 6:7

Inninggaw os da udume mimistulun ni lintog ya da Pharisee ye angitotollong ḵan siya ta ilanda nu ḵaanona saḵit atte umillongan te pionda pabasuḻon aḵ Jesus.

John 18:23

Summongbat aḵ Jesus ḵan siya woḵ ḵanana, “Nu nankamali imbagaḵ, ibagam ḵan saḵon inugudḵu we nankamali. Yaḵon nu ustu da imbagaḵ, ngaipam saḵon lipaḵon?”

1 Corinthians 6:7

Nu andidinnaḻum ḵayu, naabuse illog ni lawweng diḵayu. Te nu ḵatti unnoyna pos ay ampaḵaḻamon diḵayu ya kulukon diḵayu nu sa an-asidaḻum ḵayu.

1 Thessalonians 5:15

Ilanyu bos ta sa lawweng, adi oḵyan masubbat os atte lawwenge maḵwa. Yaḵon pasig oḵyan ambaḻu da ḵoonyu'tta buḻunyu we namati ya da losane tagu.

Hebrews 12:4

Te naippun pummoy-as daḻana ḵan diḵayu si nangipapattiyanyu ta adi ḵayu maḵabasuḻ.

James 5:6

Ḵinoddonganyu ḵan gingngatyu da tagu we naun-unane naippun ḵaḻabbongandae sumullagi ḵan diḵayu.

1 Peter 3:9

Nu awad angwa ḵan diḵayu'ḵ lawweng, adiyu ibaḻos. Nu awad os an-ugud aḵ lawweng, adiyu songbatan aḵ lawweng yaḵon iluwaḻuyu ḵan Apudyus ta bindisyunana dida. Te pinilin Apudyus diḵayu'ḵ mismu we taguna ta maḵatawid ḵayu si bindisyun.