Matthew 5:29 - Sa Ugud Apudyus

²⁹ Pun nu sa madawinane atam gapun ni maḵabasuḻam, uḵitom ya iballum! Te unnoyna paḵing atam nu sa miballu nabubuḵḵoḻe long-agnu'd infiernu.

Matthew 5:29 Iomraidhean Croise

Matthew 10:28

Adiyu isipog da lamogda gongaton da long-agyu yaḵon naippun lamogdae angongat atta ḵalidodwayu. Sa isipogyu oḵyan, aḵ Apudyus. Te lamogna dadailon long-ag ḵan ḵalidodwa'd infiernu.

Matthew 11:6

Ḵad ibagayu bos ḵan siyae pian tagu we adipun anduwaduwa si mipanggob ḵan saḵon.”

Matthew 16:26

Te ngai ḵad ain maganab ni tagu nu anḵuwana da losane binaḵnang atte lubung yaḵon taḻaḵona ḵalidodwana ya madusa'ḵ inggana? Naippun! Te naippun maḵwa'ḵ ipasanin ni tagu'tte biyagna.

Matthew 17:27

Yaḵon daḵampun aḵ pion taḵu paḻawengon da annae tagu. Inḵa amungwit si baybay. Ḵad itaḵdangnu umunae ugadiwe mabungwitan. Ḵad taḵangom sungadna ḵad awad de pilaḵe laḻammogta ambayad si bugista. Aḻam ya binayadam bugista.”

Matthew 19:12

Te sa lasune adin da tagu angasaw-an nansabasabali. Awad da udume laḻaḵi ye adipun angasawa gapu ta naḵawoyda. Awad da udume inggagaḻada impaḵaan maḻpuwan ni maganaḵanda. Ḵad awad da udume adipun angasawa gapu si anserbiyanda ḵan Apudyus si ampangatana. Sa tagu we ḵallabbong anuttuwa si sanae tuttudu, ambaḻu oḵyan nu ḵoona.”

Matthew 23:15

“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te andoḻdoḻmang ḵayu'tta baybaye umoy atta adayu we ili ta awad awisonyu'ḵ taḵon ay ossaan ta ambalin aḵ disipuluyu. Ḵad nu gangputonyu tuttuduwan sadi ye tagu, nambalin aḵ lawwelawweng ḵad amo madusa'd infiernu nu sa madusaanyu.

Matthew 23:33

Tuttuwae lawweng ḵan ḵaḵimḵimut ḵayu! Diḵayu da ganaḵ ni uḻog. Adiḵayupun paat miligsi'tte anusaan Apudyus ḵan diḵayu'd infiernu!

Matthew 5:22

Yaḵon sa ibagaḵ ḵan diḵayu, ngaimane sumasanga si asintataguna maḵuwis ḵan maḵoddongan aḵ madusa. Ngai ḵad ose angibabbain atte asintatagunae ḵanana, ‘Ippun paat silbim,’ midaḻum atta ḵuḵunsisaḻ. Isun os da ḵanandae, ‘Dong-ogḵa,’ inḵa si apuy ad infiernu.

Matthew 5:30

Nu sa dawinane imam gapun ni maḵabasuḻam, puttam ya imballum! Te unnoyna paḵing imam nu sa miballu nabubuḵḵoḻe long-agnu'd infiernu.”

Mark 8:36

Te ngai ḵad ain maganab ni tagu nu anḵuwana da losane binaḵnang atte lubung yaḵon taḻaḵona ḵalidodwana ya madusa'ḵ inggana? Naippun!

Luke 12:5

Yaḵon aḵ Apudyus oḵyan isipogyu. Te maḵwa ḵaanona angosyu ḵad ḵaḻabbongana bose angitop-aḻ ḵan diḵayu'd infiernu. Annaya ibagaḵ ḵan diḵayu, siya abus aḵ isipogyu!

Romans 6:6

Igammu taḵu we sa dadaane ḵinatatagu taḵu nidoga nipattoḻ atte kros ta madadail amaamay taḵu we angwa'ḵ basuḻ ḵad daḵantaḵupun ogon aḵ ammusassun ni basuḻ.

Romans 8:13

Te nu tuttuwaon taḵu da pipion da long-ag taḵu, matoy taḵu ḵad misina taḵu ḵan Apudyus aḵ inggana. Yaḵon nu an-awidan taḵu da pipion da long-ag taḵu mipagapu'tte ḵabooḻan ni Ispiritu Santu, matagu taḵu'ḵ inggana.

1 Corinthians 9:27

Disiplinaoḵ long-agḵu ta adiḵ unudon da lawwenge piona ta magangput ḵade iwaḻagawagḵu'tta udum, adiyaḵpun maḵaan.

Galatians 5:24

Te da tagun Jesu Kristu, naḵaan ḵan dida antataguda'tte awe ye da pipion da long-agda ya da lawwenge pipionda te isun di nagangputda nipattoḻ atte kros.

Colossians 3:5

Pun ḵasapuḻane an-awidanyu da dadaane ḵasomsomḵanyu ya da ugaliyu we isun da maḵadagdagas ya da udume kalasin di ḵaissaw, da pipion ni long-ag ya sa ḵamommod te siya isun di anayawan atta sinan-apudyus.