Matthew 5:19 - Sa Ugud Apudyus

¹⁹ Ḵad ngaimane allisalis taḵon ay ḵapeetan atta bilin Apudyus ya tuttuduwana da udum ose ḵoonda ḵaḵna, mibelange ḵababaan si ampangatan Apudyus. Yaḵon sa tagu we tumuttuwa ḵan angituttudu'tta bilinna, mibelange ḵangatuwan atte ampangatan Apudyus.

Matthew 5:19 Iomraidhean Croise

Matthew 11:11

Pun pinagatupan Jesus woḵ ḵanana, “Ibagaḵ ḵan diḵayu ḵatuttuwaan, losan atta nibuḵnag naippun tummoḵwaḻ aḵ nangatngatu nu aḵ John we Ambobonyag sina'd luta yaḵon sa ḵamḵama'tte ampangatan Apudyus nangatngatu nu siya.

Matthew 19:28

Ḵanan Jesus ḵan dida, “Ibagaḵ ḵan diḵayu ḵatuttuwaan, saḵone Abeng Di Tagu, nu dumatong tumuḵduwaḵ si tronoḵe an-ari nu ḵoon Apudyus baru we lubung, diḵayu we nasawaḻan aḵ duwae nibuḻubuḻun ḵan saḵon, tumuḵdu ḵayu bos atta nasawaḻan aḵ duwae trono we angipangat ḵan anguwis atta ganaḵ da nasawaḻan aḵ duwae abeng Israel.

Matthew 20:26

Yaḵon daḵampun oḵyan aḵ ḵaḵnat inonyu we angwa te ngaiman ḵan diḵayu we pionae nangatu, ḵasapuḻane anserbi'tta buḻunnae isun di sammilu.

Matthew 28:20

Ḵad tuttuduwanyu dida ta tuttuwaonda da losane imbilinḵu ḵan diḵayu. Sosomḵonyu we patilayune annaaḵ ḵan diḵayu inggana'ḵ anungus ni timpu.”

Luke 1:15

te ampatog atte antotollong Apudyus. Adipun oḵyan uminum aḵ bayas ya da udume bumartek. Taḵon ay sissiyaana'tte buwang inana, inggaw ḵabooḻan ni Ispiritu Santu ḵan siya.

Luke 11:42

“Ḵaddagu ḵayu we Pharisee! Te ittonyu ḵasimpuḻun ni apityu ḵan Apudyus, taḵon ay da muḻae amapiya'tta tipoy. Yaḵon adiyupun tuttuwaon ḵapatogane biline ituttudun ni lintog, isun da angwaanyu'tta ummun-un atta asintataguyu ya ayatonyu'ḵ Apudyus. Ḵasapuḻane ḵoonyu da anna ḵad adiyu bos maliwatan da udum.

Luke 9:48

Ḵanana ḵan dida “Ngaimane ammangili'tte isuna annae abeng gapu'tte pammatina ḵan saḵon, saḵon minangilina. Ḵad sa ammangili ḵan saḵon, minangilina bos nangibuun ḵan saḵon. Ngaimane ḵababaan ḵan diḵayu losan, siya ḵangatuwan.”

Acts 1:1

Patpatgoḵe Theophilus, Sa ummunae iblu we inggiliḵ, imbagaḵ da losane ḵingwan Jesus ya da intuttuduna nisaḻad si lapuna

Romans 3:8

Ḵad ngaipa taḵu adi ḵoon lawweng ta itoḵwaḻna ambaḻu? Awad da udume tagu we paḻawengonda saḵone ibagabagadae imbagaḵ da anna yaḵon daḵampun aḵ tuttuwa. Pun labbongnae madusada.

Romans 6:1

Tuttuwae amod de ḵinabaḻun Apudyus ḵan ditaḵu. Pun ngai ḵanan taḵu nu? Pagapagatupan taḵu ḵad aine bumasuḻ ta amo madogdog-an ḵinabaḻun Apudyus ḵan ditaḵu?

Romans 6:15

Ngai ḵad ain pion ni sana ḵanan? Nu matagu taḵu gapu'tte ḵinabaḻun Apudyus we daḵampun si anuttuwaan taḵu'tte lintog, pagatupan taḵu ḵad aine bumasuḻ? Adipun maḵwa!

1 Timothy 6:11

Yaḵon siḵae osae tagun Apudyus, ḵasapuḻane an-awidam da sana ya iggam ḵabooḻame angunud si ustu ḵan naapudyusane biyag. Ḵad papigsaom pammatim ḵan Apudyus, sa ayatnu, sa ḵinaanusnu ya sa an-ammaye biyag atta asintatagum.

Titus 3:8

Tuttuwa da sadi ye imbagaḵ ya matuttuwada oḵyan. Pun pioḵe pagapagatupame antuttudu'tta namati ḵan Apudyus sinat ta ummanda ipapuute angwa'tta ambaḻu. Da sadi ye tuttudu, ambaḻubaḻu ya idaḻanna da losane tagu'tte bumaḻuwanda.

1 Peter 5:4

Ḵad nu ampaila'ḵ Jesu Kristu we apun ni antangḵon, awatonyu annanayun ya madaydayawe gunguna.

1 John 3:4

Ḵad ngaimane bumasuḻ, lisalisona Lintog Apudyus te sa basuḻ lisalisona lintog.

Revelation 2:20

“ ‘Yaḵon awad de adiḵpun pion ḵan diḵayu, iyyunudyu we midoga sanae bubai ye aḵ Jezebel ḵan diḵayu. Ḵananae siya profeta we angituttudu'tta imbagan Apudyus yaḵon gapu si tuttuduna, awisona da anserbi ḵan saḵon ta adaḻugonda da daḵampun aḵ asawada ḵan anganda'tta maḵane nidatun atta sinan-apudyus.