Matthew 5:18 - Sa Ugud Apudyus

¹⁸ Ibagaḵ ḵan diḵayu ḵatuttuwaan, taḵon ay nu mawawan langit ḵan luta, naippun paat mataḻaḵ, taḵon ay simpattoḵe Lintog Apudyus inggana'ḵ mituttuwa da panggob Apudyus.

Matthew 5:18 Iomraidhean Croise

Matthew 10:15

Ibagaḵ ḵan diḵayu ḵatuttuwaan, nu dumatong anguwisan Apudyus atta losane tagu, nadagdagson dusan da tagu si sadi ye ili nu sa dusan da iSodom ḵan iGomorrah.”

Matthew 10:23

Nu ampaḵaḻamonda diḵayu si osae ili, an-atun ḵayu si osae ili. Ibagaḵ ḵan diḵayu ḵatuttuwaan, nu dumatongaḵe Abeng Di Tagu, daanyupun gangputon da ḵewaaḻe paḵwaḵ ḵan diḵayu'tta losane ili'd Israel.”

Matthew 10:42

Ibagaḵ ḵan diḵayu ḵatuttuwaan, ngaimane ampainum taḵon ay nu abuse sintasae danum atte osa'tta sanae ḵamḵama gapu ta disipuluḵ, aaddi ye magungunaan.”

Matthew 11:11

Pun pinagatupan Jesus woḵ ḵanana, “Ibagaḵ ḵan diḵayu ḵatuttuwaan, losan atta nibuḵnag naippun tummoḵwaḻ aḵ nangatngatu nu aḵ John we Ambobonyag sina'd luta yaḵon sa ḵamḵama'tte ampangatan Apudyus nangatngatu nu siya.

Matthew 13:17

Ibagaḵ ḵan diḵayu ḵatuttuwaan, taḵon ay nu adu da profeta ya da naun-unane tagu si awe ye pionda ilan da iillanyu, adidapun innila dida. Taḵon ay os nu pionda dongngon da dodongngonyu, adidapun dingngoḻ dida.”

Matthew 16:28

Ibagaḵ ḵan diḵayu ḵatuttuwaan, awad da udum ḵan diḵayu sinsadi ye adidapun yan matoy inggana'ḵ ilanda saḵone Abeng Di Tagu we umali ampangat.”

Matthew 17:20

Ḵanan Jesus we summongbat, “Gapu'tte aḵit pammatiyu. Ibagaḵ ḵan diḵayu ḵatuttuwaan, nu awad aḵit aḵ pammatiyu'ḵ isun ni ḵapeet ni buḵoḻ ni mustasa, maḵwa ḵananyu'tte beleg, ‘Miyatunḵa'tte andi,’ ḵad tuttuwae an-atun. Te lamogyu ḵoon da ngaiman.

Matthew 18:18

Ibagaḵ ḵan diḵayu ḵatuttuwaan, ngaimane iyadiyu sina'd luta, iyadin os Apudyus ad langit. Ḵad ngaimane iyunudyu sina'd luta, iyunud os Apudyus ad langit.

Matthew 18:3

woḵ ḵanana, “Ibagaḵ ḵan diḵayu ḵatuttuwaan, nu adi ḵayu ambalbaliwe isun ni annae abeng, adiḵayupun paat midoga si ampangatan Apudyus.

Matthew 19:23

Pune sadi ḵanan Jesus atta disipuluna, “Ibagaḵ ḵan diḵayu ḵatuttuwaan, anḵamnuḵamnut midog-an da babaḵnang si ampangatan Apudyus.

Matthew 19:28

Ḵanan Jesus ḵan dida, “Ibagaḵ ḵan diḵayu ḵatuttuwaan, saḵone Abeng Di Tagu, nu dumatong tumuḵduwaḵ si tronoḵe an-ari nu ḵoon Apudyus baru we lubung, diḵayu we nasawaḻan aḵ duwae nibuḻubuḻun ḵan saḵon, tumuḵdu ḵayu bos atta nasawaḻan aḵ duwae trono we angipangat ḵan anguwis atta ganaḵ da nasawaḻan aḵ duwae abeng Israel.

Matthew 21:21

Ḵanan Jesus ḵan dida, “Ibagaḵ ḵan diḵayu ḵatuttuwaan, nu amati ḵayu ḵan Apudyus ya adi ḵayu anduwaduwa, lamogyu ḵoon isun ni ḵingwaḵ si annae ḵayu we fig. Daḵampun aḵ abus sana, lamogyu bos ḵanan si annae beleg, ‘Ḵumassadḵa ya an-atunḵa si baybay,’ ḵad tuttuwae maḵwa.

Matthew 21:31

Pun ḵanan Jesus, “Dinu'tta annae duwa nanuttuwa si pion amada?” Ḵananda, “Sa panguḻu.” Pun ḵanan Jesus ḵan dida, “Ibagaḵ ḵan diḵayu ḵatuttuwaan, sa ḵabasbassuḻane tagu we isun da andadagup atta bugis ya da puta, umun-unada nu diḵayu umoy si ampangatan Apudyus.

Matthew 23:36

Ibagaḵ ḵan diḵayu ḵatuttuwaan, diḵayu we tagu si sanae lunap, midoga ḵayu si biyang ya sa dusan da sadi ye ginnumngat.”

Matthew 24:2

Ḵanan Jesus, “Ilanyu sinsadi da losane ḵinabaḻun da sana. Yaḵon ibagaḵ ḵan diḵayu ḵatuttuwaan, sa umali ye aḻgaw, maamin miḵisob da sanat ya miwalis ya naippun mabun-an taḵon ay ossaane batu si igawna.”

Matthew 24:47

Ibagaḵ ḵan diḵayu ḵatuttuwaan, sa sanae ambaḻu we sammilu, ipangatun ni apuna saadna ya siya angayyuwan atta losane ḵuḵuwana.

Matthew 25:12

“Yaḵon summongbat ḵad laḻaḵi ye ankasar, ḵanana, ‘Ibagaḵ ḵan diḵayu ḵatuttuwaan, ippun igammuḵ ḵan diḵayu.’ ”

Matthew 25:40

“Pun saḵone Ari summongbataḵ ḵan dida woḵ ḵanaḵ, ‘Ibagaḵ ḵan diḵayu ḵatuttuwaan, nu ḵingwayu da ḵaḵna si osae ḵababaan atta susunudḵu si pammati, ḵingwayu bos ḵan saḵon.’

Matthew 25:45

“Summongbat woḵ ḵanana ḵan dida, ‘Ibagaḵ ḵan diḵayu ḵatuttuwaan, nu adiyu binadangan taḵon ay osae ḵababaan atta annae susunudḵu, adiyupun os saḵon binadangan.’ ”

Matthew 5:26

Ibagaḵ ḵan siḵa ḵatuttuwaan, adiḵapun mapuḵayan atte babaḻḻudan inggana'ḵ bayadam losan da ḵasapuḻane mabayadan.”

Matthew 6:16

Pun pinagatupan Jesus woḵ ḵanana, “Ḵad nu allaun ḵayu, adiyu ipailae andadauy ḵayu we isun da ḵapappaila. Te ipailadae andadauyda ta ipailada'tta tagu we nallaunda. Ibagaḵ ḵan diḵayu ḵatuttuwaan, nagagangpute inawatda gungunada.

Matthew 6:2

“Pun nu awad ibadangnu si anḵasapuḻe tagu, adim umoy ipalapalawag ḵingwame ambaḻu, isun ni ḵoon da ḵapappaila'tta sinagoga ya da ḵaḻsa. Ḵoonda da sana ta midayawanda'tta tagu. Ibagaḵ ḵan diḵayu ḵatuttuwaan, nagagangpute inawatda da gungunada.

Matthew 8:10

Dingngoḻ ḵad Jesus da imbagana, nasdaaw woḵ ḵanana'tta nibuḻun ḵan siya, “Ibagaḵ ḵan diḵayu ḵatuttuwaan, naippun paat indasanda'ḵ tagu'ḵ ampigsapigsa pammatina'd Israel aḵ isun ni pammatin ni annae tagu.

Mark 10:15

Ibagaḵ ḵan diḵayu ḵatuttuwaan, ngaimane adina awaton ampangatan Apudyus we isun ni abeng, adipun paat midoga.”

Mark 10:29

Ḵanan Jesus, “Ibagaḵ ḵan diḵayu ḵatuttuwaan, ngaimane tenana boḻoyna, susunudna, amana, inana, da abengna ya da lutana gapu'tte angunudana ḵan saḵon ya sa angibagabagaana'tte Ambaḻu we Damag,

Mark 11:23

Ibagaḵ ḵan diḵayu ḵatuttuwaan, nu amati ḵayu we adipun anduwaduwa si pusuyu we mituttuwa da ibagayu, maḵwae ḵananyu'tte annae beleg, ‘Ḵumassadḵa ya an-atunḵa si baybay,’ ḵad aaddi ye mituttuwa.

Mark 12:43

Pun inayagan Jesus da disipuluna woḵ ḵanana, “Ibagaḵ ḵan diḵayu ḵatuttuwaan, naad-adu intub-ung ni annae ḵapuse baḻu nu da losane nangitub-ung si iiggaan ni atod.

Mark 13:30

Ibagaḵ ḵan diḵayu ḵatuttuwaan, sissiyae matattagu da udume tagu si annae lunap atte mituttuwaan da losane imbagaḵ ḵan diḵayu.

Mark 14:18

Sa anḵaḵaḵananda ḵanan Jesus, “Ibagaḵ ḵan diḵayu ḵatuttuwaan, awad de osa ḵan diḵayu we maḵaḵane angituyuḵ ḵan saḵon.”

Mark 14:25

Ibagaḵ ḵan diḵayu ḵatuttuwaan, adiyaḵpun ḵasin uminum atte bayase grape inggana si aḻgawe maḵainumaḵ ḵan diḵayu'tte ḵaḵḵopyae bayase grape atte ampangatan Apudyus.”

Mark 14:30

Ḵanan Jesus, “Ibagaḵ ḵan siḵa ḵatuttuwaan, daampun ḵawitan anullaḵuḵ aḵ madam-an taḻun, amiḵluwom saḵon puḵlitan.”

Mark 14:9

Ibagaḵ ḵan diḵayu ḵatuttuwaan, dinumane miwaḻagawagan ni Ambaḻu we Damag atte losane lubung, maug-uggud ḵingwan ni annae bubai ta angiḵagasmoḵanda ḵan siya.”

Mark 3:28

“Ibagaḵ ḵan diḵayu ḵatuttuwaan, losane basuḻ da tagu, maḵwae pakawanon Apudyus, taḵon ay da ibagada si mipanggob ḵan Apudyus.

Mark 6:11

Yaḵon nu awad ili'ḵ ayanyu ya adidapun mangiliyon ḵan dongngon da ibagayu, tenanyu. Ḵad nu inḵayun, ipaḻpagyu gabu'tta dapanyu ta igammuwondae dida asi ḵigad atte madusaanda.”

Mark 8:12

Pun ummag-os aḵ Jesus si sigab ni somsomoḵna woḵ ḵanana, “Ngaipa da tagu sinsanae ḵodaḵodawondae angipailaaḵ aḵ nakaskasdaawe sinyal ḵan dida ta amanoḵnoḵe aḵ Apudyus nangibuun ḵan saḵon? Ibagaḵ ḵan diḵayu ḵatuttuwaan, ippun paat mipaila ḵan dida.”

Mark 9:1

Pinagatupan Jesus woḵ ḵanana, “Ibagaḵ ḵan diḵayu ḵatuttuwaan, awad da udum ḵan diḵayu we adidapun yan matoy inggana'ḵ ilanda ḵabooḻan Apudyus si ampangatana.”

Mark 9:41

Ibagaḵ ḵan diḵayu ḵatuttuwaan, ngaimane amainum ḵan diḵayu gapu ta diḵayu da disipulun Kristu, aaddi ye magungunaan ḵan Apudyus.”

Luke 11:51

On, da losane profeta, misaḻad atte nangongatanda ḵan Abel inggana'tte nangongatanda ḵan Zechariah we gingngatda'tte nambootan ni altar ḵan templo. Annaya ibagaḵ ḵan diḵayu, diḵayu we tagu si sanae lunap, midoga ḵayu si biyang ya sa dusan da sadi ye ginnumngat.

Luke 12:37

Pian da sammilu we naḵasagana nu dumatong apuda taḵon ay nu gawallabi baḵon nu madam-an taḻun. Ibagaḵ ḵan diḵayu ḵatuttuwaan, pasantan ni apuda silupna'tte pallos ya patuḵduwona dida ta siya allusnu ḵan dida.

Luke 13:35

Ilanyu ḵad, diḵayu mabaḻaw te tenan Apudyus diḵayu ya mabaawan temployu. Annaya ibagaḵ ḵan diḵayu we inggana sinsadi, ippun ogon ilanyu ḵan saḵon inggana'ḵ dumatong timpu we asiyu ḵanan, ‘Madaydayaw oḵyan umali ye imbuun Apudyus!’ ”

Luke 16:17

Yaḵon naḻaslasu we mawawan langit ḵan luta nu sa simpattoḵe Lintog Apudyus we ambalin aḵ ippun anuna.”

Luke 18:17

Ibagaḵ ḵan diḵayu ḵatuttuwaan, ngaimane adina awaton ampangatan Apudyus we isun ni abeng, adipun paat midoga.”

Luke 18:29

Ḵanan Jesus ḵan dida, “Ibagaḵ ḵan diḵayu ḵatuttuwaan, ngaimane tenana boḻoyna, asawana, susunudna, amana ḵan inana ya da abengna gapu si ampangatan Apudyus,

Luke 23:43

Ḵanan Jesus ḵan siya, “Ibagaḵ ḵan siḵa ḵatuttuwaan, sinsadi ye aḻgaw midogaḵa ḵan saḵon ad langit.”

Luke 4:24

Pinagatupan os Jesus woḵ ḵanana, “Ibagaḵ ḵan diḵayu ḵatuttuwaan, naippun profeta aḵ mapatgan si mismu we ilina.”

John 1:51

Pun ḵanana bos ḵan dida, “Ibagaḵ ḵan diḵayu ḵatuttuwaan, sa umali ye aḻgaw asiyu ilane mabuḵatan ad langit ḵad ilanyu da anghel Apudyus we ngumatu ḵan dumoḻa ḵan saḵone Abeng Di Tagu we naḻpu'd langite niyanaḵ sina'd luta.”

John 10:1

Pune sadi ḵanan Jesus we nangipani, “Ibagaḵ ḵan diḵayu ḵatuttuwaan, ngaimane adi lumnoḵ atte lewangan ni puḵuḵan da karnero yaḵon ḵumaḻab si osae maoy, sanat aḵḵawan ḵan tulisan.

John 10:7

Pun ḵanan os Jesus we nangipani, “Ibagaḵ ḵan diḵayu ḵatuttuwaan, saḵon lewangane ayon da karnero.

John 12:24

Ibagaḵ ḵan diḵayu ḵatuttuwaan, sa ossaane buḵoḻ nu adi maottag si luta ya matoy, umoossaan. Yaḵon nu matoy, amunga'ḵ adu.

John 13:16

Ibagaḵ ḵan diḵayu ḵatuttuwaan, naippun sammilu'ḵ nangatngatu nu sa apuna. Ḵad naippun mibuun aḵ nangatngatu nu sa nangibuun ḵan siya.

John 13:38

Ḵanan Jesus we summongbat, “Tuttuwa ḵammane ittom long-agnu'ḵ matoy gapu ḵan saḵon? Ibagaḵ ḵan siḵa ḵatuttuwaan, daampun anullaḵuḵ ḵawitan, amiḵluwom saḵon puḵlitan.”

John 14:12

“Ibagaḵ ḵan diḵayu ḵatuttuwaan, ngaimane amati ḵan saḵon, ḵoona bos da ḵingwaḵ. Ḵad daḵdaḵoḻ da ḵoona nu da ḵingwaḵ te iyyaḵ ḵan Amaḵ.

John 16:20

Ibagaḵ ḵan diḵayu ḵatuttuwaan, umibil ya andomdom ḵayu yaḵon anggangganas da tagu we adipun amati. Ḵad andadauy ḵayu yaḵon sa dadauyyu ambalin aḵ laylayad.

John 16:23

“Sa sadi ye aḻgaw, naippun ḵodawonyu ḵan saḵon. Ibagaḵ ḵan diḵayu ḵatuttuwaan, ngaimane ḵodawonyu ḵan Amaḵ mipagapu'tte ḵabooḻaḵ, ittona ḵan diḵayu.

John 21:18

Ibagaḵ ḵan siḵa ḵatuttuwaan. Sa ḵababaḻum, siḵa angigga si taḵyadnu ta maḵasaganaḵae umoy si ayam ya ummoyḵa si piom ayan. Yaḵon nu maḻaḵayḵa, andopaḵa ya awad de angigga si taḵyadnu ya ipuyutna siḵa si adimpun pione ayan.”

John 3:11

Ibagaḵ ḵan siḵa ḵatuttuwaan, siya panoḵnoḵanni igammuni ya da innilani yaḵon adiyupun patiyon.

John 3:3

Ḵanan Jesus, “Ibagaḵ ḵan siḵa ḵatuttuwaan, nu adi tagu miyanaḵ ḵasin, adipun maḵwae midoga si ampangatan Apudyus.”

John 3:5

Ḵanan Jesus, “Ibagaḵ ḵan siḵa ḵatuttuwaan, adipun maḵwae midoga tagu si ampangatan Apudyus nu adi miyanaḵ atte danum ya sa Ispiritu Santu.

John 5:19

Pun ḵanan Jesus ḵan dida, “Ibagaḵ ḵan diḵayu ḵatuttuwaan, saḵone Abengna, adiyaḵpun maḵaḵwa'tta ḵooḵ nu abusaḵ. Te da ḵooḵ, abus da ilaḵe ḵoon Amaḵ. Ḵad da ngaimane ḵoon Amaḵ, siya bos da ḵooḵ.

John 6:26

Ḵanan Jesus ḵan dida, “Ibagaḵ ḵan diḵayu ḵatuttuwaan, singsingtonaḵ te nangan ḵayu ya nassug ḵayu'tte tinapaye impaḵanḵu ḵan diḵayu. Daḵampun aḵ gapu ta naawatanyu da nakaskasdaawe sinyale innilayu.

John 6:32

Ḵanan Jesus ḵan dida, “Ibagaḵ ḵan diḵayu ḵatuttuwaan, daḵampun ḵan Moses nangitod ḵan dida'tte maḵane naḻpu'd langit. Yaḵon aḵ Amaḵ nangitod ya siya angitod ḵan diḵayu'tte tuttuwae maḵane maḻpu'd langit.

John 6:47

Ibagaḵ ḵan diḵayu ḵatuttuwaan, ngaimane amati ḵan saḵon, awad ḵan siya biyag aḵ inggana.

John 6:53

Ḵanan Jesus ḵan dida, “Ibagaḵ ḵan diḵayu ḵatuttuwaan, nu adiyu ḵanon long-agḵu we Abeng Di Tagu ḵan adiyu inumon daḻaḵ, naippun ḵan diḵayu biyag aḵ inggana.

John 8:34

Ḵanan os Jesus, “Ibagaḵ ḵan diḵayu ḵatuttuwaan, da losane dam-on maḵabasuḻ musassuda si basuḻ.

John 8:51

Ibagaḵ ḵan diḵayu ḵatuttuwaan, ngaimane anuttuwa'tta ugudḵu, adipun matoy.”

John 8:58

Ḵanan Jesus, “Ibagaḵ ḵan diḵayu ḵatuttuwaan, sa daan Abraham miyanaḵan, inninggawaḵ.”

1 Peter 1:25

yaḵon sa Ugud Apudyus, ippun ambalbaliwana'ḵ inggana.” Sa annae Ugud Apudyus, siya annae Ambaḻu we Damag we niwaḻagawag ḵan diḵayu.

Revelation 20:11

Naabus ḵad, innilaḵ daḵodaḵoḻe itaḵe trono ya innilaḵ os tummutuḵdu sidi. Ḵad sa luta ya sa langit, mawawandae isun di umawidda umadayu ḵan siya. Ḵad adidapun ogon maila.