Matthew 5:11 - Sa Ugud Apudyus

¹¹ Pian ḵayu nu potogonda diḵayu ya ampaḵaḻamon diḵayu ḵan an-ugudan diḵayu'ḵ lawweng gapu'tte pammatiyu ḵan saḵon.

Matthew 5:11 Iomraidhean Croise

Matthew 10:18

Gapu'tte pammatiyu ḵan saḵon, midaḻum ḵayu'tta gobernor ya da ari ta panoḵnoḵanyu Ambaḻu we Damag ḵan dida ya da Gentil.

Matthew 10:22

Ḵad sasangngaan os diḵayu'tta losane tagu gapu si pammatiyu ḵan saḵon. Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana.

Matthew 10:25

Pun mat-op oḵyan an-adaḻ nu miyisu si mistuluna ḵad isuna bos si sammilu nu miyisu si apuna. Nu ipanida saḵon si simboḻoye aḵ Beelzebul we pangat da aḻan, aaddi ye amo dallu we lawweng angngadanda ḵan diḵayu we niḵamboḻoy.”

Matthew 10:39

Te ngaimane angipatog atte long-agna, matoy pos pagay. Yaḵon sa angiḵatoy atte pammatina ḵan saḵon, itton Apudyus ḵan siya biyag aḵ inggana.”

Matthew 19:29

Ḵad ngaimane tenana boḻoyna, susunudna, amana baḵon nu inana, da abengna ya da lutana gapu ḵan saḵon, anginsinggasute ḵaadu awatona nu da tinenana ḵad maittan si biyag aḵ inggana.

Matthew 24:9

“Sa umali ye aḻgaw, doḵmaanda diḵayu ya ampaḵaḻamon ḵan gongatonda diḵayu. Ḵad sasangngaan os diḵayu'tta losane tagu gapu si pammatiyu ḵan saḵon.

Matthew 27:39

Ḵad da tagu we lummaus, siwwiwigiwigdae nangang-angyag ḵan Jesus,

Mark 13:13

Sasangngaan os diḵayu'tta losane tagu gapu ḵan saḵon. Yaḵon ngaimane angiyattom atta losane ampaḵaḻaman ya gogomgomana pammatina, matagu'ḵ inggana.”

Mark 13:9

“Ummanyu te doḵmaanda ḵan idaḻum diḵayu'tta ḵuḵunsisaḻ ya aplitonda diḵayu'd daḻom atta sinagoga. Gapu'tte pammatiyu ḵan saḵon, midaḻum ḵayu bos atta gobernor ya da ari ḵad maittan ḵayu'ḵ gundawaye angiwaḻagawag atte Ambaḻu we Damag ḵan dida.

Mark 4:17

yaḵon adipun nillumnoḵ atta somsomoḵda. Amatida'ḵ sin-aḵitan ḵad nu dumatong ampaḵaḻamanda baḵon nu mapadasda gapu'tte amatiyanda si Ugud Apudyus, daguse iwaḻangda pammatida ḵan Apudyus.

Mark 8:35

Te ngaimane angipatog atte long-agna, matoy. Yaḵon sa angiḵatoy si pammatina ḵan saḵon ya gapu'tte Ambaḻu we Damag, itton Apudyus ḵan siya biyag aḵ inggana.

Luke 21:12

“Yaḵon sa daan da sadi maḵwaan, doḵmaanda ḵan ampaḵaḻamon diḵayu. Idaḻumda diḵayu'tta sinagoga ḵad ibaḻudda diḵayu. Gapu si pammatiyu ḵan saḵon, iyoyda diḵayu'tta ari ya da gobernor.

Luke 21:17

Ḵad sasangngaan os diḵayu'tta losane tagu gapu ḵan saḵon.

Luke 6:22

Pian ḵayu nu sasangngaan diḵayu'tta tagu, ya nu laḵsigonda diḵayu, potogonda diḵayu, ya am-amsewonda diḵayu gapu'tte pammatiyu ḵan saḵone Abeng Di Tagu.

Luke 9:24

Te ngaimane angipatog atte long-agna, matoy. Yaḵon sa angiḵatoy atte pammatina ḵan saḵon, itton Apudyus ḵan siya biyag aḵ inggana.

John 15:21

Yaḵon ḵoonda da anna ḵan diḵayu gapu ḵan saḵon te naippun igammuda si nangibuun ḵan saḵon.

John 9:28

Pun nan-uguugudanda sadi ye laḻaḵi woḵ ḵananda, “Siḵa osa'tta disipuluna yaḵon diḵani disipulun Moses.

Acts 9:16

Ipailaḵ ḵan siya ummamdane ampaḵaḻamanae asina laḵ-amon mipagapu'tte ngadanḵu.”

Romans 8:36

Te sa ḵanan ni nigili ye Ugud Apudyus, “Gapu ḵan siḵa Apu, pasige sasagganaonni ḵatoy ḵad isunin karnero we madam-an misida.”

1 Corinthians 4:10

Diḵani ḵad, gapu'tte nanserbiyanni ḵan Kristu, ḵanandae dong-og ḵani. Yaḵon ḵan diḵayu, ḵananyu we nalaing ḵayu gapu'tte niyossaananyu ḵan Kristu. Diḵani ḵad, anḵuya ḵani yaḵon diḵayu ḵad, anḵosdoḻ ḵayu. Am-amsewon os da tagu diḵani ya mapatgan ḵayu ḵan dida.

2 Corinthians 4:11

Tuttuwae sa inggan ni matattaguwanni, pasigni tataggaḻon ḵatoy gapu ḵan Jesus ta sa antatagun Jesus mipaila si annae long-agni ye matoy.

Philippians 1:29

Te innatod Apudyus wayayu we daḵampun aḵ abus amatiyanyu ḵan Kristu yaḵon sa ampaḵaḻamanyu bos mipagapu'tte amatiyanyu ḵan siya.

1 Peter 2:23

Inang-angyagda ḵad, adipun os ummang-angyag. Nampaḵaḻamonda ḵad, adinapun inḵoḻkog dusa ḵan dida yaḵon nantaḻgod ḵan Apudyus we naun-unan anḵuḵuwisna.

1 Peter 4:14

Pian ḵayu nu maang-angyag ḵayu gapu si pammatiyu ḵan Kristu te sadi angigammuwanyu we iinggaw ḵan diḵayu madaydayawe Ispiritun Apudyus.

Revelation 2:3

Igammuḵ ḵinaanusyu we angiyattom atta ampaḵaḻamanyu gapu ḵan saḵon ya adiḵayupun maayong.