Matthew 4:9 - Sa Ugud Apudyus

⁹ woḵ ḵanana, “Ittoḵ ḵan siḵa losan da sana nu analluḵuḵa ya andayawḵa ḵan saḵon.”

Matthew 4:9 Iomraidhean Croise

Matthew 26:15

Ḵanana, “Ngai ittonyu ḵan saḵon nu ipuḻangḵu'ḵ Jesus ḵan diḵayu?” Pun tinangdananda'ḵ tuḻumpuḻu we palata.

Matthew 4:10

Ḵanan Jesus, “Ḵumassadḵa, Satan! Te ḵanan ni nigili'tte Ugud Apudyus, ‘Sa Apu we Apudyusnu, siya abus aḵ dayawom ḵan anserbiyam.’ ”

John 12:31

Sinsadi ḵuwison Apudyus da tagu si annae lubung ya sinsadi aḵ Satan we pangat da tagu we adipun amati, maabaḵ.

John 13:3

Yaḵon inigammun Jesus we impuḻang Amana ḵan siya da losan ya inigammuna bose naḻpu ḵan Apudyus ḵad mipauli bos ḵan siya.

John 14:30

“Adipun ogon andu maḵaug-uggudaḵ ḵan diḵayu te annate umali'ḵ Satan we pangat da adipun amati ḵan saḵon. Naippun ḵabooḻana ḵan saḵon,

John 16:11

Nankamalida mipanggob atte anḵuwisan Apudyus te da tagu we adipun amati naḵoddonganda'ḵ dusaon Apudyus te nagangpute inḵoddongnae dusaona'ḵ Satan we pangat da adipun amati.

2 Corinthians 4:4

Adidapun amati te aḵ Satan we apudyus da tagu si annae lubung si sanae timpu, tatallingdana da somsomoḵda ta adida ilan silawe maḻpu'tte Ambaḻu we Damag mipanggob si ḵinangatun Kristu we ḵais-isun Apudyus.

1 Timothy 3:6

Ḵasapuḻane daḵampun aḵ baru we namati ta adi ampasindayaw ya madusae isun Satan.

Revelation 19:10

Sa nangugudan ni anghel atte sadi, nanalluḵuwaḵe andayaw ḵan siya. Yaḵon ḵanana, “Adipun ḵasapuḻane ḵoom ḵaḵnat! Aḵ Apudyus abuse andayawam! Saḵon ḵad, anserserbiyaḵ ose isum ḵan Apudyus ya da susunudnu ḵan Kristu we sissiyae amati'tta impaigammun Jesus. Te da impaibagan ni Ispiritu Santu atta profeta, naḻpuda si impaigammun Jesus.”

Revelation 19:16

Sa langgoyodna ya sa uḻpuna, nigili annae ngadane ḵanana, “Ḵangatuwane Ari atta losane Ari ya Ḵangatuwane Apu atta losane Apu.”