Matthew 4:24 - Sa Ugud Apudyus

²⁴ Nandinongoḻ da ḵingwan Jesus atta losane saḵubna'd Syria. Pun nan-iyoyda ḵan siya'tta losane nasaḵit ya da ampaḵaḻam, isun da naaḻanan, naḵoḻtoy ya da naparalaes woḵ ḵinaanna da saḵitda.

Matthew 4:24 Iomraidhean Croise

Matthew 12:22

Naabus ḵad, indatongda ḵan Jesus naḵuḻap ya naumoḻ te naaḻanan. Pinaḻyawna ḵad aḻan, naḵaginga ḵan nadiyat atana.

Matthew 14:1

Sa sadi ye timpu, dingngoḻ Herod we gobernor atte probinsiya'd Galilee mipanggob atta ḵingwan Jesus,

Matthew 15:22

Inninggaw bubai ye iCanaan we Gentil we naḵaumili. Ummadani ḵan Jesus woḵ isassaudna ḵanane nampoḵaw, “Apu, we ganaḵ Ari David, ḵadaguwanaḵ ḵappos! Awad de abengḵu we babaḻasange naaḻanan. Ḵad awade amod de saḵitna.”

Matthew 17:15

woḵ ḵanana “Apu, ḵadaguwam ḵappos abengḵu we naḵoḻtoy. Ampaḵapaḵaḻam ya patilayun misobosob si danum baḵon nu misubba si apuy.

Matthew 17:18

Pun sinuppaḵan Jesus aḻan woḵ pinaḻyawna ta tenana abeng woḵ tinenan ḵad ni aḻan, daguse naḵaan saḵitna.

Matthew 4:23

Ginaḵay Jesus da losane ili'tte probinsiya'd Galilee woḵ nantuttudu'tta sinagogada. Iwwaḻagawagna Ambaḻu we Damag mipanggob si ampangatan Apudyus. Ḵinaanna da nankalakalasi ye saḵit ḵan ampaḵaḻaman da tagu.

Matthew 8:28

Dummatong ḵad da Jesus si domang ni baybaye saḵub ni ili'd Gadara, niyabot ḵan siya da duwae laḻaḵi ye naaḻanane naḻpu si lilibbonan. Maasngaanda ya allasu we sumangada, pun siya ippun maḵatuḻod angoy si sadi ye daḻan.

Matthew 8:33

Da nanangḵon ḵad atta sadi ye boḻoḵ, ummawidda woḵ ummoyda si siyudad. Pun innaminda imbaga da naḵwa ya sa naḵwa bos atta naaḻanan.

Matthew 8:6

woḵ ḵanana, “Apu, awad de sammiluḵ aḵ ḵuwani ye uumbog. Naparalaes ya ampaḵapaḵaḻam.”

Matthew 9:26

Ḵatti ḵad naḵwa, niyasaḵ ugud atte mipanggob si ḵingwan Jesus atta nampaliḵwose ili.

Matthew 9:35

Ginaḵagaḵay Jesus da losane siyudad ḵan losane ili. Nantuttudu'tta sinagogada ya iwwaḻagawagna Ambaḻu we Damag mipanggob si ampangatan Apudyus ḵan ḵinaanna bos da losane kalasin di saḵit ya da ampaḵaḻaman da tagu.

Mark 1:28

Pun daguse nandinongoḻ mipanggob ḵan Jesus atta losane ili'tte probinsiya'd Galilee.

Mark 1:32

Lummabi ḵad, inniyoy da umili da losane naaḻanan ya da nasaḵit ḵan Jesus.

Mark 2:3

dummatong da opate nambulig atte naparalaes.

Mark 2:4

Yaḵon naippun paat ayondae umadani ḵan Jesus te nansossodet da tagu. Pun insaḵyatda'tte otop woḵ ummabutda'ḵ singgetbang. Nagangput ḵad, inuyudda nabuligan atte gaggawan da tagu'tte sinagung Jesus.

Mark 2:9

Ngai ḵad ain naḻaslasu we ibaga ḵan siya, ‘Napakawan da basuḻnu,’ baḵon nu ‘Tumaḵdogḵa, aḻam oboḵnu ya anaddaḻanḵa’?

Luke 2:2

Sana ummunae nampalistaanda si aḵ Quirinius Gobernor si probinsiya'd Syria.

Luke 4:14

Pune sadi, nipauli'ḵ Jesus si probinsiya'd Galilee, iinggaw ḵabooḻan ni Ispiritu Santu ḵan siya. Nandinongoḻ ugud mipanggob ḵan siya'tta losane nampaliḵwose ili.

Luke 4:38

Pune sadi, lummawa ḵad aḵ Jesus we naḻpu'tte sinagoga, ummoy si boḻoy da Simon. Inninggaw ḵatugangan Simon we bubai ye amoamod atungna. Pun nandagdaguda ḵan Jesus ta badangana.

Luke 5:15

Yaḵon amo nandinongoḻ ugud atte mipanggob ḵan Jesus. Pun ummamdan da tagu we ummoy nangngoḻ atte tuttuduna ya paḵaanda da saḵitda.

Luke 5:24

Yaḵon ta angigammuwanyu we saḵone Abeng Di Tagu we naḻpu'd langite niyanaḵ sina'd luta, anna ḵaḻabbongaḵ sina'd lutae amakawan atta basuḻ da tagu.” Ḵanana'tte naparalaes, “Bumangonḵa, aḻam bulignu ta inḵan si boḻoyyu.”

Luke 7:17

Unipun, nandinongoḻ ugud mipanggob atta ḵingwan Jesus atte probinsiya'd Judea ya da losane nampaliḵwose ili.

John 10:21

Yaḵon ḵanan da udum, “Daḵampun aḵ ḵaḵnat an-uugud ni maaḻanan. Lamog ḵamman ni aḻan diyaton da atan ni naḵuḻap?”

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.

Acts 15:23

Annaya suḻate indagasda, “Pakumustae naḻpu ḵan diḵani ye apostol ya da angipangpangu'tta namati ya da susunud ḵan Kristu sina'd Jerusalem. Annaya suḻatni ḵan diḵayu we Gentil we susunud ḵan Kristu sinat ad Antioch, Syria ya ad Cilicia.

Acts 15:41

Pun ummoyda'tta ili'd Syria ya ad Cilicia ta umoyda papigsaon pammatin da namati atta gimung.

Acts 28:9

Naḵwa ḵad ay sadi, ummoy da nasaḵite udum ḵan Paul woḵ ḵinaanna da saḵitda.

Acts 8:7

Te da aḻan lummawada'tta adu we tagu we naaḻanane sintutuḵingda ya adu da naparalaes ya da napilaye naḵaan da saḵitda.