Matthew 4:23 - Sa Ugud Apudyus

²³ Ginaḵay Jesus da losane ili'tte probinsiya'd Galilee woḵ nantuttudu'tta sinagogada. Iwwaḻagawagna Ambaḻu we Damag mipanggob si ampangatan Apudyus. Ḵinaanna da nankalakalasi ye saḵit ḵan ampaḵaḻaman da tagu.

Matthew 4:23 Iomraidhean Croise

Matthew 11:5

Da naḵuḻap, maḵailada, da napilay, maḵataddaḻanda, da naleprosy, naḵaan saḵitda, da natuḻong, maḵadongoḻda, da natoy, nataguda ḵasin ḵad miwaḻagawag Ambaḻu we Damag atta ḵapus.

Matthew 12:9

Pun nallibbat da Jesus sidi woḵ ummoy si sinagogada.

Matthew 13:19

Da naottag atte daḻan, mipanida'tta tagu we dongngonda mipanggob si ampangatan Apudyus yaḵon adidapun maawatan. Ummoy aḵ Satan ya ḵinaanna'tte somsomoḵda da ugude dingngoḻda.

Matthew 13:54

woḵ nipauli si mismu we ilinae dummaḵoḻana. Ummoy atte sinagoga ta antuttudu woḵ nasdaaw da nandongoḻ ḵan siya. Ḵanandae nan-asiimus, “Ngai nangaḻ-ana si laingna ḵan ḵabooḻanae angwa'tta nakaskasdaaw?

Matthew 14:14

Dummatong ḵad da Jesus atte taḻantag ni baybay, lummogsadda'tte bangka. Innilana ḵad da amode tagu, ḵummadagu ḵan dida woḵ ḵinaanna da saḵit da nasaḵit.

Matthew 24:14

Ḵad sa Ambaḻu we Damag mipanggob si ampangatan Apudyus, ḵasapuḻane miwaḻagawag atta losane ili si lubung ta dongngon da tagu ḵatuttuwaan. Ḵad asiyot dumatong anungus ni lubung.”

Matthew 3:2

Ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Matthew 9:35

Ginaḵagaḵay Jesus da losane siyudad ḵan losane ili. Nantuttudu'tta sinagogada ya iwwaḻagawagna Ambaḻu we Damag mipanggob si ampangatan Apudyus ḵan ḵinaanna bos da losane kalasin di saḵit ya da ampaḵaḻaman da tagu.

Mark 1:14

Naabus ḵade nibaḻud aḵ John, nipauli'ḵ Jesus atte probinsiya'd Galilee ta umoyna iwaḻagawag Ambaḻu we Damag we naḻpu ḵan Apudyus.

Mark 1:21

Pune sadi, ummoy da Jesus ya da disipuluna'd Capernaum. Sa umillongan da Judyu, nillumnoḵda'tte sinagoga woḵ insaḻad Jesus we nantuttudu.

Mark 1:39

Pun ummoyda nanggaḵay atta losane ili'tte probinsiya'd Galilee woḵ iwwaḻagawag Jesus Ambaḻu we Damag atta adu we sinagoga woḵ paḻyawona da aḻan atta naaḻanan.

Mark 3:10

Gapu ta ḵinaanna da amode saḵit, naaligummu da nasaḵit te pionda oḵyan tokkon aḵ Jesus ta ḵaanona da saḵitda.

Mark 6:2

Dummatong ḵad umillongan, ummoy aḵ Jesus nantuttudu'tte sinagoga. Adu da nataag atte dingngoḻda woḵ ḵananda, “Dinu nin ay nangaḻ-ana'tta sana? Ngai nangaḻ-ana si laingna? Atoman da nakaskasdaawe lamogna ḵoon!

Mark 6:6

Nataag atte ippun pammatida ḵan siya. Pune sadi, ummoy aḵ Jesus nantuttudu'tta nampaliḵwose ili.

Luke 10:9

Ḵaanonyu da saḵit ya iwaḻagawagyu'tta tagu we gattoḵe sinsadi awad ḵan diḵayu ampangatan Apudyus.

Luke 13:10

Sin-aḻgawan ḵade sa umillongan, nantuttudu'ḵ Jesus atte sinagoga.

Luke 16:16

“Sa lintog Moses ya sa inggilin da profeta, siya tinuttuwan da tagu inggana si timpun John we Ambobonyag. Inggan ni sadi ye timpu, niwaḻagawag Ambaḻu we Damag mipanggob si ampangatan Apudyus ḵad da losane tagu ipatutdae midoga.

Luke 20:1

Sin-aḻgawan ḵad, nantuttudu'ḵ Jesus atte paway ni templo woḵ iwwaḻagawagna Ambaḻu we Damag. Pun ummoy ḵan siya da papangat da papadi, da mimistulun ni lintog ya da pallakayon da Judyu.

Luke 4:14

Pune sadi, nipauli'ḵ Jesus si probinsiya'd Galilee, iinggaw ḵabooḻan ni Ispiritu Santu ḵan siya. Nandinongoḻ ugud mipanggob ḵan siya'tta losane nampaliḵwose ili.

Luke 5:17

Sin-aḻgawan ḵad, nantuttudu'ḵ Jesus si boḻoy. Atuḵtuḵdu sidi da Pharisee ya da mimistulun ni lintog. Naḻpuda'tta losane ili'tte probinsiya'd Galilee ya sa probinsiya'd Judea, nidoga'd Jerusalem. Iinggaw ḵabooḻan Apudyus ḵan Jesus ta lamogna ḵaanon da saḵit.

Luke 6:17

Pune sadi, nan-osog da Jesus atte tanap. Inninggaw os da disipuluna. Inninggaw os da amoamode tagu we naḻpu'd Jerusalem ya da udume ili'tte probinsiya'd Judea. Naḻpu bos da udum atta ili si taḻantag ni baybaye adani'd Tyre ya ad Sidon.

Luke 6:6

Sin-aḻgawan ḵad si umillongan, nillumnoḵ aḵ Jesus si sinagoga ta antuttudu. Unipun, inninggaw tagu we naangḵet dawinane imana.

Luke 7:21

Sa dummaḵnganda, ḵinaan Jesus da saḵit da adu we tagu, ḵad pinaḻyawna bos da aḻan atta naaḻanan. Ḵinaanna bos ḵuḻap da naḵuḻap,

Luke 7:22

woḵ ḵanana'tta imbuun John, “Mipauli ḵayu ḵan John ta inḵayu ibaga ḵan siya da innilayu ḵan dingngoḻyu, we da naḵuḻap, maḵailada, da napilay, maḵataddaḻanda, da naleprosy, naḵaan saḵitda, da natuḻong, naḵadongoḻda, da natoy, nataguda ḵasin ḵad sa Ambaḻu we Damag miwaḻagawag atta ḵapus.

Luke 8:1

Unipun, nanggaḵay aḵ Jesus atta siyudad ḵan ili, iwwaḻagawagna Ambaḻu we Damag mipanggob si ampangatan Apudyus. Nibuḻun da nasawaḻan aḵ duwae disipuluna ḵan siya.

Luke 9:11

Dingngoḻ ḵad da amoamode tagu ummayan da Jesus, tinun-udda dida. Pun inayagana dida woḵ intuttuduna mipanggob atte ampangatan Apudyus ya sa inonae angaan atta saḵit.

Luke 9:60

Ḵanan Jesus ḵan siya, “Awad da adipun amati ḵan saḵone isudan natoy, dida asi umoy angilibon atta natoyda. Yaḵon inḵa ya iwaḻagawagnu ampangatan Apudyus.”

John 18:20

Ḵanan Jesus, “Patilayunaḵ antuttudu si maḻamaḻang atte sinagoga ya sa paway ni templo we andaḵdaḵngan da losane Judyu. Ḵad naippun imbagaḵ aḵ nitataḻu.

John 6:59

Imbagan Jesus da anna'tte nantuttuduwana si sinagoga we mimittingan da Judyu ad Capernaum.

John 7:1

Nagangput ḵad sadi, ummoy aḵ Jesus atta nampaliḵwose ili'tte probinsiya'd Galilee. Adinapun pione umoy atte probinsiya'd Judea te singsington da papangat da Judyu inondae angongat ḵan siya.

Acts 10:38

Igammuyu we dinutuḵan Apudyus aḵ Jesus we iNazareth ya innatodna Ispiritu Santu ya sa ḵabooḻana ta dinumane ayana, ḵoona da ambaḻu ya ḵinaanna da ampaḵaḻaman da nampaḵapaḵaḻamon Satan te anna'ḵ Apudyus ḵan siya.

Acts 18:4

Sa umillongan da Judyu, ummoy aḵ Paul si sinagoga ya naḵasossongbat ta padasona awison da Judyu ḵan Gentil ta amatida ḵan Jesus.

Acts 20:25

“Sinsadi andongoḻ ḵayu, igammuḵe diḵayu we nangiwaḻagawagaḵ mipanggob atte ampangatan Apudyus, aditaḵupun ogon an-asiila.

Acts 28:31

Natuḻode nangiwaḻagawag ḵan nangituttudu mipanggob si ampangatan Apudyus ya aḵ Apu Jesu Kristu ḵad ippun nanupod ḵan siya.

Romans 10:15

Ḵad ngai bos inon da tagu we umoy angiwaḻagawag nu naippun angibuun ḵan dida? Te ḵanan ni nigili ye Ugud Apudyus, “Ambaḻu ta anna da umali ye angiwaḻagawag si Ambaḻu we Damag!”