Matthew 4:19 - Sa Ugud Apudyus

¹⁹ Ḵanan Jesus ḵan dida, “Tun-udonaḵ ta ambalinoḵ diḵayu'ḵ disipuluḵ ya tuttuduwaḵ diḵayu si inonyu we angiyadani'tta tagu we amati ḵan saḵone isun ni inonyu we anabuḵuḻ atta ugadiw.”

Matthew 4:19 Iomraidhean Croise

Matthew 16:24

Pun ḵanan Jesus atta disipuluna, “Ngaimane pionae mitun-ud ḵan saḵon, ḵasapuḻane an-awidana long-agna, buḵudona de krosna ya mitun-ud ḵan saḵon.

Matthew 19:21

Ḵanan Jesus ḵan siya, “Nu piom wadawadda ḵan siḵa, inḵa ingina da ḵuḵuwam ya ittom bayadna'tta ḵaḵapus woḵ awad de binaḵnangnu we inggappot Apudyus ad langit. Ḵad umaliḵa ta tun-udonaḵ.”

Matthew 4:18

Nanadtaddaḻan ḵad aḵ Jesus atte taḻantag ni Baybay ad Galilee, innilana da duwae ansunude mammaugadiwe anabuḵuḻ, da Simon we ngannonda Peter ḵan Andrew.

Matthew 4:20

Pune sadi, daguse tinenanda da tabuḵuḻda woḵ nitun-udda ḵan siya.

Matthew 8:22

Ḵanan Jesus ḵan siya, “Tun-udonaḵ. Awad da adipun amati ḵan saḵone isudan natoy, dida asi umoy angilibon atta natoyda.”

Matthew 9:9

Unipun atte ummoyon aḵ Jesus, innilana osae andadagup atta bugise nangngadan aḵ Matthew we tutuḵdu'tte opisinan da andadagup atta bugis. Ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.” Lummibbat ay aḵ Matthew woḵ nitun-ud ḵan siya.

Mark 2:14

Lummaus aḵ Jesus woḵ innilana'ḵ Levi ye abeng Alphaeus we tutuḵdu'tte opisinan da andadagup atta bugis. Ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.” Pun lummibbat ay aḵ Levi woḵ nitun-ud ḵan siya.

Luke 5:27

Nagangput ḵad, lummawa'ḵ Jesus woḵ innilana osae andadagup atta bugise nangngadan aḵ Levi we tutuḵdu'tte opisinan da andadagup atta bugis. Ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.”

Luke 9:59

Ḵanan Jesus atte osae tagu, “Tun-udonaḵ.” Yaḵon ḵanana, “Apu, Iyyaḵ yan ilibon aḵ amaḵ.”

John 1:43

Mabigat ḵad, simsimmoḵ Jesus we umoy atte probinsiya'd Galilee. Indasana'ḵ Philip woḵ ḵanana ḵan siya, “Tun-udonaḵ ta ambalinoḵ siḵa'ḵ disipuluḵ.”

John 12:26

Ngaimane anserbi ḵan saḵon, ḵasapuḻane tun-udonaḵ ya dinumane inggawaḵ, siya bos inggawan ni sammiluḵ. Ngaimane anserbi ḵan saḵon, dayawon Amaḵ.”

John 21:22

Ḵanan Jesus, “Nu pioḵe sissiyae matagu inggana'ḵ mipauliyaḵ, ngai ḵad ain biyangnu? Tun-udonaḵ!”

2 Corinthians 12:16

Pun maḵwae iyunudyu we adiyaḵpun nanḵodaw atta masapuḻḵu ḵan diḵayu. Yaḵon awad da angibagae siḵapaḵ ḵan allelawoḵ diḵayu'tte tinutuli.