Matthew 4:17 - Sa Ugud Apudyus

¹⁷ Inggan ni sadi ye timpu, insaḻad Jesus we nangiwaḻagawag woḵ ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Matthew 4:17 Iomraidhean Croise

Matthew 10:7

Dinumane ayanyu, iwaḻagawagyu we sinsadi gattoḵe awad ḵan diḵayu ampangatan Apudyus.

Matthew 11:12

Inggan ni nangisaḻdan John we Ambobonyag we nangiwaḻagawag inggana sinsadi, awad da angipatut angiwaḻagawag atte ampangatan Apudyus ya awad os da angipatut midoga'tte ampangatana.

Matthew 13:11

Ḵanan Jesus, “Diḵayu ḵad, nipaigammu da banage adipun nipaigammu si awe mipanggob atte ampangatan Apudyus. Yaḵon ḵan dida, adinapun impaigammu.

Matthew 13:24

Pun inḵasin Jesus imbaga pani'tta amode tagu woḵ ḵanana, “Mipani ampangatan Apudyus si osae tagu we ambabaḻu iyyosoḵnae pagoy si payawna.

Matthew 13:47

Pinagatupan Jesus woḵ ḵanana, “Sa ampangatan Apudyus mipani bos si tabuḵuḻe inuyud da anabuḵuḻ atte baybay inggana'ḵ mapnu'tta nankalakalasi ye ugadiw. Ḵad itaḵdangda ya tumuḵduda ta piliyanda. Da ambabaḻu we ugadiw iggada'tte aḵḵubaw ya iballuda da anḵaḻaweng.

Matthew 13:9

Ginangput ḵad Jesus inug-uggud annae pani, ḵanana, “Diḵayu we andodongngoḻ, sosomḵonyu da dingngoḻyu.”

Matthew 25:1

Pinagatupan Jesus woḵ ḵanana, “Mipani ampangatan Apudyus atta simpuḻu we babaḻasange innaḻada da silawda woḵ ummoyda inabot laḻaḵi ye ankasar.

Matthew 3:2

Ḵanana, “Ibabawiyu da basuḻyu ya agayyu we angwa te gattoḵe sinsadi awad ḵan diḵayu ampangatan Apudyus.”

Matthew 6:10

Dumatong oḵyan ampangatam sina'd luta, ta mituttuwa da piniom sina'd lutae ḵama'd langit.

Matthew 9:13

Te adiyaḵpun ummali ta ayagaḵ da naun-unane tagu yaḵon ummaliyaḵ ta ayagaḵ da ḵabasbassuḻan ta ambabawida'tta basuḻda ta ansinagungda ḵan Apudyus. Pun inḵayu adaḻon nigili ye Ugud Apudyus we ḵanana, ‘Ḵan saḵon, napatpatog ḵumadagu ḵayu'tta asintataguyu nu sa angidatun ḵayu'ḵ ayam ya da udume datun ḵan saḵon.’ ”

Luke 15:10

Ḵanan Jesus we nangiyanungus, “Annaya ibagaḵ ḵan diḵayu, ḵatti bos gangganas ni bubai si nangdasana si nataḻaḵe palatana, anggangganas aḵ Apudyus ya da anghelna nu awad ambabawi'tta basuḻna ya agaynae angwa taḵon ay ossaane ḵabasbassuḻan.”

Luke 15:7

Iyyanungus Jesus ḵanan, “Annaya ibagaḵ ḵan diḵayu, ḵatti bose amod de ganas Apudyus ya da anghelna'd langit atte osae ḵabasbassuḻane ambabawi'tta basuḻna ya agaynae angwa nu sa ganasda'tta siyampuḻu ya siyame naun-unane tagu we adidapun ḵasapuḻane ambabawi'tta basuḻda ya adidapun agaye angwa.”

Luke 24:47

Sa ambabawiyan da tagu'tta basuḻda ya agaydae angwa ya sa amakawanan Apudyus ḵan dida mipagapu ḵan saḵon, ḵasapuḻane miwaḻagawag atta losane ili si lubung misaḻad sina'd Jerusalem.

Luke 3:23

Sana nangisaḻdan Jesus we nantuttudu'tte batug di tuḻumpuḻu tawonna. Ḵad sa ḵasomsomḵan da tagu, siya abeng Joseph. Aḵ Joseph, siya abeng Heli.

Luke 5:32

Te adiyaḵpun ummali ta ayagaḵ da naun-unane tagu yaḵon ummaliyaḵ ta ayagaḵ da ḵabasbassuḻan ta ambabawida'tta basuḻda ya agaydae angwa.”

Luke 9:2

pun imbuunna dida ta umoyda iwaḻagawag ampangatan Apudyus ya ḵaanonda da saḵit.

Acts 11:18

Dingngoḻda ḵad sana, ingginoḵdae nanamḵuy ḵan siya woḵ ḵanandae nangidaydayaw ḵan Apudyus, “Innatod os Apudyus atta Gentil ta ambabawida'tta basuḻda ya agaydae angwa ta awad ḵan dida biyag aḵ inggana.”

Acts 17:30

Sa awe, inan-anusan Apudyus da ḵingwan da tagu te daandapun igammuwon. Yaḵon sinsadi, imbilinnae losane tagu ibabawida da basuḻda ya agaydae angwa.

Acts 2:38

Ḵanan Peter ḵan dida, “Ibabawiyu da basuḻyu ya agayyu we angwa ya awad osa ḵan diḵayu ampabonyag atte ngadan Jesu Kristu ta mapakawan da basuḻyu ya awatonyu atod ni Ispiritu Santu.

Acts 20:21

Binagbagaaḵ os da dogaḵe Judyu ya da Gentil we ḵasapuḻane ibabawida da basuḻda ya agaydae angwa ta umadanida ḵan Apudyus ya amatida ḵan Jesu Kristu we Apu taḵu.

Acts 26:20

Te ummunae iwwaḻagawagḵu'tta tagu'd Damascus inggana'd Jerusalem ya da losane ili'tte probinsiya'd Judea ya da Gentil ta ibabawida oḵyan da basuḻda ya ansinagungda ḵan Apudyus ḵad ḵoonda ambaḻu we mibagay si nambabawiyanda.

Acts 3:19

Pune sadi, ibabawiyu da basuḻyu ya agayyu we angwa ta mapakawan ḵayu.

Hebrews 6:1

Pun tenan taḵu da ummunae tuttudu si mipanggob ḵan Kristu ya pagatupan taḵu adaḻon da naadaḻome tuttudu ta maangsan taḵu si pammati. Adi taḵu iḵasiḵasin adaḻon puun ni pammati taḵu we isun ni ambabawiyan taḵu'tta basuḻ taḵu ya agay taḵu we angwa'tta ḵoḵoḵḵone ippun anuda ya sa amatiyan taḵu ḵan Apudyus.