Matthew 3:7 - Sa Ugud Apudyus

⁷ Yaḵon innilan ḵad John da adu we Pharisee ḵan da Sadducee ye umoy ampabonyag ḵan siya, ḵanana, “Diḵayu we ganaḵ ni uḻog! Nankamali sinomsomoḵyu we nangibagae lamogyu iligsi da long-agyu'tte madusaanyu ḵan Apudyus nu pabonyag ḵayu.

Matthew 3:7 Iomraidhean Croise

Matthew 12:24

Yaḵon dingngoḻ ḵad da Pharisee ḵananda, “Abus aḵ Beelzebul we pangat da aḻan aḵ nangitod atte ḵabooḻanae amaḻyaw atta aḻan.”

Matthew 12:34

Diḵayu we ganaḵ ni uḻog! Ngai inonae ambaḻu da ugudonyu si gagangaye lawweng ḵayu? Te sa mapopompon atta somsomoḵyu, siya ugudon da sungadyu.

Matthew 15:12

Pun ummadani da disipuluna ḵan siya woḵ ḵananda, “Adimpun ḵamman igammu we sumanga da Pharisee si dingngoḻda imbagam?”

Matthew 16:1

Dummatongda ḵad, inninggaw da udume Pharisee ya da Sadducee ye ummoy ḵan Jesus ta padasonda siḵapan. Pun ḵananda, “Angipailaḵa ud ḵan diḵani'tta nakaskasdaawe sinyal aḵ angigammuwanni ye aḵ Apudyus ad langit nangibuun ḵan siḵa.”

Matthew 16:6

Ḵanan Jesus ḵan dida, “Ummanyu ta adi ḵayu maalisan atte yeast da Pharisee ya da Sadducee.”

Matthew 22:15

Pune sadi ḵesan da Pharisee woḵ ummoyda nantutuḻag si inondae anoḵma ḵan Jesus gapu'tta inugudna.

Matthew 22:23

Sa sadi ye aḻgaw, ummoy da udume Sadducee ḵan Jesus woḵ nan-imusda ḵan siya. Dida osae grupun da Judyu we adipun amati ye umuli da matoy.

Matthew 22:34

Dingngoḻ ḵad da Pharisee ye pinaginoḵ Jesus da Sadducee te nakakaskasdaaw da songbatna'tta im-imusda, nadagupda ḵasin woḵ ummoyda ḵan Jesus.

Matthew 23:33

Tuttuwae lawweng ḵan ḵaḵimḵimut ḵayu! Diḵayu da ganaḵ ni uḻog. Adiḵayupun paat miligsi'tte anusaan Apudyus ḵan diḵayu'd infiernu!

Matthew 5:20

Pun sa ibagaḵ, ḵaḻabbonganyu we midoga si ampangatan Apudyus nu amo naun-unan ḵayu nu da mimistulun ni lintog ya da Pharisee.”

Mark 12:13

Pun nangibuunda'tta grupun Ari Herod ya da udum atta Pharisee ta padasonda nu ankamali songbat Jesus ta siya ambatayandae angidaḻum.

Mark 12:18

Pun ummoy da udume Sadducee ḵan Jesus. Dida osa'tta grupun da Judyu we adipun amati ye umuli da matoy. Ḵananda,

Mark 8:15

Pun ḵanan Jesus we namilin ḵan dida, “Ummanyu ta adi ḵayu maalisan atte yeast da Pharisee ya aḵ Herod.”

Luke 16:14

Dingngoḻ ḵad da Pharisee imbagan Jesus, inam-amsewda te siya pionda pilaḵ.

Luke 18:11

Nillumnoḵda ḵad, summiḵad Pharisee ye bummattawa'tta udum woḵ ḵananae nalluwaḻu, ‘Anggappiyaaḵ Apudyus te adiḵpun isu da udume an-igab, adidapun naun-unan, maḵadagdagasda taḵon ay annate andadagup atta bugis.

Luke 7:30

Yaḵon da Pharisee ya da nalainge mimistulun ni lintog, indiyanda panggob Apudyus ḵan dida woḵ adidapun nampabonyag ḵan John.

John 1:24

Imbuun da Pharisee da tagu we maḵaim-imus ḵan John.

John 8:44

Iissuyuḵ amayu we Satan. Ḵad siya pionyu ḵoon da pion ni amayu. Pumappatoy si inggan ni lapuna ḵad ippun ḵoona'ḵ ḵatuttuwaan te naippun ḵatuttuwaan ḵan siya. Nu antultulli, siya ugalina te tuliyan ya maḻpuwan da tuli.

John 9:40

Dingngoḻ da udum atta Pharisee ye adani ḵan siya woḵ ḵananda, “Ḵanam ḵammane naḵuḻap ḵani bos?”

Acts 15:5

Yaḵon inninggaw da udume namati ye naḻpu'tte grupun da Pharisee ye summiḵadda woḵ ḵananda, “Ḵasapuḻane pasogyat da Gentil ya ibilin taḵu we tuttuwaonda da lintog Moses.”

Acts 20:31

Pun dadaḵḵagonyu ya sosomḵonyu we sa tuḻun tawone inninggawaḵ ḵan diḵayu, adiḵpun ingginoḵe nangiwaḻagawag ḵan diḵayu si inaḻgaw ḵan nilabi ye maaḻuboy luwaḵ si ayatḵu ḵan ḵadaguḵ ḵan diḵayu.

Acts 26:5

Nabayage igammuda saḵon inggan ni nidogaaḵ atte grupun da Pharisee ye angipapati si religionni ya impapatiḵe nanuttuwa'tta lintogda. Maḵwae panoḵnoḵandae tuttuwa da anna nu pionda.

Acts 5:17

Yaḵon da ḵangatuwane padi ya da losane grupun da Sadducee, amod de aposda'tta apostol.

Romans 1:18

Te aḵ Apudyus ad langit, impaigammuna sangana'tta adipun andayaw ḵan siya ya da angwa'ḵ lawweng. Te sa ḵinalawengda anupod si mipaigammuwan ni ḵatuttuwaan.

Romans 5:9

Pun gapu ta ginangput Apudyus ditaḵu ḵingwa'ḵ naun-unan mipagapu'tte daḻan Kristu we pummoy-as atte natoyana, aaddi ye igammu taḵu we mipagapu ḵan Kristu matagu taḵu'tte anguwisan Apudyus atta tagu.

1 Thessalonians 1:10

Ḵad imbagada bose anusanyu uuwayon Abengna we maḻpu'd langit. Siya'ḵ Jesus we impaulin Apudyus ya siya angiligsi ḵan ditaḵu'tte ummamdane sangan Apudyus we dumatong.

Hebrews 11:7

Mipagapu si pammatin Noah, nandongoḻ atta imbagan Apudyus mipanggob atta banage maḵwa si umali ye aḻgawe daannapun yan ilan. Tinuttuwana'ḵ Apudyus woḵ nangwa'ḵ daḵoḻe bapur ta matagudae simbaḻyan. Gapu si pammatina, impailanae nankamali da tagu'tte lubunge adidapun amati ḵan Apudyus ya dusaon Apudyus oḵyan dida. Pun imbelang Apudyus aḵ naun-unan mipagapu si pammatina.

Hebrews 6:18

Inggan ni nankariyan Apudyus ya pinanoḵnoḵana si sapata, igammu taḵu we mituttuwa te adipun maḵwae maobos ya adipun antultulli'ḵ Apudyus. Pun ditaḵu we ummoy ḵan siya ta masaḻaḵniban taḵu, gattoḵe masoḻgag taḵu taḵon ay nu amo popotpotan taḵu namnamae innatodna ḵan ditaḵu.

1 John 3:10

Ḵaḵna angimatunan taḵu'tta abeng Apudyus ya da abeng Satan: Da tagu we daḵampun aḵ abeng Apudyus, adidapun ḵoon da ustu ya adidapun ayaton da asintataguda.