Matthew 3:5 - Sa Ugud Apudyus

⁵ Pun ummoy da tagu we naḻpu'd Jerusalem ḵan siya ya da losane ili'tte probinsiya'd Judea ya da naḻpu'tta nampaliḵwose ili'tte tawwang Jordan.

Matthew 3:5 Iomraidhean Croise

Matthew 2:1

Aḵ Jesus ḵad niyanaḵ ad Bethlehem atte probinsiya'd Judea si nampangatan Ari Herod. Baag-en inninggaw da ummoy ad Jerusalem we naḻpu si dumingitan init. Nalaingdae angibaga'tta pion da bituwon ḵanan.

Matthew 4:25

Nitun-ud ḵan siya da ummamdane tagu we naḻpu'tte probinsiya'd Galilee, siyudad ad Jerusalem, probinsiya'd Judea ya da nampaliḵwos ad Decapolis ya da ili ye inggaw si domang ni tawwang Jordan.

Mark 1:5

Pun adu da naḻpu'd Jerusalem ya da losane ili'tte probinsiya'd Judea we ummoy ḵan siya woḵ imbabaggada da basuḻda pun binonyagan John dida'tte tawwang Jordan.

Luke 16:16

“Sa lintog Moses ya sa inggilin da profeta, siya tinuttuwan da tagu inggana si timpun John we Ambobonyag. Inggan ni sadi ye timpu, niwaḻagawag Ambaḻu we Damag mipanggob si ampangatan Apudyus ḵad da losane tagu ipatutdae midoga.

Luke 3:3

Pune sadi, ummoy John iwwaḻagawag atte nandomange taḻantag ni tawwang Jordan. Ḵanana, “Ibabawiyu da basuḻyu ya agayyu we angwa ya ampabonyag ḵayu ta pakawanon Apudyus diḵayu.”

Luke 3:7

Pune sadi, ummoy da amode tagu nampabonyag ḵan siya. Ḵanana ḵan dida, “Diḵayu we ganaḵ ni uḻog! Nankamali somsomoḵyu we nangibagae lamogyu iligsi da long-agyu'tte madusaanyu ḵan Apudyus nu pabonyag ḵayu.

John 3:23

Aḵ John ḵad os, nambonyag ad Aenon we adani'd Salim te adu danum sidi. Ḵad dumanatong da tagu we umoy ḵan siya pabonyag.

John 5:35

Aḵ John, mipani'tte silawe lumangḻang ta silawana da somsomoḵyu. Ḵad ginangganasyu we nandongoḻ ḵan siya si sin-aḵitan.