Matthew 3:16 - Sa Ugud Apudyus

¹⁶ Naabus ḵad aḵ Jesus nabonyagan, daguse tummoḵwaḻ si danum woḵ baag-en nabuḵtan ad langit. Pun innilana Ispiritu Santu we dumoḻadoḻae isunan kalapati woḵ nansap-oy ḵan siya.

Matthew 3:16 Iomraidhean Croise

Mark 1:10

Tummoḵwaḻ ḵad aḵ Jesus si danum, daguse innilana'd langite nabuḵtan ya sa Ispiritu Santu we dumoḻadoḻae isunan kalapati woḵ nansap-oy ḵan siya.

John 1:51

Pun ḵanana bos ḵan dida, “Ibagaḵ ḵan diḵayu ḵatuttuwaan, sa umali ye aḻgaw asiyu ilane mabuḵatan ad langit ḵad ilanyu da anghel Apudyus we ngumatu ḵan dumoḻa ḵan saḵone Abeng Di Tagu we naḻpu'd langite niyanaḵ sina'd luta.”

John 3:34

Sa imbuun Apudyus, siya ugudona da Ugud Apudyus te innatod Apudyus Ispiritu Santu ḵan siyae ippun anungusna.

Acts 7:56

Pun ḵanana, “Ilanyu ḵad! Ilaḵ ad langite nabuḵtan ya sa Abeng Di Tagu we naḻpu'd langite niyanaḵ sina'd lutae sisiḵad atte madawinan Apudyus.”

1 John 5:6

Ummali ḵad aḵ Jesus si annae luta, inninggaw da tuḻu we nangipanoḵnoḵe siya Abeng Apudyus. Sa umuna, sa nampabonyagana'tte danum. Sa ḵumagwa, sa daḻanae pummoy-as atte natoyana. Ḵad sa ḵumaḵlu, sa Ispiritu Santu we angibaga si ḵatuttuwaan. Da sanae tuḻu, nan-iisu we tinaḵdoḻanda mipanggob ḵan Jesu Kristu.