Matthew 3:11 - Sa Ugud Apudyus

¹¹ “Bonyagaḵ diḵayu'tte danum aḵ angipailae nambabawi ḵayu'tta basuḻyu ya agayyu we angwa. Yaḵon sa dumatonge miyun-unud ḵan saḵon, bonyagana diḵayu si Ispiritu Santu ya sa apuy. Nangatngatu nu saḵon ya gapu si ḵinangatuna, naippun labbongḵu we angaptin atte sandalna.

Matthew 3:11 Iomraidhean Croise

Matthew 3:6

Imbabaggada da basuḻda pun binonyagan John dida'tte tawwang Jordan.

Mark 1:4

Pune sadi, nituttuwa te nampaila'ḵ John we Ambobonyag atte bumbummaaw woḵ iwwaḻagawagna'tta losane ummoy nandongoḻ. Ḵanana, “Ibabawiyu da basuḻyu ya agayyu we angwa ya ampabonyag ḵayu ta pakawanon Apudyus diḵayu.”

Luke 1:17

Ḵad siya umuna nu aḵ Apu ya itton ni Ispiritu Santu ḵabooḻanae isuna innatodna ḵan Profeta Elijah we profeta we an-uuggudon Apudyus atte awe. Antimpuyugona somsomoḵ da an-amae nansubog ya ipaulina bos da lawwenge tagu ḵan Apudyus ta maun-unan da somsomoḵda. Ḵoona ḵaḵnat ta misaganada'tte dumaḵngan Apu.”

Luke 3:16

Ḵanan John ḵan dida, “Bonyagaḵ diḵayu si danum. Yaḵon sa umali ye nangatngatu nu saḵon, bonyagana diḵayu si Ispiritu Santu ḵan apuy. Gapu si ḵinangatuna, naippun labbongḵu we anguḵas si sandalna.

Luke 3:3

Pune sadi, ummoy John iwwaḻagawag atte nandomange taḻantag ni tawwang Jordan. Ḵanana, “Ibabawiyu da basuḻyu ya agayyu we angwa ya ampabonyag ḵayu ta pakawanon Apudyus diḵayu.”

John 1:15

Pinanoḵnoḵan John mipanggob ḵan siya woḵ ḵananae nangiyipḵaw, “Sana imbagabagaḵ ḵan diḵayu we awad de umun-unud ḵan saḵone nangatngatu te inggaw atte daanḵu mibuḵnagan.”

John 1:30

Siya imbagabagaḵ ḵanane, ‘Awad de umun-unud ḵan saḵone nangatngatu te inggaw atte daanḵu mibuḵnagan.’

Acts 1:5

Te nambonyag aḵ John si danum yaḵon sa sin-aḵitane aḻgaw mabonyaganda'tte Ispiritu Santu.

Acts 19:4

Ḵanan Paul, “Sa bonyage intuttudun John, siya ambabawiyan da tagu'tta basuḻda ya agaydae angwa. Imbaganae amatida'tte umun-unud ḵan siyae aḵ Jesus.”

Acts 8:36

Naaḵatda ḵade nallugan, dummatongda'tte igaw ni danum woḵ ḵanan ni opisyal, “Ilam, annaya danum! Ngai maḵatupod ḵan saḵone pabonyag?”

Acts 8:38

Pun pinaginoḵna kalesa woḵ ummoydae duwa si danum woḵ binonyagan Philip.

1 Corinthians 12:13

Losan taḵu we namati, Judyu baḵon nu Gentil, musassu baḵon nu daḵampun, nabonyagan taḵu we ossaane long-ag mipagapu'tte ossaane Ispiritu Santu ya sa sanae Ispiritu, siya inawat taḵu we losan.

Ephesians 3:8

Taḵon ay nu saḵon ḵababaan atta losane tagun Apudyus, impailana ḵinabaḻuna si nangittana ḵan saḵon atte gundawaye angipaigammu ḵan diḵayu we Gentil atte ippun miyisuwanae bindisyune awad ḵan Kristu.

Titus 3:5

tinaguna ditaḵu. Daḵampun aḵ gapu'tta naun-unane ḵingwa taḵu nataguwan taḵu, nu adi gapu si ḵummadaguwana. Tinaguna ditaḵu'tte namapoḻḵasana'tta basuḻ taḵu ḵad isun di niyanaḵ taḵu ḵasin ya naittan taḵu'ḵ baru we biyag gapu'tte ḵabooḻan ni Ispiritu Santu.

1 Peter 5:5

Diḵayu ḵad ose bagbagu, ḵasapuḻane paipangat ḵayu'tta angipangpangu. Pun diḵayu losane namati, ḵasapuḻane ipakumbabayu da long-agyu'tta buḻunyu ta anserbi ḵayu'tte sin-ossaossa. Te ḵanan ni nigili ye ugudna, “Sullagiyon Apudyus da ngaimane ampasindayaw, yaḵon ipailana ḵinabaḻuna'tta ngaimane napakumbaba.”