Matthew 3:1 - Sa Ugud Apudyus

¹ Sa inninggawan da Jesus ad Nazareth, ummoy aḵ John we Ambobonyag atte probinsiya'd Judea atte bumbummaaw woḵ insaḻadnae nangiwaḻagawag atta ummoy sidi nandongoḻ ḵan siya.

Matthew 3:1 Iomraidhean Croise

Matthew 11:11

Pun pinagatupan Jesus woḵ ḵanana, “Ibagaḵ ḵan diḵayu ḵatuttuwaan, losan atta nibuḵnag naippun tummoḵwaḻ aḵ nangatngatu nu aḵ John we Ambobonyag sina'd luta yaḵon sa ḵamḵama'tte ampangatan Apudyus nangatngatu nu siya.

Matthew 11:7

Nipauli ḵad da disipulun John, insaḻad Jesus we nan-ugud atta amode tagu mipanggob ḵan John. Ḵanana, “Ngai ummoyyu innila si bumbummaaw? Sa potawe mibibbibbid? Naid.

Matthew 16:14

Ḵananda, “Ḵanan da udum, siḵa'ḵ John we Ambobonyag. Da udum, ḵanandae siḵa'ḵ Profeta Elijah. Da udum os, ḵanandae siḵa'ḵ Profeta Jeremiah baḵon nu osa'tta profeta si awe.”

Matthew 21:32

Te ummali'ḵ John we Ambobonyag woḵ intuttuduna ḵan diḵayu inonyu we mabiyag si maun-unane biyag yaḵon adiyupun pinati. Ḵad sa andadagup atta bugis ya sa puta, namatida ḵan siya. Taḵon ay nu intollongyu inondae nambabawi'tta basuḻda, adiḵayupun nambabawi'tta basuḻyu ya adiyupun os pinati.”

Matthew 3:8

Adipun paat maḵwa te ḵasapuḻane ḵoonyu da losan ta ipailayu we tuttuwae imbabawiyu da basuḻyu ya agayyu we angwa.

Mark 1:15

Ḵanana, “Nituttuwa timpu ya gattoḵe sinsadi awad ḵan diḵayu ampangatan Apudyus, pun ibabawiyu da basuḻyu ya agayyu we angwa ya patiyonyu Ambaḻu we Damag.”

Mark 1:2

Inninggaw imbagan Apudyus atte Abengna si awe ye impaigilina ḵan Profeta Isaiah we ḵanana, “Dongngonyu! Awad de ibuunḵu we umun-una nu siḵa ta umoyna isagana daḻane ayom.

Luke 1:76

Pinagatupan Zechariah woḵ ḵanana, “Siḵa ḵad John we abengḵu, ngannonda siḵa profetan ni Ḵangatuwane Apudyus, te umunaḵa nu aḵ Apu ta isaganam daḻanna.

Luke 7:24

Ḵesan ḵad da imbuun John, imbagan Jesus mipanggob ḵan siya'tta amode tagu sidi. Ḵanana, “Ngai ummoyyu innila si bumbummaaw? Sa potawe mibibbibbid? Naid.