Matthew 28:6 - Sa Ugud Apudyus

⁶ Naippun sina te tinagun Apudyus ḵasin, siya imbagana ḵan diḵayu. Awwayyu, inḵayu ilan nibadongana.

Matthew 28:6 Iomraidhean Croise

Matthew 12:40

Te aḵ Profeta Jonah, inninggaw atte buwang ni daḵodaḵoḻe ugadiw si tuḻun aḻgaw ya tuḻun labi. Siya isun ni maḵwa ḵan saḵone Abeng Di Tagu. Inggawaḵ os si libon aḵ tuḻun aḻgaw ya tuḻun labi.

Matthew 16:21

Inggan ni sadi ye timpu, insaḻad Jesus we angibagabaga'tta disipuluna mipanggob si maḵwa ḵan siya'tte umali ye aḻgaw woḵ ḵanana, “Ḵasapuḻane iyyaḵ ad Jerusalem ya ampaḵaḻamonaḵ atta pallakayon da Judyu ya da papangat da papadi ya da mimistulun ni lintog. Ḵade sadi impagongatda saḵon yaḵon sa miḵaḵlu we aḻgaw, taguwon Apudyus saḵon.”

Matthew 17:23

ya gongatonda saḵon. Yaḵon sa miḵaḵlu we aḻgaw, taguwonaḵ ḵan Apudyus.” Dingngoḻ ḵad da disipuluna sadi, amod de babauyda.

Matthew 17:9

Nan-osogda ḵad, ḵanan Jesus we namilin atta disipuluna, “Adiyu ugudon atta ngaiman da innilayu, inggana'ḵ taguwon Apudyus saḵone Abeng Di Tagu.”

Matthew 20:19

ya asidaot saḵon ipuḻang atta Gentil. Ḵad ang-angyagonda saḵon ḵan ap-aplitonaḵ, ḵade sadi ipattoḻda saḵon atte kros. Yaḵon sa miḵaḵlu we aḻgaw, taguwonaḵ ḵan Apudyus.”

Matthew 27:63

Ḵananda ḵan Gobernor Pilate, “Apu, inḵagasmoḵni ye sa sissiyae matattaguwan ni sanate tuliyan, ḵanana, ‘Umuli nu maḻaḵpus tuḻun aḻgaw.’

Mark 16:6

Ḵanana ḵan dida, “Adi ḵayu maḵimut. Igammuḵe singsingtonyu'ḵ Jesus we iNazareth we sa nipattoḻ atte kros. Naippun sina te tinagun Apudyus ḵasin. Ilanyu ḵad, annaya inninggawana.

Mark 8:31

Pune sadi insaḻad Jesus we nangituttudu'tta disipuluna nu ngai maḵwa ḵan siya'tte umali ye aḻgaw. Ḵanana, “Saḵone Abeng Di Tagu, ḵasapuḻane ampaḵaḻamaḵ. Da pallakayon da Judyu, da papangat da papadi ya da mimistulun ni lintog, idiyanda saḵon ya gongatonaḵ. Ḵad sa miḵaḵlu we aḻgaw, mataguwaḵ ḵasin.”

Luke 24:12

Yaḵon aḵ Peter ḵad, nanoddaḵe ummoy atte libon. Dummatong ḵad, ummobaob ḵad ta ilana innilana abuse ludune namutiputda ḵan siya. Pun ummoyone natataag nu ngai naḵwa.

Luke 24:23

naippun indasanda'ḵ ladagna. Pun nipaulidae ummoy nangibagae nampaila da anghel si isun di in-inope nangibaga ḵanane natagu'ḵ Jesus.

Luke 24:44

Pun ḵanana ḵan dida, “Da annae naḵwa, ustuustu'tta imbagaḵ si sissiyaaḵ ḵan diḵayu: Losan atta nigili ye lintog Moses ya da profetan Apudyus ya da losane nigili'tte Psalm atte mipanggob ḵan saḵon ḵasapuḻane mituttuwada.”

John 10:17

“Gapu'tte sana ayaton Amaḵ saḵon te ittoḵ long-agḵu'ḵ matoy ta asiḵ os pauliyon.

John 2:19

Ḵanan Jesus, “Nu dadailonyu annae templo, taḵadoḵ si tuḻun aḻgaw.”

Acts 2:24

Yaḵon aḵ Apudyus, tinaguna ḵasin ya pinuḵayana'tte ḵatoy te naippun ḵabooḻan ni ḵatoy ḵan siya.