Matthew 28:2 - Sa Ugud Apudyus

² Pune sadi, baag-en inniggana ampigsapigsae lunig te nan-osog anghel Apudyus we naḻpu'd langit. Pun niligadna batu we onob ni libon woḵ tummuḵduwana.

Matthew 28:2 Iomraidhean Croise

Matthew 27:60

Naabus ḵad, ummoyna illibon si mismu we libonnae ḵaḵḵopyae liyange natiḵitiḵane batu. Niligadna daḵoḻe batu ta maomban lewangan ni libon woḵ ummoyon.

Matthew 27:66

Pun ummoyda si libon woḵ sinyalanda onobna ta angimatunanda nu mabuḵtan. Naabus ḵad, tinenanda da suḻdadu we angguwaḻda.

John 20:1

Mabigat ḵade nagangput umillongane ngannonda ummunae aḻgaw ni sindumingguwan, nammadam-an taḻun aḵ Mary Magdalene we ummoy atte nilibonan Jesus. Sissiya ḵade anggiḵbot, innilanae naḵaan batu we onob ni libon.

Acts 16:26

Pune sadi baag-en inninggaw ampaḵimute lunig woḵ nayyugayug nisaadan ni babaḻḻudan pun daguse naamin nabuḵtan da onob woḵ nauḵayag lawa da ḵawad da losane baḻud.

Acts 5:19

Yaḵon lummabi ḵad, binuḵtan ni anghel Apu onob ni babaḻḻudan woḵ illawana dida woḵ ḵanana,

1 Timothy 3:16

Ḵad iniiggammu taḵu we ampatopatog pinati taḵu mipanggob ḵan Jesu Kristu. Adipun nipaigammu si awe yaḵon impaigammun Apudyus ḵan ditaḵu sinsadi. Nambalin aḵ tagu ya pinanoḵnoḵan ni Ispiritu Santu we siya Abeng Apudyus. Innilan da anghel, niwaḻagawag mipanggob ḵan siya'tta ḵinailin di ili. Namati da tagu'tte lubung ḵan siya woḵ nipangatu'd langit ta madaydayaw.

1 Peter 1:12

Ḵad impaigammun Apudyus atta profetanae da sanae imbagada, daḵampun aḵ bumaḻuwanda yaḵon sa bumaḻuwanyu. Te sadi bos imbagabagan da nangiwaḻagawag sinsadi si Ambaḻu we Damag ḵan diḵayu mipagapu si Ispiritu Santu we nibuune naḻpu'd langit. Sana da banage taḵon ay da anghel, pionda maawatane ustu.

Revelation 11:19

Pun nabuḵatan templon Apudyus ad langit woḵ naila sidi mapatgane ḵasun ni tuḻag. Inninggaw da nanguliyatyate ḵilat ya sa andangsoḻe ḵiduḻ ya da udume aguduud ya sa lunig ya sa ummamdane daḻaḻu.