Matthew 27:52 - Sa Ugud Apudyus

⁵² Da libon os nabuḵtanda. Pun ummuli da nanḵaḵatoy we tagun Apudyus.

Matthew 27:52 Iomraidhean Croise

John 11:11

Ginangputna ḵad imbaga da sana ḵanana, “Aḵ Lazarus we buḻbuḻun taḵu nasuyop yaḵon iyyaḵ bangonon.”

Acts 7:60

Pun nanalluḵu woḵ ḵananae nangiyipḵaw, “Apu, adim oḵyan ipabasuḻ ḵan dida annae ḵingwada ḵan saḵon.” Ginangputna ḵad imbaga sana, natoy.

1 Corinthians 11:30

Sadi gapunae adu da anḵuya ḵan nasaḵit ḵan diḵayu ḵad siya bos natoyan da udum.

1 Corinthians 15:20

Yaḵon sa ḵatuttuwaan, tuttuwae ummuli'ḵ Kristu we siya ḵaunaane ummuli'tta losane natoy. Ḵad sadi amanoḵnoḵe losane amati ḵan siya, umulida.

1 Corinthians 15:51

Dongngonyu, ibagaḵ ḵan diḵayu annae planun Apudyus we adipun nipaigammu'tta tagu inggana sinsadi. Ditaḵu we namati, daḵampun aḵ losan taḵu matoy yaḵon sin-aḵitan mapasantan da long-ag taḵu'tte baru we long-ag.

1 Thessalonians 4:14

Te nu amati taḵu we natoy aḵ Jesus woḵ ummuli, amati taḵu bose ibuḻun Apudyus ḵan Jesus da namati ye natoy.

1 Thessalonians 5:10

we siya natoy para ḵan ditaḵu ta taḵon ay nu natoy taḵu baḵon nu matattagu taḵu si umaliyana, midoga taḵu matagu ḵan siya'ḵ inggana.