Matthew 27:42 - Sa Ugud Apudyus

⁴² “Tinaguna da udume tagu yaḵon adinapun lamog taguwon long-agna. Siya Arin da ganaḵ Israel, dumoḻa ud oḵyan sinsadi si sanate kros ta amati ḵani ḵan siya.

Matthew 27:42 Iomraidhean Croise

Matthew 2:2

Dummatongda ḵad, ḵanandae nan-imus, “Dinu abenge niyanaḵe arin da Judyu? Te innilani bituwone tummoḵwaḻ si ḵapon si dumingitan inite angipaigammu si niyanaḵana, pun ummali ḵani ta inḵani andayaw ḵan siya.”

Matthew 27:37

Sa ngatun ni uḻuna, nigili impabasuḻda ḵan siyae ḵanana, “Annaya'ḵ Jesus we Arin da Judyu.”

Matthew 27:40

ḵananda, “Siḵa nangibagae dadailom templo ya taḵadom si unog di tuḻun aḻgaw, taguwom long-agnu! Ḵad nu tuttuwae siḵa Abeng Apudyus, dumoḻaḵa oḵyan si sanate kros!”

Matthew 27:41

Pun da papangat ḵad da papadi ya da mimistulun ni lintog ya da pallakayon da Judyu, ḵanandae nangang-angyag,

Mark 15:31

Pun da papangat da papadi ya da mimistulun ni lintog, ḵananda'tta sin-ossaossae nangang-angyag ḵan siya, “Tinaguna da udume tagu yaḵon adinapun lamog taguwon long-agna.

Mark 15:32

Dumoḻa ud oḵyan sinsadi'tte kros sanate Kristu we Arin da ganaḵ Israel ta ilan taḵu ḵad, amati taḵu.” Taḵon ay da tulisane nipattoḻ si daḻnig Jesus, isuna bose inang-angyagda'ḵ Jesus.

Luke 19:38

Ḵananda, “Madaydayaw oḵyan Ari ye umali ye imbuun Apudyus! Lin-awa'd langit. Madaydayaw aḵ Apudyus we ḵangatuwan!”

Luke 23:35

Summisiḵad da tagu we nambubuya yaḵon insassaud da papangat da Judyu we angigga'ḵ nges-el ḵan siyae ḵananda, “Tinaguna da udume tagu. Taguwona oḵyan long-agna nu tuttuwae siya Kristu we pinilin Apudyus.”

Luke 23:37

woḵ ḵananda, “Nu tuttuwae siḵa Arin da Judyu, taguwom long-agnu.”

John 1:49

Pun ḵanan Nathanael, “Mistulu, siḵa Abeng Apudyus! Siḵa Ari'd Israel!”

John 12:13

Ḵingwada ḵad, nangaḻada'tta baing woḵ lummawada ta umoyda aboton. Ḵanandae nanugtug-uy, “Madaydayaw aḵ Apudyus! Madaydayaw oḵyan umali ye imbuun Apudyus we Ari taḵu we ganaḵ Israel!”

John 12:47

“Ḵad ngaimane angngoḻ atta ugudḵu ya adinapun tuttuwaon, adiḵpun ḵuwison te daḵampun aḵ ummaliyaḵ ta ḵuwisoḵ lubung yaḵon ummaliyaḵ ta taguwoḵ.

John 9:24

Inayagan os da papangat da Judyu ḵasin sadi ye laḻaḵi woḵ ḵananda ḵan siya, “Andayawḵa ḵan Apudyus we ibagam ḵatuttuwaan. Te igammuni ye sa sadi ye Jesus ḵabasbassuḻan.”

Acts 4:14

Yaḵon naippun maibagada te annae iillandae sisiḵad sadi ye laḻaḵi ye naḵaan pilayna si daḻnig da apostol.