Matthew 27:24 - Sa Ugud Apudyus

²⁴ Innilan ḵad Gobernor Pilate we ippun lamogna ḵoon yaḵon isaḻaddae magulu, nangaḻa'tte danum woḵ nambuḻuna'tta imana si sinagung da tagu. Ḵanana, “Ippun biyangḵu si magongatan ni annae tagu, ḵigadyu pagay.”

Matthew 27:24 Iomraidhean Croise

Matthew 26:5

Yaḵon ḵananda, “Adi taḵu iyaspuḻ si gayagaya ta adi magulu da tagu.”

Matthew 27:19

Sissiya ḵade tutuḵdu'ḵ Pilate si tutuḵduwan ni ḵuwis, nambuun aḵ asawana'ḵ umoy angibaga ḵan siya ḵanane, “Adim dusaon sanate naun-unane tagu. Te sa labi, inin-inopḵu mipanggob ḵan siya ya nampaḵaḻamonaḵ gapu ḵan siya.”

Matthew 27:23

Ḵanan Gobernor Pilate, “Ngaipa? Ngai ḵad ain ḵingwana?” Yaḵon amo ḵanandae nanugtug-uy, “Paipattoḻnu'tte kros!”

Matthew 27:4

Ḵanana, “Naḵabasuḻaḵ te intuyuḵḵu tagu we ippun basuḻna!” Pun ḵanandae summongbat, “Ngai ḵad ain biyangni si sanat? Te biyangnu pos pagay!”

Matthew 27:54

Giniḵnan ḵad ni ḵapitan ya da suḻdadu we nanguguwaḻda ḵan Jesus lunig ya innilada da losane naḵwa, naḵimtanda woḵ ḵananda, “Tuttuwae Abeng Apudyus anna!”

Matthew 27:9

Ḵad sadi nituttuwaan ni imbagan Profeta Jeremiah atte awe ye ḵanana, “Innaḻada tuḻumpuḻu we pilaḵ, sa belange nan-uugudan da ganaḵ Israel aḵ ambayadda si biyagna.

John 13:9

Ḵanan Simon Peter, “Nu ḵaḵnat Apu, daḵampun aḵ abus da suḵiḵ aḵ baḻbaḻam yaḵon idogam os da imaḵ ya sa uḻuḵ.”

John 19:4

Lummawa ḵasin aḵ Pilate woḵ ḵanana'tta Judyu, “Annae paḻawaoḵ annae tagu ta igammuwonyu we ippun indasaḵ aḵ basuḻna.”

Acts 3:14

Yaḵon indiyanyu gattoḵe abus aḵ nasantuwan ya naun-unan woḵ siya ḵindawyu ḵan Pilate we puḵayana pumappatoy.

2 Corinthians 5:21

Aḵ Kristu, ippun paat basuḻna. Yaḵon gapu ḵan ditaḵu, imbelang Apudyus aḵ ḵabasbassuḻan ta mipagapu si niyossaanan taḵu ḵan siya, aḵ Apudyus angwa si maun-unan taḵu.

1 Peter 3:18

Te aḵ Kristu, namingpingsane nampaḵaḻam ya natoy gapu'tta basuḻ taḵu. Sa naun-unan, natoy para ḵan ditaḵu we adipun naun-unan ta iyadanina ditaḵu ḵan Apudyus. Gingngatda nainlubungane long-agna yaḵon ummuli ḵad, daguse naispirituwan long-agna.