Matthew 27:2 - Sa Ugud Apudyus

² Pun binaḻudda woḵ inniyoyda ḵan Gobernor Pilate.

Matthew 27:2 Iomraidhean Croise

Matthew 20:19

ya asidaot saḵon ipuḻang atta Gentil. Ḵad ang-angyagonda saḵon ḵan ap-aplitonaḵ, ḵade sadi ipattoḻda saḵon atte kros. Yaḵon sa miḵaḵlu we aḻgaw, taguwonaḵ ḵan Apudyus.”

Matthew 28:14

Ḵad nu mammaag ay ta dongngon ni gobernor, diḵani asi maḵaugud ḵan siya'ḵ ḵat-opana ta adina diḵayu pabasuḻon.”

Luke 13:1

Sa nangituttuduwan Jesus atte sadi, inninggaw da ummoy ḵan siyae nangug-uggud atta naḻpu'tte probinsiya'd Galilee ye impagongat Gobernor Pilate si nangidatunanda'ḵ ayam ḵan Apudyus.

Luke 20:20

Pun inuuwwayda gundawaydae anoḵma ḵan siya. Ḵingwada ḵad, tinangdananda da udume laḻaḵi ya nangibuunda'ḵ umoy anipusiput ḵan Jesus ya ipailadae isudan mataḻgodan. Yaḵon sa planuda, an-im-imusda ḵan Jesus ta awad ḵad isongbatna'ḵ anggadingandae angidaḻum ḵan siya, asidaot doḵmaan ya ummoyda impuḻang si gobernor. Te sa gobernor anna ḵaḻabbonganae anguwis.

Luke 23:1

Pune sadi, losanda lummanibbat ta iyoyda'ḵ Jesus ḵan Gobernor Pilate. Dummatongda ḵad sidi,

Luke 23:12

Inggan ni sadi ye aḻgaw, nambuḻbuḻun da Pilate ḵan Herod te sa naḻaḵpuse aḻgaw ambusuḻda.

Luke 3:1

Sa miḵasawaḻ aḵ limae tawon atte nampangatan Emperor Tiberius, aḵ Pontius Pilate Gobernor atte probinsiya'd Judea. Aḵ Herod os Gobernor atte probinsiya'd Galilee ya aḵ Philip we sunudna, nampangat atta Iturea ya ad Trachonitis. Ḵad aḵ Lysanias nampangat ad Abilene.

John 18:12

Pun da suḻdadu ya da kapitanda ya da guwaḻdan ni templon da Judyu dinoḵmaanda'ḵ Jesus woḵ binaḻudda da imana.

John 18:24

Pun impaiyoy Annas aḵ Jesus we nabaḻud da imana ḵan Caiaphas we ḵangatuwane padi.

John 18:28

Wiḵwiḵis ḵad, illawada'ḵ Jesus atte boḻoy Caiaphas woḵ inniyoyda'tte palas Gobernor Pilate. Yaḵon adipun nillumnoḵ da Judyu ta adida mibelang aḵ ḵaissaw yaḵon maḵaḵanda'tte Gayagayae ngannonda Nallausan.

Acts 12:6

Sa sadi ye labi si daan Herod angilawaan ḵan Peter ta maḵuwis, nasusuyop atte boot da duwae guwaḻdae naḵawadan imana si duwae ḵawad ḵan naguwaḻdaan atta suḻdadu si sawang ni babaḻḻudan.

Acts 21:33

Pun dinoḵmaan ni kumander aḵ Paul woḵ imbilinna'tta suḻdadu we ḵawadanda si duwae ḵawad. Naabus ḵad, ḵananae nan-imus, “Ngai annae tagu? Ngai ḵingwana?”

Acts 22:25

Yaḵon intaḵodda ḵad ta aplitonda oḵyan, ḵanan Paul si kapitane tataḵdog sidi, “Iyunud ḵamman ni lintoge aplitonyu Romano nu ippun indasanda'ḵ naḵabasuḻana?”

Acts 22:29

Pun daguse ummoyon da suḻdadu we anumaḻya ḵan angaplit oḵyan ḵan Paul te naḵimtanda. Naḵimtan os kumanderda te inigammunae impaḵawadna Romano.

Acts 24:27

Naḻaḵpus ḵad de duwan tawon, nipasani'ḵ Porcius Festus we gobernor ḵan Gobernor Felix. Yaḵon gapu ta piona pas-oman da Judyu, tinenana'ḵ Paul si babaḻḻudan.

Acts 28:20

Sana gapunae inayagaḵ diḵayu ta an-asiila taḵu ḵan an-uugud taḵu te pioḵ ipaigammu we sa gapun ni naḵawadaḵ sa pammatiḵe siya namnamaon taḵu we ganaḵ Israel.”

Acts 3:13

Daḵampun ḵan diḵani yaḵon sa Apudyus da Abraham, Isaac, Jacob ya da losane danaḵḵoḻ taḵu. Siya namataddaḻan si laḻaḵi ta maila ḵinaapudyus Jesus we nanserbi ḵan siya si annae lubung. Aḵ Jesus, siya impuḻangyu'tta papangat ya indiyanyu si sinagung Gobernor Pilate atte simsimmoḵnae piona puḵayan.

Acts 4:27

Sadi imbagan Ari David te da Herod ḵan Pontius Pilate ya da Gentil ya da ganaḵ Israel nadagupda'd Jerusalem ta antutuḻagdae gongatonda'ḵ Jesus we nasantuwane sammilume dinutuḵam.

Acts 9:2

woḵ nanḵodaw aḵ suḻat atta papangat da sinagogan da Judyu ad Damascus ta andoḵma'tta ngaimane odasanae laḻaḵi baḵon nu bubai ye angunud atta tuttudun Jesus ḵad iyoyna dida ibaḻud ad Jerusalem.

1 Timothy 6:13

Bilinoḵ siḵa'tte sinagung Apudyus we angatod atte biyag atta losan ya aḵ Jesu Kristu we nanaḵdoḻ atte sinagung Pontius Pilate.

2 Timothy 2:9

Gapu si nangiwaḻagawagaḵ si annae Ambaḻu we Damag, ampaḵaḻamaḵ ya maḵawadanaḵ sina si annae babaḻḻudane isun di pumappatoy. Yaḵon adipun maḵwae maḵawadan Ugud Apudyus.

Hebrews 13:3

Iḵagasmoḵyu da awad si babaḻḻudane isun di nidoga ḵayu ḵan dida ya da mapaḵaḻame isun di midoga ḵayu ampaḵaḻam ḵan dida.