Matthew 26:75 - Sa Ugud Apudyus

⁷⁵ Pune sadi, inḵagasmoḵ Peter imbagan Jesus ḵan siyae ḵanana, “Daampun ḵawitan anullaḵuḵ ya namiḵluwom saḵon puḵlitan.” Pune sadi, ummoyon aḵ Peter woḵ ummibiibil.

Matthew 26:75 Iomraidhean Croise

Matthew 10:33

Ḵad ngaimane amuḵlit ḵan saḵon si sinagung da tagu, puḵlitaḵ os si sinagung Amaḵ ad langit.”

Matthew 26:34

Ḵanan Jesus ḵan siya, “Ibagaḵ ḵan siḵa ḵatuttuwaan, daampun anullaḵuḵ ḵawitan aḵ madam-an taḻun, amiḵluwom saḵon puḵlitan.”

Matthew 26:74

Yaḵon amo ḵanana, “Dusaonaḵ oḵyan ḵan Apudyus nu antultulliyaḵ! Isapataḵe ippun igammuḵ si sanae tagu.” Pun daguse nanullaḵuḵ ḵawitan.

John 13:38

Ḵanan Jesus we summongbat, “Tuttuwa ḵammane ittom long-agnu'ḵ matoy gapu ḵan saḵon? Ibagaḵ ḵan siḵa ḵatuttuwaan, daampun anullaḵuḵ ḵawitan, amiḵluwom saḵon puḵlitan.”

1 Corinthians 4:7

Te ngai ḵad ain nangwa si nitoḵonanyu'tta udum? Daḵampun ḵamman ḵan Apudyus nangitod atta losane awad ḵan diḵayu? Ḵad ngaipa ḵayu ansoḵaḻe isun di diḵayu nangwa?

Galatians 6:1

Susunudḵu ḵan Kristu, nu awad maigammu'ḵ buḻunyu'ḵ naḵabasuḻ, ilanyu ude idaḻan ni Ispiritu Santu ta badanganyu ya ampauliyonyu ta ḵoona da ustu we banag. Ambaḻuwonyu we bumadang ḵan siya ya ummanyu ta adi ḵayu masulisug os aḵ bumasuḻ.

1 Peter 1:5

Gapu'tte ḵabooḻan Apudyus, ayyuwanana diḵayu mipagapu'tte pammatiyu ḵan siya inggana'ḵ mituttuwa anaguwana ḵan diḵayu. Inabusna insagana sanate mataguwane ipailana nu anungus ni timpu.