Matthew 26:74 - Sa Ugud Apudyus

⁷⁴ Yaḵon amo ḵanana, “Dusaonaḵ oḵyan ḵan Apudyus nu antultulliyaḵ! Isapataḵe ippun igammuḵ si sanae tagu.” Pun daguse nanullaḵuḵ ḵawitan.

Matthew 26:74 Iomraidhean Croise

Matthew 10:28

Adiyu isipog da lamogda gongaton da long-agyu yaḵon naippun lamogdae angongat atta ḵalidodwayu. Sa isipogyu oḵyan, aḵ Apudyus. Te lamogna dadailon long-ag ḵan ḵalidodwa'd infiernu.

Matthew 26:34

Ḵanan Jesus ḵan siya, “Ibagaḵ ḵan siḵa ḵatuttuwaan, daampun anullaḵuḵ ḵawitan aḵ madam-an taḻun, amiḵluwom saḵon puḵlitan.”

Matthew 26:73

Unipun, ḵummatam da tagu we sisiḵad ḵan siya woḵ ḵananda, “Tuttuwae siḵa osa ḵan dida te isum nin naḻpu'tte probinsiya'd Galilee ye an-ugud.”

Matthew 26:75

Pune sadi, inḵagasmoḵ Peter imbagan Jesus ḵan siyae ḵanana, “Daampun ḵawitan anullaḵuḵ ya namiḵluwom saḵon puḵlitan.” Pune sadi, ummoyon aḵ Peter woḵ ummibiibil.

Matthew 27:25

Losan da tagu ḵanane summongbat, “Ḵigadni ya da abengni ye asi sumongbat si matoyan ni annae tagu!”

Mark 14:30

Ḵanan Jesus, “Ibagaḵ ḵan siḵa ḵatuttuwaan, daampun ḵawitan anullaḵuḵ aḵ madam-an taḻun, amiḵluwom saḵon puḵlitan.”

Mark 14:68

Yaḵon pinuḵlitana woḵ ḵanana, “Ippun igammuḵ si sanate ibagam! Adiḵpun os maawatan!” Pun ummoy atte igid ni paway si lewangan woḵ nanullaḵuḵ ḵawitan.

Luke 22:60

Yaḵon ḵanan Peter, “Sa ḵatuttuwaan ippun igammuḵ si sanate ugudonyu.” Daampun ḵad magangput ugudona, nanullaḵuḵ ḵawitan.

John 18:27

Inḵasin Peter pinuḵlitan. Pun daguse nanullaḵuḵ ḵawitan.

Romans 9:3

Te nu maḵwa oḵyan, taḵon ay saḵon mipasani'tta susunudḵu we ganaḵ Israel madusa ya misina ḵan Kristu ta mataguda.

1 Corinthians 16:22

Nu ngaimane adipun angayat ḵan Apu taḵu, aaddi ye madusa ḵan Apudyus. Umaliḵa, Apu.

Revelation 3:19

Suppaḵaḵ ḵan saplitaḵ da losane ay-ayatoḵ, pun ibabawiyu da basuḻyu ya agayyu we angwa ta unudonyu saḵone ustu.