Matthew 26:55 - Sa Ugud Apudyus

⁵⁵ Pune sadi ḵanan Jesus atta adu we tagu, “Tulisanaḵ ḵamman ta ummali ḵayu we ampaḵ-odon ḵayu'ḵ ispada ḵan pang-oḵe umoy anoḵma ḵan saḵon? Inaḻgawe inninggawaḵ ḵan diḵayu'tte paway ni templo we antuttudu yaḵon adiyupun saḵon dinoḵmaan.

Matthew 26:55 Iomraidhean Croise

Matthew 21:23

Pun nipauli'ḵ Jesus si paway ni templo. Nantuttudu ḵad, nandatdatong da papangat da papadi ya da pallakayon da Judyu woḵ ḵanandae nan-imus ḵan siya, “Ngai ḵaḻabbongame angwa'tta sana? Ḵad ngai nangitod ḵan siḵa si annae ḵaḻabbongam?”

Matthew 26:47

Sissiya ḵade an-uguugud aḵ Jesus, nadanatong aḵ Judas we osa'tta nasawaḻan aḵ duwae disipuluna. Inninggaw da amode tagu we nibuḻun ḵan siyae nampaḵ-odon aḵ ispada ḵan pang-oḵ. Da papangat da papadi ya da pallakayon da Judyu nangibuun ḵan dida.

Mark 10:1

Pun tinenan da Jesus ad Capernaum woḵ ummoyda'tte probinsiya'd Judea woḵ dummoḻmangda'tte tawwang Jordan. Pune sadi naaligummu bos da amode tagu ḵan siya woḵ ḵasin os nantuttudu ḵan dida te siya ugalina.

Mark 12:35

Nantuttudu ḵad aḵ Jesus atte paway ni templo ḵanana, “Ngaipan da mimistulun ni lintog ibagae aḵ Kristu siya ganaḵ Ari David?

Luke 19:47

Inaḻgawe nantuttudu'ḵ Jesus atte paway ni templo. Da papangat da papadi, da mimistulun ni lintog ya da udume papangat da Judyu, singsingngitda nu ngai inondae ampagongat ḵan siya.

Luke 20:1

Sin-aḻgawan ḵad, nantuttudu'ḵ Jesus atte paway ni templo woḵ iwwaḻagawagna Ambaḻu we Damag. Pun ummoy ḵan siya da papangat da papadi, da mimistulun ni lintog ya da pallakayon da Judyu.

Luke 4:20

Ginangput ḵad Jesus binasa, niluḵubna woḵ impaulina'tte tagu we ḵambiyange nangitod ḵan siya woḵ tummuḵdu ta antuttudu. Nausisoḵ pagay atan da losane tagu si sinagoga ḵan siya.

John 7:14

Batug ḵad di angginawa gayagaya, ummoy aḵ Jesus atte paway ni templo woḵ nantuttudu.

John 7:28

Pun nantuttudu ḵad aḵ Jesus si paway ni templo, indangsoḻnae gumminga woḵ ḵanana, “Igammuyu pagay saḵon ya igammuyu naḻpuwaḵ? Daḵampun aḵ ummaliyaḵ gapu si ḵuwaḵe ḵasomsomḵan. Yaḵon sa tuttuwae nangibuun ḵan saḵon, adiyupun igammu.

John 8:2

Pummadda ḵad, nipauli'ḵ Jesus atte paway ni templo. Nandatdatong os da adu we tagu pun tummuḵdu woḵ insaḻadnae nantuttudu ḵan dida.

John 8:20

Inugudna anna si nantuttuduwana'tte paway ni templo atte adani si iiggaan da atod ḵan Apudyus. Imbagan ḵad Jesus sadi, pinadas da papangat doḵmaan yaḵon adimpun Apudyus iyyunud te daampun yan dumatong mituttuwaan ni planuna ḵan Jesus.