Matthew 26:41 - Sa Ugud Apudyus

⁴¹ Adi ḵayu masusuyop yaḵon alluwaḻu ḵayu ta adi ḵayu masulisug. Te ampigsa somsomoḵyu yaḵon anḵuya long-agyu.”

Matthew 26:41 Iomraidhean Croise

Matthew 24:42

Pun ḵasapuḻane masasaggana ḵayu te ippun igammuyu'tte dumaḵngaḵe Apuyu.

Matthew 25:13

Pun ḵanan Jesus we nangiyanungus, “Ḵasapuḻane pasig ḵayu masasaggana te ippun igammuyu'tte aḻgaw ḵan orase umaliyaḵ.”

Matthew 26:38

Pun ḵanana ḵan dida, “Amod de sigab ni somsomoḵḵu we isun di siya iḵatoyḵu. Inggaw ḵayu'tte anna ta pasig ḵayu ansasaggana.”

Matthew 6:13

Ḵad adim iyunude masulisug ḵani, yaḵon iligsim diḵani si lawweng.’ ”

Mark 14:38

Adi ḵayu masusuyop yaḵon alluwaḻu ḵayu ta adi ḵayu masulisug. Te ampigsa somsomoḵyu yaḵon anḵuya da long-agyu.”

Luke 11:4

Ḵad pakawanom da basuḻni te pinakawanni bos da naḵabasuḻ ḵan diḵani. Ḵad adim iyunude masulisug ḵani.’ ”

Luke 21:36

Ansasaggana ḵayu ya alluwaḻu ḵayu ta pumigsa ḵayu ḵan tumuḻod ḵayu we angiyattom atta annae maḵmaḵwa ta maḵwae sumangu ḵayu ḵan saḵone Abeng Di Tagu.”

Luke 22:40

Dummatongda ḵad ḵanan Jesus ḵan dida, “Alluwaḻu ḵayu ta adi ḵayu masulisug.”

Luke 22:46

Pun ḵanana ḵan dida, “Ngaipa ḵayu masusuyop? Bumangon ḵayu ta alluwaḻu ḵayu ta adi ḵayu masulisug.”

Luke 8:13

Da naottag atte bibbisil, isuda da tagu we dingngoḻda ḵad Ugud Apudyus, allaylayaddae nangawat. Yaḵon adipun lummamut atta somsomoḵda. Amatida'ḵ sin-aḵitan, ḵad nu dumatong ampaḵaḻaman, iwaḻangda pammatida ḵan Apudyus.

Romans 8:3

Sa lintog daḵampun aḵ lamogna ditaḵu puḵayan atte ḵabooḻan ni basuḻ te tagu taḵu we abuse aditaḵupun lamog tuttuwaon da imbilin ni lintog. Yaḵon ḵingwan Apudyus adimpun ni lintog lamog ḵoon. Imbuunna abengnae isun da tagu we ḵabasbassuḻan ta maḵoddongan aḵ madusa para'tta basuḻ taḵu. Ḵad sadi inon Apudyus we nangaan atte ḵabooḻan ni basuḻe anturay atta tagu.

1 Corinthians 10:13

Naippun impadasyu'ḵ sulisug aḵ adin os da udume tagu impadas. Yaḵon aḵ Apudyus mataḻgodan te adinapun iyunude masulisug taḵu'tta aditaḵupun lamog maattoman. Yaḵon nu awad sulisug, siyae mismu angwa si inon taḵu we miligsi ta lamog taḵu maattoman.

1 Corinthians 16:13

Dadaḵḵagonyu ya popotpotanyu bos da pammatiyu, tumuḻod ḵayu oḵyan ya pumigsa ḵayu.

1 Corinthians 9:27

Disiplinaoḵ long-agḵu ta adiḵ unudon da lawwenge piona ta magangput ḵade iwaḻagawagḵu'tta udum, adiyaḵpun maḵaan.

Galatians 5:24

Te da tagun Jesu Kristu, naḵaan ḵan dida antataguda'tte awe ye da pipion da long-agda ya da lawwenge pipionda te isun di nagangputda nipattoḻ atte kros.

Ephesians 6:18

Sa angiḵabotanyu'tta anna losan, pasigyu oḵyan iluwaḻu ḵan Apudyus da paipaspasmoḵ ni Ispiritu Santu ḵan diḵayu'tte ngaimane ḵasasaad. Ilanyu bos ta pasigyu iluwaḻuwan da losane tagun Apudyus.

1 Peter 4:7

Madam-an anungus da losane banag, pun ḵasapuḻane ansomsomoḵ ḵayu we ustu ya tupodonyu da long-agyu ta ambaḻu alluwaḻuwanyu.

1 Peter 5:8

Ansasaggana ḵayu ḵan an-annad ḵayu. Te sa ḵabusuḻ taḵu we aḵ Satan, andaḵidaḵiwase isun di ngumoḻngoḻngoḻe layone ansingisingit aḵ sokmaḻona.

2 Peter 2:9

Losan da sadi ye naḵwa'tte awe, sadi angigammuwan taḵu we aḵ Apudyus igammunae anagu'tta naapudyusane tagu'tta ampaḵaḻamanda. Ḵad igammuna bose angibaḻud atta tagu ta asida madusa si aḻgawe anguwisana'tta tagu.

Revelation 16:15

Ḵade sadi, nandaḵdaḵngonda da ari ya da suḻdaduda'tte igawe nangadanan aḵ Armageddon atte Hinebrew. Ḵanan Apu Jesus, “Dongngonyu annae ibagaḵ. Sa umaliyaḵ mapoḵḵatane isun ni umaliyan ni aḵḵawan. Pian tagu we adi masuyop ya masisillupan ta adi maodasane amboboddang ya mabain atte sinagung da adu we tagu nu dumatongaḵ.”

Revelation 3:10

Te tinuttuwayu da bilinḵu we anusanyu iyattom ampaḵaḻamanyu, saḻaḵnibaḵ diḵayu'tte ampaḵimute ampaḵaḻamane madam-an dumatong si intero we lubung ta mapadas da losane tagu'd luta.