Matthew 26:39 - Sa Ugud Apudyus

³⁹ Pun bummattawa ḵan dida'ḵ aḵit woḵ nalluḵbube nalluwaḻu. Nalluwaḻu woḵ ḵanana, “Ama, nu maḵwa oḵyan, iligsim saḵon si annae ampaḵaḻamaḵe sasangnguwoḵ. Yaḵon daḵampun oḵyan si pinioḵ mituttuwa nu adi sa piniom.”

Matthew 26:39 Iomraidhean Croise

Matthew 20:22

Ḵanan Jesus atta duwae ansunud, “Ippun igammuyu'tte ḵodawonyu. Maanusanyu ḵad aine ampaḵaḻame isun ni ampaḵaḻamaḵ?” Ḵananda, “On, lamogni.”

Matthew 24:24

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta amo nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus nu maḵwa.

Matthew 26:42

Pun ummoy os ḵasin aḵ Jesus nalluwaḻu woḵ ḵanana, “Ama, nu ḵasapuḻane maḵwa ḵan saḵon da sanae ampaḵaḻamaḵ, sa piniom maḵwa.”

Mark 13:22

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus, nu maḵwa.

Luke 17:16

Nanalluḵu'tte sinagung Jesus woḵ nanggappiya. ISamaria sanae laḻaḵi.

John 11:41

Pune sadi, ḵinaanda batu. Ḵanan Jesus we nantangad, “Ama, anggappiyaaḵ ḵan siḵa te dingngoḻnu saḵon.

John 14:31

yaḵon ḵooḵ da imbilin Amaḵ ḵan saḵon ta igammuwon da tagu we ay-ayatoḵ aḵ Amaḵ. Awwayyu, intaḵun.”

John 18:11

Ḵanan Jesus ḵan Peter, “Ipaulim ispadam si bolbolloyna. Ḵanampun ḵamman nu adiḵ maanusan ampaḵaḻamane inḵoddong Amaḵ?”

John 5:19

Pun ḵanan Jesus ḵan dida, “Ibagaḵ ḵan diḵayu ḵatuttuwaan, saḵone Abengna, adiyaḵpun maḵaḵwa'tta ḵooḵ nu abusaḵ. Te da ḵooḵ, abus da ilaḵe ḵoon Amaḵ. Ḵad da ngaimane ḵoon Amaḵ, siya bos da ḵooḵ.

John 5:30

Naippun ḵaḻabbongaḵ ḵoon nu abusaḵ. Siya dongngoḵ da ibagan Amaḵ atte inoḵe anḵuwis ḵad ustu anḵuḵuwisḵu te siya unudoḵ pion ni nangibuun ḵan saḵone daḵampun atte pioḵ.”

John 6:38

Te daḵampun aḵ ummaliyaḵe naḻpu'd langit ta ḵooḵ da pinioḵ yaḵon ummaliyaḵ ta ḵooḵ da pinion ni nangibuun ḵan saḵon.

Acts 10:25

Anna ḵade lumnoḵ aḵ Peter, ummoy Cornelius inabot woḵ nanalluḵu si sinagung Peter woḵ nandayaw ḵan siya.

Philippians 2:8

ya gapu'tte nambalinana'ḵ tagu, impakumbabana long-agna'tte tummuttuwaana ḵan Apudyus, taḵon ay nu siya gapun ni matoyana, taḵon ay os nu ḵaog-ogyat ya ḵababbain natoyanae nipattoḻ atte kros.

Hebrews 5:7

Sa inninggawan Jesus si annae lubung, indangsoḻna iyyibile nalluwaḻu ḵan nanḵodaw ḵan Apudyus we ḵallamog anagu ḵan siya si ḵatoy. Pun dingngoḻ Apudyus luwaḻuna te tummuttuwa ya impakumbabana long-agna.

Revelation 19:10

Sa nangugudan ni anghel atte sadi, nanalluḵuwaḵe andayaw ḵan siya. Yaḵon ḵanana, “Adipun ḵasapuḻane ḵoom ḵaḵnat! Aḵ Apudyus abuse andayawam! Saḵon ḵad, anserserbiyaḵ ose isum ḵan Apudyus ya da susunudnu ḵan Kristu we sissiyae amati'tta impaigammun Jesus. Te da impaibagan ni Ispiritu Santu atta profeta, naḻpuda si impaigammun Jesus.”