Matthew 26:27 - Sa Ugud Apudyus

²⁷ Pun innaḻana bos sintasae bayase grape woḵ nanggappiya ḵan Apudyus. Naabus ḵad, innatodna ḵan dida woḵ ḵanana, “Inumonyu anna losan,

Matthew 26:27 Iomraidhean Croise

Matthew 15:36

Innaḻana pitu we tinapay ya da ugadiw woḵ nanggappiya ḵan Apudyus. Naabus ḵad, binisbisaḵna dida woḵ innatodna'tta disipuluna ta iwaḻasda'tta amode tagu.

Matthew 26:26

Sissiyada ḵade angan, innaḻan Jesus tinapay woḵ nanggappiya ḵan Apudyus. Naabus ḵad, binisbisaḵna woḵ innatodna'tta disipuluna woḵ ḵanana, “Aḻanyu anna ta ḵanonyu. Annaya long-agḵu.”

Matthew 26:28

te sana daḻaḵe amanoḵnoḵ atte Baru we Tuḻag Apudyus atta tagu. Mibuḵbuḵ nu matoyaḵ ta adu da tagu we mapakawan da basuḻda.

Luke 22:20

Naabus ḵade ḵinanda, innaḻana bos sintasae bayase grape woḵ ḵanana, “Sa annae natasae bayas, sana Baru we Tuḻag Apudyus atta tagu we amanoḵnoḵ atte daḻaḵe pumoy-as nu matoyaḵ para ḵan diḵayu.

1 Corinthians 10:16

Nu uminum taḵu'tte nabasu we bayas, nu maabus taḵu we anggappiya ḵan Apudyus, daḵampun ḵamman aḵ milaḵ-am taḵu'tte bindisyune mipagapu'tte pummoy-ase daḻan Kristu si natoyana? Pun nu ḵanon taḵu tinapaye nabisbisaḵ nu magangput taḵu anggappiya ḵan Apudyus, daḵampun ḵamman os aḵ milaḵ-am taḵu'tte bindisyune mipagapu'tte long-ag Kristu we nipattoḻ atte kros?

1 Corinthians 11:28

Yaḵon awad osa ya umunae usigona oḵyan long-agna ḵad asiyot maḵwae angan atte tinapay ḵan uminum si bayas si angiḵagasmoḵana'tte natoyan Jesu Kristu.