Matthew 25:32 - Sa Ugud Apudyus

³² Ḵad losane tagu si annae luta, andatdatongda si sinagungḵu ya ansinaoḵ didae isun ni angwan ni angayyuwan atta ayame ansinaona da karnero ya da kalding.

Matthew 25:32 Iomraidhean Croise

Matthew 13:49

Ḵaḵna bos maḵwa'tte anungus ni timpu. Umoy da anghel piliyan da ḵabasbassuḻane tagu ta isinada dida'tta naun-unan.

Matthew 28:19

Pun inḵayu'tta losane tagu'tta losane ili ya ambalinonyu dida'ḵ disipuluḵ. Annaya inonyu we angwa'ḵ disipulu. Bonyaganyu dida mipagapu'tte ḵaḻabbongan Apudyus we Ama ya Apudyus we Abeng ya Apudyus we Ispiritu Santu.

Matthew 3:12

Naḵasaganae anguwis atta tagu ḵad mipani anḵuḵuwisna'tte tagu we naḵasaganae antopa si de wheat. Sa bogas ni de wheat, dagupona ya igappotna'tte aḻangna. Yaḵon sa losane dugi, aminona aḻan ya soggona'tte apuye adipun masobsoban.”

John 10:14

Saḵon ambaḻu we antangḵon atta karnero. Igammuḵ da karneroḵ ya igammuda bos saḵon.

John 10:27

Te da karneroḵ dongngonda gingaḵ. Ḵad igammuḵ dida ya tun-udonda saḵon.

Romans 2:12

Te da losane naḵabasuḻ, misinada ḵan Apudyus ya madusada'ḵ inggana. Da Gentil ḵad adidapun inigammu Lintog Apudyus, pun adimpun Apudyus ibatay si lintog nu ḵuwisona dida mipagapu'tta basuḻda. Yaḵon da Judyu, igammuda sanae lintog, pun siya ambatayan Apudyus we anguwis ḵan dida.

Romans 2:16

Pun sigun si annae Ambaḻu we Damag we iwwaḻagawagḵu, ḵaḵna maḵwa si aḻgawe anguwisan Apudyus mipagapu ḵan Jesu Kristu atta losane somsomoḵ da tagu ya da ḵingwadae nitataḻu.

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.

2 Corinthians 5:10

Te ḵasapuḻane losan taḵu sumangu ḵan Kristu we maḵuwis ta sa sin-ossaossa ḵan ditaḵu, awatona gungunae maatod ḵan siya sigun atte ḵingwana si natattaguwana, ambaḻu man baḵon nu lawweng.