Matthew 25:21 - Sa Ugud Apudyus

²¹ “Pun ḵanan ni Apuna, ‘Ḵingwam ambaḻu we ḵewaaḻ! Ambaḻuḵa ḵan mataḻgodanḵae sammilu. Gapu ta mataḻgodanḵa si aḵite intaḻgodḵu ḵan siḵa, iggaḵ siḵa'ḵ angayyuwan atta adu we banag. Awwaynu ta maḵagangganasḵa ḵan saḵon.’

Matthew 25:21 Iomraidhean Croise

Matthew 24:45

Pun inugud os Jesus annae pani woḵ ḵanana, “Sa mataḻgodan ḵan nalainge sammilu, siya dinutuḵan ni apuna'ḵ angayyuwan atta buḻunnae sammilu. Siya angitod si ḵanon da buḻunna si ustu we timpu.

Matthew 24:47

Ibagaḵ ḵan diḵayu ḵatuttuwaan, sa sanae ambaḻu we sammilu, ipangatun ni apuna saadna ya siya angayyuwan atta losane ḵuḵuwana.

Matthew 25:23

“Ḵanan os ni Apuna, ‘Ḵingwam ambaḻu we ḵewaaḻ! Ambaḻuḵa ḵan mataḻgodanḵae sammilu. Gapu ta mataḻgodanḵa si aḵite intaḻgodḵu ḵan siḵa, iggaḵ siḵa'ḵ angayyuwan atta adu we banag. Awwaynu ta maḵagangganasḵa ḵan saḵon.’

Matthew 25:46

Pune sadi ḵanan Jesus we nangiyanungus, “Da annae tagu, madusada'ḵ inggana yaḵon da naun-unane tagu, mataguda ḵan Apudyus aḵ inggana.”

Luke 12:44

Ibagaḵ ḵan diḵayu ḵatuttuwaan, sa sanae ambaḻu we sammilu, ipangatun ni apuna saadna ya siya angayyuwan atta losane ḵuḵuwana.

Luke 16:10

Ḵanan Jesus we namagatup, “Sa mataḻgodane angdon atte aḵit, mataḻgodan atte ad-adu, ḵad sa adipun mataḻgodane angdon atte aḵit, adipun os mataḻgodan atte ad-adu.

John 12:26

Ngaimane anserbi ḵan saḵon, ḵasapuḻane tun-udonaḵ ya dinumane inggawaḵ, siya bos inggawan ni sammiluḵ. Ngaimane anserbi ḵan saḵon, dayawon Amaḵ.”

John 14:3

Ḵad nu iyyaḵ isagana inggawanyu, mipauliyaḵ ḵasin ta aḻaḵ diḵayu ta sa igawḵu siya bos inggawanyu.

John 17:24

“Ama, pioḵe da innatodnu ḵan saḵon awadda ḵan saḵon atte dinumane igawḵu ta ilanda ḵinaapudyusḵu we innatodnu te inayatnu saḵon atte daan ni lubung maḵwaan.

Romans 2:29

Te sa tuttuwae Judyu, sa tagu we binaliwan Apudyus. Daḵampun si nasogyatana yaḵon sa nabaliwan ni ḵinatataguna. Yaḵon daḵampun si nigili ye lintog namaliw ḵan siya yaḵon sa ḵewaaḻ ni Ispiritu Santu. Daḵampun aḵ tagu angidayaw ḵan siya yaḵon aḵ Apudyus.

1 Corinthians 4:5

Pun adiyu ḵuwison da asintataguyu'tte daampun timpuna. Uwayonyu ustu we timpu we dumaḵngan Apu ta siya anḵuwis. Te siya angitoḵwaḻ atta losane mitataḻu ya siya bos angipaigammu si panggob da pusuda. Sanat timpu we asin Apudyus padayawan tagu sigun atta ambaḻu we ḵingwana.

2 Corinthians 10:18

Te sa tuttuwae awaton Apudyus, daḵampun aḵ sa angiyisḵaḻ si long-agna yaḵon sa iyisḵaḻ Apudyus.

2 Corinthians 5:9

Pun taḵon ay nu inggaw taḵu'd luta baḵon nu ad langit, igga taḵu ḵabooḻan taḵu we angwa'tta mas-oman Apudyus.

Philippians 1:23

te tuttuwae naippun lin-awan ni somsomoḵḵu. Te pioḵ pagaye tenan annae lubung ta iyyaḵ maḵaigaw ḵan Kristu te amo nabaḻbaḻu.

1 Timothy 3:13

Te da ustu we anserserbi ye deacon, mapatganda ya natuḻoddae angibaga'tte pammatida ḵan Jesu Kristu.

2 Timothy 2:12

Nu inaattoman taḵu ampaḵaḻaman, midoga taḵu bos ḵan siya si ampangatana, yaḵon nu puḵlitan taḵu, puḵlitana bos ditaḵu.

Hebrews 12:2

Isisimoḵ taḵu'ḵ Jesus te siya puun ḵan magangputan ni pammati taḵu. Ḵad adinapun imbaine natoy atte kros para ḵan ditaḵu gapu si gangganase anguuway ḵan siya. Pun sinsadi, awade tutuḵdu si madawinan Apudyus we maḵapangat ḵan siya.

Revelation 2:10

Adi ḵayu maḵimut atte madam-an umali ye ampaḵaḻaman. Impaibaḻud Satan da udum ḵan diḵayu ta mapadas ḵayu ḵad ampaḵaḻamon diḵayu'ḵ simpuḻu we aḻgaw. Yaḵon mataḻgodan ḵayu oḵyane ipapuutyu we amati ḵan saḵon taḵon ay nu siya gapun ni matoyanyu ta ittoḵ ḵan diḵayu koronae siya biyag aḵ inggana.

Revelation 21:7

Sa tagu ḵade oḻgona lawweng, allaḵsunna da anna losan. Bigbigona saḵon aḵ Apudyusna ya bigbigoḵ ose abengḵu.

Revelation 3:21

Da tagu we angngog si lawweng, ittaḵ dida'ḵ ḵaḻabbongane maḵatuḵdu ḵan saḵone ampangate isun ni nangngogaḵ ḵan Satan woḵ naḵatuḵduwaḵ ḵan Amaḵ atte tronona.

Revelation 7:17

Te sa Ubbu we Karnero we awad si gaggawan ni trono, siya anangḵon ḵan dida. Ḵad ipuyutna dida'tte bubune maḻpuwan ni danume angitod si biyag. Ḵad punasan os Apudyus losan da luwada.”