Matthew 25:15 - Sa Ugud Apudyus

¹⁵ Pun sinin-ossana dida innattan, sigun si ḵabooḻanda. Sa intaḻgodna si ummuna, limallibu we palata. Sa ḵumagwa, intaḻgodna duwallibu we palata ḵad sa naudi, intaḻgodna sillibu we palata. Pun ummoyon.

Matthew 25:15 Iomraidhean Croise

Matthew 18:24

Anna ḵade isaḻadnae ansingir, indatongda ḵan siya osae sammilu we nautangan aḵ adu we millione pilaḵ.

Matthew 21:33

Pun ḵanan Jesus, “Dongngonyu osae pani. Inninggaw tagu we nammuḻa'ḵ aduadu we grape atte lutana. Pun ḵinabitina nampaliḵwos woḵ ummabut atte batu ta mauppunan ni baḻat da de grape nu asotonda. Nantaḵad os aḵ antaḵnange boḻoy ta inggawan da guwaḻda. Pun impatangḵonna'tta udume gumagammole woḵ ummoy atte adayu we ili.

Luke 12:48

Yaḵon sa sammilu we adinapun igammu imbilin ni apuna nu ḵoona lawweng, aḵit dusana. Sa tagu we naittan aḵ adu, adu bos namnamaonae maḻpu ḵan siya. Ḵad sa tagu we nitaḻgodan ni ad-adu, ad-adu bos ḵodawonda ḵan siya.”

Ephesians 5:33

Yaḵon awad de amo piona ḵanan atta an-asawa. Ḵad siḵae laḻaḵi, ḵasapuḻane ayatom asawame isun ni an-aayatnu si long-agnu. Siḵae bubai, ḵasapuḻane patgam aḵ asawam.