Matthew 24:44 - Sa Ugud Apudyus

⁴⁴ Pun ḵasapuḻane maḵasagana ḵayu oḵyan te dumatong Abeng Di Tagu si timpu we adiyupun namnamaon.”

Matthew 24:44 Iomraidhean Croise

Matthew 24:27

Te saḵone Abeng Di Tagu, sa umaliyaḵ mailan da losane tagu we isunan ḵilate mamamdiyat si dumingitan init inggana si mipisongana.

Matthew 24:42

Pun ḵasapuḻane masasaggana ḵayu te ippun igammuyu'tte dumaḵngaḵe Apuyu.

Matthew 24:43

“Annaya sosomḵonyu, nu igammun ni simboḻoy oras si labi ye dumaḵngan ni aḵḵawan, adipun masuyop yaḵon pasigna guwaḻdaan ta adin ni aḵḵawan lonḵon.

Matthew 25:10

“Ḵesanda ḵade ummoy ngumina'tte tendaan, nadanatong laḻaḵi ye ankasar. Pun da limae naḵasagana, nibuḻunda ḵan siya'tte kasar woḵ niyonob sawang.

Matthew 25:13

Pun ḵanan Jesus we nangiyanungus, “Ḵasapuḻane pasig ḵayu masasaggana te ippun igammuyu'tte aḻgaw ḵan orase umaliyaḵ.”

Luke 12:39

“Annaya sosomḵonyu, nu igammun ni simboḻoy orase dumaḵngan ni aḵḵawan, adipun masuyop yaḵon guguwaḻdaana ta adin ni aḵḵawan lonḵon.

Luke 12:40

Pun ḵasapuḻane naḵasagana ḵayu te dumatong Abeng Di Tagu si orase adiyupun namnamaon.”

Luke 21:36

Ansasaggana ḵayu ya alluwaḻu ḵayu ta pumigsa ḵayu ḵan tumuḻod ḵayu we angiyattom atta annae maḵmaḵwa ta maḵwae sumangu ḵayu ḵan saḵone Abeng Di Tagu.”

Philippians 4:5

Ipailayu ḵinaanusyu'tta losane tagu te madam-an umaliyan Apu.

James 5:9

Susunudḵu ḵan Kristu, adi ḵayu an-asingonot ta adin Apudyus diḵayu ḵuwison te madam-an dumaḵngan ni ḵangatuwane ḵuwis da losane tagu.

Revelation 19:7

Lumayad taḵu ya itaḻayag taḵu ya dayawon taḵu ḵinangatuna te sinsadi kasar ni Ubbu we Karnero. Sa angasawa ḵan siya naabus naḵasagana,