Matthew 24:4 - Sa Ugud Apudyus

⁴ Ḵanan Jesus we summongbat, “Ummanyu ta adi ḵayu maallelaw.

Matthew 24:4 Iomraidhean Croise

Mark 13:22

Te ampaila da umallelawe tagu ya ibagadae dida Kristu ya awad os da angibagae dida profeta. Ḵad angipailada'tta nakaskasdaaw ta amanoḵnoḵe awad ḵabooḻanda ta allelawonda da tagu, taḵon ay da pinilin Apudyus, nu maḵwa.

Luke 21:8

Pun ḵanana, “Ummanyu ta adi ḵayu maallelaw. Te sa umali ye aḻgaw, adu da tagu we umali ya usaronda ngadanḵu we ang-angwadae dida Kristu gapu si ḵanandae ‘Saḵon Kristu,’ ya ḵananda bos, ‘Madam-an dumaḵngan ni sadi ye aḻgawe misaḻdan ni ampangatan Apudyus.’ Yaḵon adiyu unudon dida.

Galatians 6:3

Nu awad angibelang aḵ awad de ḵabooḻana baḵon nu nangatu ḵasasaadna yaḵon daḵampun aḵ tuttuwa, allelawonae mismu long-agna.

Ephesians 4:14

Ḵad nu miyisu taḵu ḵan siya, aditaḵupun ogon isun di abenge allasu mabaliwan ni somsomoḵna ya maallelaw atta tinutuli ye ituttudun da tuliyan.

Ephesians 5:6

Adi ḵayu oḵyan maallelaw atte tulin da angibagae maḵwa ḵoon taḵu da sanae banag te da sanae basuḻ gapunae dusaon Apudyus da adipun tumuttuwa ḵan siya.

Colossians 2:18

Adiyu tuttuwaon da potogonda diḵayu ya ipatutdae tuttuwaonyu da ngilinonda ya andayaw atta anghel. Yaḵon da annae tagu, ansoḵaḻdae siya ambatayanda da naippun anunae nainlubungane ansosomsomoḵda te ḵanandae inninggaw nampaila ḵan dida si isun di in-inop.

Colossians 2:8

Ilanyu ta adi ḵayu maallelawe angunud si daḵampun aḵ tuttuwae tuttudu we naippun anuna te da sanae tuttudu we maḵaallelaw atta tagu, daḵampun ḵan Kristu naḻpuwana yaḵon da ug-ugalin da tagu si awe ya da bilin sina'd luta.

2 Thessalonians 2:3

Adi ḵayu maallelaw atta ngaimane ibagada ḵan diḵayu. Te adipun dumatong sanate aḻgaw inggana'ḵ umaduadu da tagu we sumusullagi ḵan Apudyus ḵad mipaila ḵaḻawengane niḵoddonge madusa'd Infiernu.

1 John 4:1

Ay-ayatoḵe buḻbuḻun, adi ḵayu amati'tta losane angibagae sa Ispiritu Santu naḻpuwan da ituttududa. Yaḵon ummanyu panoḵnoḵan nu tuttuwae naḻpu ḵan Apudyus te adu da sinan profeta we lummoswae ummoy nantuttudu'tta ḵinailin di ili'tte lubung.