Matthew 24:3 - Sa Ugud Apudyus

³ Pun tutuḵdu ḵad aḵ Jesus atte Beleg Olives, ummoy da disipulu iyyagapaap ḵan siya woḵ ḵananda, “Apu, ḵamaan ni maḵwaan ni imbagam ḵan diḵani? Ḵad ngai da sinyale angigammuwanni ye madam-an mipauliyam ya sa angigammuwanni si anungus ni timpu?”

Matthew 24:3 Iomraidhean Croise

Matthew 13:36

Pun tinenan Jesus da tagu woḵ nillumnoḵ si boḻoy. Ḵanan da disipulunae nibuḻun, “Ipaḵaawatnu ḵappos ḵan diḵani pani mipanggob si sabsabuge nidoga tummubu'tta pagoy.”

Matthew 13:49

Ḵaḵna bos maḵwa'tte anungus ni timpu. Umoy da anghel piliyan da ḵabasbassuḻane tagu ta isinada dida'tta naun-unan.

Matthew 15:12

Pun ummadani da disipuluna ḵan siya woḵ ḵananda, “Adimpun ḵamman igammu we sumanga da Pharisee si dingngoḻda imbagam?”

Matthew 16:27

Te sa Abeng Di Tagu, umali ye buḻunna da anghelna ḵad ipailana bos dayaw Amana. Ḵad gungunaana sin-ossae tagu sigun atta ḵingwada.

Matthew 16:28

Ibagaḵ ḵan diḵayu ḵatuttuwaan, awad da udum ḵan diḵayu sinsadi ye adidapun yan matoy inggana'ḵ ilanda saḵone Abeng Di Tagu we umali ampangat.”

Matthew 17:19

Pune sadi, ummabus ḵad aḵ Jesus ya da disipuluna, iyyaggaḵawda ḵanane nangimus ḵan siya, “Ngaipa ḵani adi maḵapaḻyaw atte sadi ye aḻan?”

Matthew 21:1

Madam-an ḵad da Jesus ya da disipuluna'd Jerusalem, dummatongda'tte domangna'd Bethphage atte Beleg Olives. Namangpanguwon Jesus da duwa'tta disipuluna

Matthew 24:27

Te saḵone Abeng Di Tagu, sa umaliyaḵ mailan da losane tagu we isunan ḵilate mamamdiyat si dumingitan init inggana si mipisongana.

Matthew 24:30

Ḵade sadi, awad de maila'd langite sinyal ni madam-an umaliyaḵe Abeng Di Tagu ya da losane grupun da tagu sina'd luta umibilda gapu'tte ogyatda. Ḵad ilanda saḵone Abeng Di Tagu we umali ye midoga'tta libuu ya ilanda bos ummamdane ḵabooḻaḵ ya sa ummamdane ḵinapaddan ni ḵinaapudyusḵu.

Matthew 24:37

Sa ugalin da tagu si timpu we mipauliyaḵe Abeng Di Tagu, isun ni ugalin da tagu si timpun Noah si awe.

Matthew 24:39

Naippun nangigammuwanda'tte ḵaog-ogyate maḵwa ḵan dida, inggana'ḵ dinnumtong litap woḵ naaminda naumbuḻ. Ḵatti bos iissun ni maḵwa nu mipauliyaḵe Abeng Di Tagu.

Matthew 24:43

“Annaya sosomḵonyu, nu igammun ni simboḻoy oras si labi ye dumaḵngan ni aḵḵawan, adipun masuyop yaḵon pasigna guwaḻdaan ta adin ni aḵḵawan lonḵon.

Matthew 28:20

Ḵad tuttuduwanyu dida ta tuttuwaonda da losane imbilinḵu ḵan diḵayu. Sosomḵonyu we patilayune annaaḵ ḵan diḵayu inggana'ḵ anungus ni timpu.”

Luke 21:7

Pun ḵanandae nangimus, “Mistulu, ḵamaan ni maḵwaan ni imbagam ḵan diḵani ḵan ngai sinyale angigammuwanni ye madam-an dumaḵngan ni sanae aḻgaw?”

Acts 1:7

Ḵanan Jesus we summongbat ḵan dida, “Daḵampun aḵ ḵasapuḻane igammuwonyu timpu te abus aḵ Amaḵ we Apudyus aḵ angiḵoddong mipagapu si ḵaḻabbongana nu ngai maḵwa si umali ye aḻgaw.

Hebrews 9:26

Te nu ḵatti ḵingwana, iḵasiḵasinna ampaḵaḻam inggan ni naḵwaan ni lubung. Yaḵon sa anungus ni timpu namingsan ummali'ḵ Kristu si annae lubung ta ḵaanona da basuḻ da tagu si nangidatunana si mismu we long-agna.