Matthew 24:21 - Sa Ugud Apudyus

²¹ Te sa sadi ye timpu umamdan ampaḵaḻaman, naippun paat miyisuwana inggan ni naḵwaan ni lubung inggana sinsana, ḵad naippun os miyisuwana'tte umali ye aḻgaw.

Matthew 24:21 Iomraidhean Croise

Matthew 24:20

Pun iluwaḻuyu ḵan Apudyus we adi oḵyan maḵwa si ageled baḵon nu sa umillongan.

Matthew 24:29

Pinagatupan Jesus woḵ ḵanana, “Nu magangput da ampaḵaḻaman si sadi ye timpu, gumiḵbot init ya adipun allangḻang soḻag. Maamin maottag da bituwon ya miyugayug da losane awad ad langit.

Mark 13:9

“Ummanyu te doḵmaanda ḵan idaḻum diḵayu'tta ḵuḵunsisaḻ ya aplitonda diḵayu'd daḻom atta sinagoga. Gapu'tte pammatiyu ḵan saḵon, midaḻum ḵayu bos atta gobernor ya da ari ḵad maittan ḵayu'ḵ gundawaye angiwaḻagawag atte Ambaḻu we Damag ḵan dida.

Luke 21:24

Matoy da udum atte gubat ya da udum iyoyda dida'tta adu we nansabasabali ye adayu we ili ta ibaḻudda ya ambalinonda dida'ḵ musassu. Sina'd Jerusalem, oḻgon da Gentil dida ya dida ampangat inggana'tte timpu we amungtuwon Apudyus ampangatanda.”

1 Thessalonians 2:16

te taḵtaḵonda diḵani ye angibaga'tte Ugud Apudyus atta Gentil ta mataguda oḵyan. Sa ḵoondae sanat, dog-adog-anda da basuḻda ḵad dumatong ḵan dida sindumallu we sangan Apudyus.

Revelation 16:18

Pune sadi inninggaw angulḵuliyatyate ḵilat ya sa andangsoḻe ḵiduḻ ya da udume aguduud ya inggaw os ampaḵimute lunig. Ḵad sa sanae lunig ippun miyisuwana inggan ni nangwaam atta tagu'd luta te sana ḵapigsaan.

Revelation 7:14

Ḵanaḵ ḵan siya, “Naid, Apu, siḵa angigammu.” Pun ḵanana, “Sana da nallagum atte ampaḵimute ampaḵaḻaman. Pinapoḻḵasda da langgoyodda'tte daḻan ni Ubbu we Karnero ta umitaḵda.