Matthew 24:10 - Sa Ugud Apudyus

¹⁰ Sa sadi ye timpu, adu da an-awidanda da pammatida ḵan saḵon. Ḵad an-asituyuḵda ya sasangngaanda da buḻunda.

Matthew 24:10 Iomraidhean Croise

Matthew 10:21

“Sa sadi ye timpu, awad da udume idaḻumda da sunudda'tta papangat ta gongatonda dida. Ḵaḵna bos atta ama ḵan inae ituyuḵda da abengda'tta papangat ta gongatonda dida. Sasangngaan os da abeng da amada ḵan inada ḵad pagongatda bos dida.

Matthew 11:6

Ḵad ibagayu bos ḵan siyae pian tagu we adipun anduwaduwa si mipanggob ḵan saḵon.”

Matthew 13:21

Yaḵon adipun lummamut atta somsomoḵda. Amatida'ḵ sin-aḵitan, ḵad nu dumatong ampaḵaḻaman baḵon nu mapadasda gapu'tte amatiyanda si Ugud Apudyus, daguse iwaḻangda pammatida ḵan Apudyus.

Matthew 13:57

Pun lummaweng somsomoḵda woḵ adidapun namati. Ḵanan Jesus ḵan dida, “Sa profeta mapatgan si sabali ye ili yaḵon adipun mapatgan atta mismu we ḵailiyana ya da ḵabaḻyanna.”

Matthew 24:11

Adu da sinan profeta we ampaila ḵad adu da allelawonda.

Mark 13:12

“Awad os da udume ituyuḵ da sunudda'tta papangat ta gongatonda dida. Ḵaḵna bos atta ama, ituyuḵda bos da abengda'tta papangat ta gongatonda bos dida. Busuḻon os da abeng da amada ḵan inada ḵad pagongatda bos dida.

Mark 4:17

yaḵon adipun nillumnoḵ atta somsomoḵda. Amatida'ḵ sin-aḵitan ḵad nu dumatong ampaḵaḻamanda baḵon nu mapadasda gapu'tte amatiyanda si Ugud Apudyus, daguse iwaḻangda pammatida ḵan Apudyus.

Luke 21:16

Taḵon ay da amayu ḵan inayu, da sunudyu, da agiyu ya da buḻbuḻunyu, ituyuḵda diḵayu'tta pangat ta gongatonda da udum ḵan diḵayu.

2 Timothy 1:15

Inigammume tigangay ta losan atta namati'd Asia, nan-awidanda saḵon, nidoga da Phygelus ḵan Hermogenes.

2 Timothy 4:10

te tinenanaḵ ḵan Demas woḵ ummoy ad Thessalonica te pipiona nainlubungan. Aḵ Crescens ḵad os, ummoy ad Galatia ya aḵ Titus, ummoy ad Dalmatia.

2 Timothy 4:16

Sa damu we nasumaḻyaaḵ, ippun pulus ummali'ḵ buḻunku'ḵ nangitaḵdoḻ ḵan saḵon. Losanda tinenan saḵon. Adin oḵyan pos Apudyus pabasuḻon dida'tte ḵingwadae lawweng ḵan saḵon.