Matthew 23:39 - Sa Ugud Apudyus

³⁹ Te ibagaḵ ḵan diḵayu we inggana sinsadi, ippun ogon ilanyu ḵan saḵon inggana'ḵ dumatong timpu we asiyu ḵanan, ‘Madaydayaw oḵyan umali ye imbuun Apudyus!’ ”

Matthew 23:39 Iomraidhean Croise

Matthew 21:9

Da losane tagu we ummun-una ḵan niyun-unud ḵan Jesus, ḵanandae nanugtug-uy, “Madaydayaw ganaḵ Ari David! Madaydayaw oḵyan umali ye imbuun Apudyus! Madaydayaw aḵ Apudyus we ḵangatuwan!”

Luke 17:22

Pun ḵanana'tta disipuluna, “Dumatong timpu we pionyu ilan Abeng Di Tagu taḵon ay sin-aḵitan yaḵon adiyupun maila saḵon.

John 14:19

Sin-aḵitan ya da tagu we adipun amati naippun ogon ilanda ḵan saḵon yaḵon diḵayu asiyu ilan saḵon. Te mataguwaḵ ḵasin ya matagu ḵayu bos.

John 14:9

Ḵanan Jesus, “Nabayage inninggawaḵ ḵan diḵayu ḵad daannupun os ay igammuwon saḵon, Philip? Ngaimane nangila ḵan saḵon, innilada bos aḵ Amaḵ. Ḵad ngaipam ḵanane ipailam ud ḵan diḵani'ḵ Amam?

John 8:21

Ḵanan os Jesus ḵasin, “Iyyaḵon ya asiyu sington saḵon. Yaḵon adiḵayupun maḵaali si ayaḵ te matoy ḵayu we adipun napakawan da basuḻyu.”

John 8:24

Ḵanaḵe nangibaga ḵan diḵayu, ‘Matoy ḵayu we adipun napakawan da basuḻyu nu adi ḵayu amati ye saḵone mismu sadi ye imbagaḵ.’ ”

John 8:56

Amod de layad Abraham we daḵdaḵoḻyu te ilana aḻgawe umaliyaḵ sina. Pun tuttuwae nipaila ḵan siya woḵ allaylayad.”

Romans 11:25

Susunudḵu ḵan Kristu, awad de ḵaḵ-ipaigammun Apudyus we pioḵe maawatanyu ta adi ḵayu ampasindayawe ansomsomoḵe nalaing ḵayu. Tummungitong da somsomoḵ da udume ganaḵ Israel gapu si adidapun amatiyan inggana'ḵ wadawad belang da Gentil we amati.