Matthew 23:31 - Sa Ugud Apudyus

³¹ Yaḵon gapu ta imbagayu ḵaḵnat, naawatane diḵayu da ganaḵ da tagu we nanggongat atta profeta si awe.

Matthew 23:31 Iomraidhean Croise

Matthew 23:30

Ḵad ḵananyu we, ‘Nu siya oḵyan nabiyaganni timpun da danaḵḵoḻni, adiḵanipun oḵyan naḵaḵḵaila ḵan didae nanggongat atta profeta.’

Matthew 23:32

Dowwot, igangputyu illus da danaḵḵoḻyu insaḻad!

Matthew 23:34

Pun ibuunḵu ḵan diḵayu da profeta, da nalainge tagu ya da mimistulun ni lintog. Ḵad anggongat ḵayu'tta udum ya ipattoḻyu da udum atte kros. Da udum ḵad os, ap-aplitonyu dida'tta sinagogayu ya dinumane umawidanda, dogdogonyu dida'tta ḵinailin di ili ya ampaḵaḻamonyu dida.

Matthew 23:37

Pune sadi ḵanan Jesus, “Atoḵayu paye iJerusalem, diḵayu nanggongat atta profeta ḵan namatubatu'tta imbuun Apudyus! Nangampigae pioḵ dagupon diḵayu ḵan saḵon ta ayyuwanaḵ diḵayu we isun ni analsaliponponan ni mangaḻaḵ atta issiwna'tta payaḵna yaḵon adiyupun pion.

Luke 19:22

Ḵanan ni Ari, ‘Lawwengḵae sammilu! Sa imbagam siya anguwisḵu ḵan siḵa. Iniiggammume sangngaanaḵ ya aḻaḵ daḵampun aḵ nallingtaḵ ya apitoḵ os daḵampun aḵ immuḻaḵ.