Matthew 23:28 - Sa Ugud Apudyus

²⁸ Sanat iissuyu we sa ḵatollonganyu'tta tagu, naun-unan ḵayu. Yaḵon ad daḻom si somsomoḵyu, napnu si ḵapappaila ya adiḵayupun tumuttuwa'tta pinion Apudyus.”

Matthew 23:28 Iomraidhean Croise

Matthew 23:27

“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te siya iissuyu da libone napintuḻan aḵ itaḵ, ḵad ambaḻubaḻu ḵatollonganda'k lasin. Yaḵon ad daḻom, napnuda'tta tung-aḻ da nanḵaḵatoy ya da losane ḵaḵaissawan.

Matthew 23:29

“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te nangwa ḵayu'ḵ libon da profeta si awe ya inam-ammaanyu bos da libon da naun-unane tagu.

Matthew 23:5

Losane ḵoonda, ḵoonda ta angitollongan da tagu ḵan dida. Te da udum, padaḵoḻonda iiggaan da ḵopele nagiliyan si Ugud Apudyus we imbaḻangatda'tta ḵidayda baḵon nu intaḵodda'tta taḵḵayda. Ḵad piondae alliḵliḵwose ansisillup atta langgoyod.

Luke 16:15

Pun ḵanan Jesus ḵan dida, “Diḵayu ḵad, ambalinonyu long-agyu'ḵ naun-unan si antotollong da tagu yaḵon iniiggammun Apudyus da somsomoḵyu. Ummanyu te sa ibelang da tagu we ampatog, lawwelawweng atte antotollong Apudyus.

Galatians 2:13

Ḵad da udume namati ye Judyu, inunudda bos ḵingwan Peter taḵon ay nu losanda inigammu we daḵampun aḵ ustu ḵoonda. Taḵon ay aḵ Barnabas, naawis woḵ unudona dida.