Matthew 23:26 - Sa Ugud Apudyus

²⁶ Diḵayu we naḵuḻape Pharisee! Ḵasapuḻane umunae ḵiwasanyu'd daḻom si tasayu ḵan palatuyu ta pumoḻḵas ya pumoḻḵas os labawna.

Matthew 23:26 Iomraidhean Croise

Matthew 12:33

Impanin os Jesus woḵ ḵanana, “Sa ḵayu we ngannonda ambaḻu, ambaḻu ambubungana. Sa ḵayu we ngannonda lawweng, lawweng ambubungana. Te sa ibungan ni ḵayu angipaila si kalasina.

Matthew 14:8

Gapu'tte intuttudun inanae ḵodawona, ḵanana ḵan Herod, “Pioḵe ittom ḵan saḵon sinsadi uḻun John we Ambobonyag we maigga'tte duḻan.”

Mark 7:4

Ḵad nu maḻpuda'tte nginginnaan, adidapun angan nu adida umuna ambuḻu. Adu bos da udume ugali ye tinawidda'tta danaḵḵoḻda, isun da ugalida si ḵiwasanda da tasa, da ḵaḵappiyan ya da ḵanting.

Luke 11:39

Pun ḵanan Jesus ḵan siya, “Ḵaddagu ḵayu, diḵayu we Pharisee. Ḵapappaila ḵayu! Iissuyu tagu we ḵiwasanae abus labaw ni tasa ya sa palatu! Yaḵon ad daḻom atta somsomoḵyu, amod ḵamommodyu ḵan lawwelawweng ḵayu.

Luke 6:45

Isuna ditaḵu, sa ambaḻu we tagu, ambaḻu da ugudona te siya mapopompon atte somsomoḵna. Ḵad sa lawwenge tagu, lawweng os ugudona te siya mapopompon atte somsomoḵna. Te sa mapopompon atta somsomoḵyu, siya bos ugudonyu.”

2 Corinthians 7:1

Susunudḵu ḵan Kristu we ay-ayatoḵ, gapu'tta sanae inkarin Apudyus ḵan ditaḵu, iginoḵ taḵu we angwa'ḵ lawweng ya iginoḵ taḵu we ansomsomoḵ aḵ lawweng. Sa matattaguwan taḵu, isipog taḵu'ḵ Apudyus ta bumaḻubaḻu naapudyusane antatagu taḵu.

Hebrews 10:22

Umadani taḵu ḵan Apudyus we sipupusu ya antaḻgod pammati taḵu ḵan siya, ḵad pummoḻḵas da somsomoḵ taḵu'tta lawweng te isun di nawaḻsiyan taḵu si daḻan Kristu ya nadaḻusan da long-ag taḵu si an-imlonge danum.

James 4:8

Umadani ḵayu ḵan Apudyus woḵ umadani bos ḵan diḵayu. Diḵayu we ḵabasbassuḻan, papoḻḵasonyu da antataguyu ya diḵayu bose anduwaduwa, isisimoḵyu we angunud ḵan Apudyus.