Matthew 23:16 - Sa Ugud Apudyus

¹⁶ “Ḵaddagu ḵayu! Iissuyu naḵuḻape tagu we angipuyut atta udum. Te ituttuduyu we nu ansapata osae tagu ya usarona templo aḵ anaḵdoḻ ḵan siya, daḵampun aḵ basuḻ nu lisalisona da inkarina. Yaḵon nu siya isapatana buḻawan si templo, ḵasapuḻane ituttuwana inkarina.

Matthew 23:16 Iomraidhean Croise

Matthew 15:14

Sinnamaḻ da Pharisee te isudan naḵuḻape ipuyutda asinḵuḻapda. Ḵad nu ipuyut ni naḵuḻap asinḵuḻapna, aaddi ye maottagda losan si abut.”

Matthew 23:13

Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.

Matthew 23:17

Ḵaddagu ḵayu! Tuttuwa pagaye nadongdong-ogan ḵayu we naḵuḻap! Aaddi ye amo ampatog templo nu sa buḻawan te sa buḻawane awad si templo mitotoḵḵone mausar si anserbiyan ḵan Apudyus.

Matthew 23:19

Tuttuwae naḵuḻap ḵayu! Aaddi ye amo ampatog altar nu sa datun te sa datune awad si altar mitotoḵḵone mausar si anserbiyan ḵan Apudyus.

Matthew 23:24

Siya iissuyu naḵuḻape tagu we angipuyut atta udum. Isuyu bos tagu we sagatona inumona ta naippun iloḵ aḵ midoga yaḵon sillukmusna camel!

Matthew 23:26

Diḵayu we naḵuḻape Pharisee! Ḵasapuḻane umunae ḵiwasanyu'd daḻom si tasayu ḵan palatuyu ta pumoḻḵas ya pumoḻḵas os labawna.

Galatians 5:3

Ibagaḵ ḵasin ḵan diḵayu we nu awad ampasogyat, ḵasapuḻane tuttuwaona da losane lintog.

James 5:12

Susunudḵu ḵan Kristu, sa ḵapatogan atta losan, adi ḵayu ogon ansapata. Adiyu isapata'd langit baḵon nu ad luta baḵon nu ngaimane sapata. Yaḵon ḵananyu we “On” nu iyunudyu ya “Naid” nu umadiyu ta adi ambanag si anusaan Apudyus ḵan diḵayu.