Matthew 23:14 - Sa Ugud Apudyus

¹⁴ “Ḵaddagu ḵayu we Pharisee ya da mimistulun ni lintog. Ḵapappaila ḵayu! Te allelawonyu da baḻu ta aḻanyu da ḵuḵuwada ya da boḻoyda ḵad anduanduwonyu da luwaḻuyu si sinagung da adu we tagu ta analingodyu'tta ḵoḵoḵḵonyu. Ḵad sana amo amadagson atte madusaanyu.

Matthew 23:14 Iomraidhean Croise

Matthew 11:24

Yaḵon ibagaḵ ḵan diḵayu we nu dumatong anḵuwisan Apudyus atta losane tagu, nadagdagson dusayu nu da iSodom.”

Matthew 23:13

Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.

Matthew 23:33

Tuttuwae lawweng ḵan ḵaḵimḵimut ḵayu! Diḵayu da ganaḵ ni uḻog. Adiḵayupun paat miligsi'tte anusaan Apudyus ḵan diḵayu'd infiernu!

Mark 12:40

Allelawonda da baḻu ta aḻanda da ḵuḵuwada ya da boḻoyda ḵad anduanduwonda da luwaḻuda si sinagung da adu we tagu ta analingodda'tta ḵoḵoḵḵonda. Ḵad sana amo amadagson atte madusaanda.”

Luke 12:48

Yaḵon sa sammilu we adinapun igammu imbilin ni apuna nu ḵoona lawweng, aḵit dusana. Sa tagu we naittan aḵ adu, adu bos namnamaonae maḻpu ḵan siya. Ḵad sa tagu we nitaḻgodan ni ad-adu, ad-adu bos ḵodawonda ḵan siya.”

Luke 20:47

Te allelawonda da baḻu ta aḻanda da ḵuḵuwada ya da boḻoyda ḵad anduanduwonda da luwaḻuda si sinagung da adu we tagu ta analingodda'tta ḵoḵoḵḵonda. Sa umali ye aḻgaw amo nadagdagson dusada.”

2 Timothy 3:6

Te da udum ḵan dida, umoyda an-attuattun atta boḻoy da bubai ye allasu maawisanda ta allelawonda dida ta unudonda da ituttududa. Da sanae bubai, nambinsawda'tta ummamdane basuḻda ya da ansabasabali ye lawwenge pipionda.

Titus 1:10

Te adu da tagu we adipun amati ye adidapun tumuttuwa'tta anna ḵaḻabbonganda ya angallelaw atta asintataguda'tta tuttudu we naippun paat patogda, amod ay grupun da namati ye Judyu we angipatut atte mipanggob si sogyat.

James 3:1

Susunudḵu ḵan Kristu, ambaḻu nu aḵit oḵyan ḵan diḵayu da ambalin aḵ angituttudu si Ugud Apudyus te igammuyu we nadagdagson maḵuwisan taḵu we angituttudu nu da udum.

2 Peter 2:14

Ḵad pionda adaḻugon da ngaimane bubai ye ilanda, adidapun mappoge bumasubasuḻ. Nalaingda bose angawis atta tagu we adipun ampigsa pammatida ta masubsubdae bumasuḻ. Ummingsada si ḵamommod. Aaddi ye dusaon Apudyus dida.

2 Peter 2:3

Ḵad gapu si ḵamommodda, da sanae tagu tultulliyan diḵayu si nangnangwada'ḵ ug-uggud ḵad usaronda diḵayu ta angaḻ-anda'ḵ pilaḵda. Yaḵon nabayage naḵasagana dusada ya adipun masuyop anadail ḵan dida.