Matthew 23:13 - Sa Ugud Apudyus

¹³ Pun ḵanan Jesus, “Ḵaddagu ḵayu, diḵayu we Pharisee ḵan mimistulun ni lintog. Ḵapappaila ḵayu! Te taḵon ay nu tuttuduwanyu oḵyan da tagu si inondae midoga si ampangatan Apudyus, adiyupun ḵoon anna ḵad isunan iyyonobyu sawange maḵwae lumnoḵanda. Taḵon ay diḵayu we mismu, adiyupun iyunude paipangat ḵan Apudyus ḵad adiyupun iyunud da udume maḻyad os paipangat ḵan siya.

Matthew 23:13 Iomraidhean Croise

Matthew 23:16

“Ḵaddagu ḵayu! Iissuyu naḵuḻape tagu we angipuyut atta udum. Te ituttuduyu we nu ansapata osae tagu ya usarona templo aḵ anaḵdoḻ ḵan siya, daḵampun aḵ basuḻ nu lisalisona da inkarina. Yaḵon nu siya isapatana buḻawan si templo, ḵasapuḻane ituttuwana inkarina.

Matthew 23:23

“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te ittonyu ḵasimpuḻun ni apityu ḵan Apudyus, taḵon ay da muḻae amapiya'tta tipoy. Yaḵon adiyupun tuttuwaon ḵapatogane biline ituttudun ni lintog, isun da angwaanyu'tta maun-unan atta asintataguyu, ḵumadagu'tta asintataguyu ya mataḻgodan ḵayu. Ḵasapuḻane ḵoonyu da anna ḵad adiyu bos maliwatan da udum.

Matthew 23:25

“Ḵaddagu ḵayu, diḵayu we Pharisee ya da mimistulun ni lintog. Ḵapappaila ḵayu! Iissuyu tagu we ḵiwasanae abus labaw ni tasa ya sa ubot ni palatu! Yaḵon ad daḻom atta somsomoḵyu, amo ḵamommod ḵayu ya pasigyu kulukon da asintataguyu.

Matthew 23:27

“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te siya iissuyu da libone napintuḻan aḵ itaḵ, ḵad ambaḻubaḻu ḵatollonganda'k lasin. Yaḵon ad daḻom, napnuda'tta tung-aḻ da nanḵaḵatoy ya da losane ḵaḵaissawan.

Matthew 23:29

“Ḵaddagu ḵayu, diḵayu we mimistulun ni lintog ya da Pharisee. Ḵapappaila ḵayu! Te nangwa ḵayu'ḵ libon da profeta si awe ya inam-ammaanyu bos da libon da naun-unane tagu.

Matthew 3:7

Yaḵon innilan ḵad John da adu we Pharisee ḵan da Sadducee ye umoy ampabonyag ḵan siya, ḵanana, “Diḵayu we ganaḵ ni uḻog! Nankamali sinomsomoḵyu we nangibagae lamogyu iligsi da long-agyu'tte madusaanyu ḵan Apudyus nu pabonyag ḵayu.

Luke 11:52

“Ḵaddagu ḵayu bose nalainge mimistulun ni lintog te tutuppodonyu da inon ni anaguwan Apudyus! Te iyadiyu da tagu we tumuttuwa oḵyan!”

John 9:22

Ḵaḵna imbagan da sin-abeng te maḵimutda'tta papangat da Judyu te nantutuḻagandae ngaimane angibabagga ḵanane, “Aḵ Jesus de Kristu,” adipun ogon maḵwae lumnoḵ atte sinagogan da Judyu.

John 9:24

Inayagan os da papangat da Judyu ḵasin sadi ye laḻaḵi woḵ ḵananda ḵan siya, “Andayawḵa ḵan Apudyus we ibagam ḵatuttuwaan. Te igammuni ye sa sadi ye Jesus ḵabasbassuḻan.”

John 9:34

Ḵananda bos ḵan siya, “Ḵabasbassuḻanḵa inggan ni niyanaḵam. Ngaipam ay diḵani tuttuduwan?” Pune sadi, pinaḻyawda'tte lasin ni sinagogan da Judyu.

Acts 13:8

Yaḵon aḵ Elymas we ambubuyun te siya ngadanna'tte Greek, summullagi ḵan dida ya padasona tupodon gobernor ta adi amati ḵan Jesus.

Acts 5:28

Ḵanana, “Binilibilinni diḵayu we adiyu ituttudu mipanggob atte ngadan ni annae tagu. Yaḵon amo impaigammuyu si intero we Jerusalem ya ipabasuḻyu bos ḵan diḵani natoyana.”

Acts 5:40

Pun tinuttuwan da ḵuḵunsisaḻ imbagan Gamaliel. Inayaganda ḵad da apostol, impaaplitda dida. Pun imbilinda bose adida an-ugud si mipanggob si ngadan Jesus woḵ puḵayanda dida.

Acts 8:1

Aḵ Saul ḵad, iyyunudna nagongatan Stephen. Sadi nangisaḻdandae namaḵaḻam atta namati ye magimugimung ad Jerusalem. Pun nabuḵaḻda'tta adu we ili si probinsiya'd Judea ḵan Samaria, malaksid da apostol.

2 Timothy 3:8

Da sanae angallelaw atta bubai, sullagiyonda ḵatuttuwaane mipanggob ḵan Apudyus. Isun ni ḵingwan da Jannes ḵan Jambres atte awe ye sinullagida'ḵ Moses. Lawweng somsomoḵ da sanae tagu ya daḵampun aḵ tuttuwa pammatida.

2 Timothy 4:15

Ummam ḵan siya te gattoḵe susullagiyona ituttudu taḵu.