Matthew 22:4 - Sa Ugud Apudyus

⁴ Pun nambuun os ḵasin atta udume sammilu woḵ ḵanana, ‘Inḵayu ibaga'tta naayagan: Ilanyu ḵad, naḵasagana da maḵan si annae kasar. Insidani da antatabae baḵa ya naḵasagana losan.’

Matthew 22:4 Iomraidhean Croise

Matthew 21:36

Pun imbuunna bos ḵasin da ad-adu'tta sammiluna nu da ummuna yaḵon da gumagammole, ḵingwada bos isun ni ḵingwada'tta ummuna.

Matthew 22:5

Yaḵon adipun os dumngoḻ da sadi ye naayagan. Awad ay osa ya ipapuutna ḵoona. Sa osa ummoy atte payawna. Sa osa bos ummoy nallaḵu.

Matthew 22:8

Pun ḵanan ni Ari atta udume sammiluna, ‘Insagsaganaḵ da losane ḵasapuḻan si annae kasar yaḵon gapu ta adipun ummali da tagu we inayagaḵ, adidapun oḵyan miyunude umali si gayagaya.

Luke 14:17

Naabus ḵade nisagana da losan, imbuunna sammiluna'ḵ ummoy nangibaga'tta naayagan ḵanane, ‘Umali ḵayu te nisagana maḵan.’

Acts 1:8

Yaḵon nu umali Ispiritu Santu ḵan diḵayu, maittan ḵayu'tte ḵabooḻan Apudyus ta iwaḻagawagyu mipanggob ḵan saḵon sina'd Jerusalem ya da adu we ili'tta probinsiya'd Judea ḵan Samaria ya sa intero we lubung.”

Acts 13:46

Yaḵon amo tummuḻod da Paul ḵan Barnabas woḵ ḵananda, “Ḵasapuḻane umunae mibaga Ugud Apudyus ḵan diḵayu we Judyu. Yaḵon gapu ta indiyanyu ya ḵinuwisyu long-agyu we ippun labbongyu si biyag aḵ inggana, sinsadi tenanni diḵayu ta inḵani'tta Gentil.

Romans 8:32

Gapu ta adipun aḵ Apudyus nagagae nangidatun si os-ossaane abengna para ḵan ditaḵu losan, adinapun ḵamman os itton da losane ḵasapuḻan taḵu gapu si ḵinabaḻuna?