Matthew 22:16 - Sa Ugud Apudyus

¹⁶ Pun imbuunda da udume disipuludae Pharisee ya da nidoga si grupun Ari Herod ta umoyda ḵan Jesus. Indasanda ḵad, ḵananda, “Mistulu, igammuni ye losane ibagam tuttuwa ya igammuni bose ippun laḵlaḵsigom aḵ tagu te daḵampun aḵ siya itollongnu saad ni tagu yaḵon siya ituttudum ḵatuttuwaane mipanggob si pinion Apudyus we ḵoon da tagu.

Matthew 22:16 Iomraidhean Croise

Matthew 22:24

Ḵananda ḵan siya, “Mistulu, annaya intuttudun Moses si awe. Nu awad laḻaḵi'ḵ angasawa ya natoye ippun abengda, ḵasapuḻane asaw-on os ni sunudna baḻu. Ḵad nu awad abengda, mibelang aḵ abeng ni natoy.

Matthew 22:26

Isuna bose natoye naippun abengda. Pun nipasani bos ḵumaḵlu yaḵon isuna bose naippun abengda inggana si ḵumapitu.

Matthew 26:18

Ḵanan Jesus, “Inḵayu'tte siyudad ḵad awad de osae laḻaḵi sidi. Ḵananyu ḵan siya, ‘Imbagan mistulu we madam-an timpunae inḵoddong Apudyus ḵad sa boḻoyyu anḵaḵaḵananda'tta disipuluna'tte timpun ni Gayagayae ngannon taḵu Nallausan.’ ”

Matthew 26:49

Pun daguse ummoy aḵ Judas ḵan Jesus woḵ ḵanana, “Annaḵa pay Mistulu!” Pun inogoḵana.

Mark 10:17

Alliblibbat ḵad da Jesus, inninggaw laḻaḵi ye nanoddaḵ woḵ ummoy si inggawan Jesus. Ḵananae nanalluḵu ḵan siya, “Ambaḻu we Mistulu, ngai ambaḻu we ḵooḵ ta ittanaḵ ḵan Apudyus atte biyag aḵ inggana?”

Mark 12:13

Pun nangibuunda'tta grupun Ari Herod ya da udum atta Pharisee ta padasonda nu ankamali songbat Jesus ta siya ambatayandae angidaḻum.

Mark 12:14

Pun dummatongda ḵad ḵananda, “Mistulu, igammuni ye tuttuwa da losane ibagam. Ibagam ustu we adimpun biyangan nu ngai ḵasasaad da tagu. Ḵad igammuni bose ippun laḵsigom aḵ tagu yaḵon siya ituttudum da ḵatuttuwaan mipanggob si pinion Apudyus we ḵoonda. Pun ibagam ud ḵan diḵani nu lisalison taḵu lintog Moses nu ambayad ḵani'tta bugis atte Emperor ad Rome baḵon nu umadini?”

Mark 3:6

Nagangput ḵad, ḵesan da Pharisee woḵ ummoyda nantutuḻag atta grupun Ari Herod nu ngai inondae angongat ḵan Jesus.

Mark 8:15

Pun ḵanan Jesus we namilin ḵan dida, “Ummanyu ta adi ḵayu maalisan atte yeast da Pharisee ya aḵ Herod.”

Luke 20:21

Pun ḵananda ḵan Jesus, “Mistulu, igammuni ye tuttuwa losan da ibagam ya ustu da ituttudum. Ḵad igammuni bose ippun laḵlaḵsigom aḵ tagu te siya ituttudum ḵatuttuwaan mipanggob si pinion Apudyus we ḵoon da tagu.

Luke 7:40

Ḵanan Jesus, “Simon, anna ibagaḵ ḵan siḵa.” Ḵanan Simon, “Ngai sanat Mistulu?”

John 14:6

Ḵanan Jesus, “Saḵon daḻan, ḵatuttuwaan ḵan biyag. Naippun maḵaoy ḵan Amaḵ nu adi angoy ḵan saḵon.

John 18:37

Ḵanan os Pilate, “Pun siḵa Ari?” Summongbat aḵ Jesus woḵ ḵanana, “Tuttuwa sadi ye ḵanam. Te niyanaḵaḵ ya ummaliyaḵ si annae lubung ta taḵdoḻaḵ ḵatuttuwaan. Ḵad da ngaimane angipatog atte ḵatuttuwaan, tuttuwaonda da ibagaḵ.”

John 7:18

Sa tagu we antuttudu we maḻpu si somsomoḵna, siya singtona midayawana. Yaḵon sa tagu we siya singtona dayaw ni nangibuun ḵan siya, pasige ustu ya tuttuwa da ibagana.

2 Corinthians 2:17

Yaḵon ḵan diḵani, daḵampun aḵ isuni da adu we nantuttududa'tte Ugud Apudyus ta angaḻ-anda'ḵ mabalinda. Te imbuun Apudyus diḵani ya abus aḵ ugudonni ḵatuttuwaan atte sinagungna si niyossaananni ḵan Kristu.

2 Corinthians 4:2

Nan-awidanni da losane ḵoḵoḵḵon da tagu we nililimod ḵan ḵababbain ya ippun inallelawni. Adinipun imbos Ugud Apudyus. Yaḵon atte sinagung Apudyus impaḵaawatni'tta losane tagu da losane ḵatuttuwaan te pionni ye igammuwonda'tta somsomoḵdae ambaḻu ḵewaaḻni.

2 Corinthians 5:16

Pun inggana sinsadi, adinipun bigbigon ngaimane tagu we ambatay si nainlubungane ḵasomsomḵan. Taḵon ay nu ḵatti inonni ye namigbig ḵan Kristu si awe, adinipun ogon ḵoon sinsana.

Galatians 1:10

Gamgamaḵ ḵad aine dayawonaḵ atta tagu si ḵaḵnae an-uugudḵu? Daḵampun! Sa madayawan Apudyus singsingtoḵ. Nu siya panggobḵu awisoḵ da tagu, adipun maḵwae mibelangaḵ aḵ anserbi ḵan Kristu.

Galatians 2:6

Yaḵon da sadi ye niyiyap aḵ papangat, ippun ḵanana ḵan saḵon nu ngai ḵasasaadda te an-iisuwon Apudyus da tagu, ippun paat intuḻ-ayda si intuttuduḵ.

1 Thessalonians 2:4

Yaḵon pinanoḵnoḵan Apudyus woḵ intaḻgodna ḵan diḵani angiwaḻagawag atte Ambaḻu we Damag woḵ siya ḵingwani. Ḵad daḵampun atta tagu pappadasonni pas-oman yaḵon aḵ Apudyus we angigammu nu ngai awad atte somsomoḵni.

James 3:17

Yaḵon sa ḵinalainge maḻpu'd langit, pasige ambaḻu, allin-awa, an-anggom, adinapun ipatut piona, pasig ḵumadagu, pasig ambaḻu ḵoona, ippun laḵlaḵsigona'tta buḻunna ya adipun ḵapappaila.

1 John 5:20

Ḵumaḵlu, igammu taḵu we ummali Abeng Apudyus woḵ innatodna ḵan ditaḵu pannakaawat ta igammuwon taḵu tuttuwae Apudyus. Ḵad sinsadi iinggaw taḵu si tuttuwae Apudyus te iinggaw taḵu si Abengna we aḵ Jesu Kristu. Siya tuttuwae Apudyus ya siya maḻpuwan ni biyag aḵ inggana.