Matthew 22:13 - Sa Ugud Apudyus

¹³ Pun ḵanan ni Ari atta sammiluna, ‘Baḻudonyu da imana ya da suḵina ya idawatyu'k lasin si anggiḵbot ta sidi ye umibiibil ḵan ngumalitod da babana te ampaḵapaḵaḻam.’ ”

Matthew 22:13 Iomraidhean Croise

Matthew 12:29

Ḵanan os Jesus we nangipani, “Aḵ Satan ḵad, mipani si tagu we maasngaan te naippun maḵaaḵaw atta ḵuḵuwana nu adina unaon baḻudon ya asinaot itallay dida.

Matthew 13:30

Samaḻnae midisan dumaḵoḻ da sabsabug atta pagoy inggana'ḵ iyyaani. Asiḵ ibaga'tta an-ani ta unaonda ḵaanon da sabsabug ya binobodda dida ta soggonda ḵad asidaot aniyon da pagoy ya impomponda si aḻangḵu.’ ”

Matthew 13:42

Ḵad itop-aḻda dida si gumilgillayabe apuye adipun masobsoban, ḵad umibiibilda ḵan ngumalitod da babada gapu si ampaḵaḻamanda.

Matthew 13:50

Ḵad iballuda dida si apuye adipun masobsoban ya amod de ibilda ḵan ngumalitod da babada te ampaḵaḻamda.”

Matthew 24:51

dusaonae ustu ya idogana si igaw da ḵapappailae igaw da umibiibil ya ngumalitod babada.”

Matthew 25:30

Ḵad sa mipanggob si annae ippun itaḵipnae sammilu, aḻanyu ya inḵayu iballu'tte lasin ni anggiḵbogiḵbote igaw da tagu we ampaḵapaḵaḻame umibiibil ya ngumalitod da babada.’ ”

Matthew 8:12

Yaḵon da Judyu ḵade midoga oḵyan si ampangatan Apudyus, miballuda'k lasin si giḵbot ḵad umibiibilda ya ngumalitod da babada sidi si sangada.”

Luke 13:28

Ilanyu ḵad da Abraham, Isaac ya aḵ Jacob ya da losane profeta we nidoga si ampangatana, sin-iibil ḵayu ya ngumalitod da babayu'tte sangayu te diḵayu ḵad, miballu ḵayu.

John 21:18

Ibagaḵ ḵan siḵa ḵatuttuwaan. Sa ḵababaḻum, siḵa angigga si taḵyadnu ta maḵasaganaḵae umoy si ayam ya ummoyḵa si piom ayan. Yaḵon nu maḻaḵayḵa, andopaḵa ya awad de angigga si taḵyadnu ya ipuyutna siḵa si adimpun pione ayan.”

Acts 21:11

Ummali ḵan diḵani woḵ innaḻana taḵyad Paul aḵ nanaḵodna'tta imana ḵan suḵina. Pun ḵanana, “Annaya imbagan ni Ispiritu Santu, ‘Ḵaḵna inon da Judyu'd Jerusalem we amaḻud atte sinḵuwa si annae taḵyad ya impuḻangda'tta Gentil.’ ”

Acts 7:54

Dingngoḻ ḵad da papangat da Judyu da imbagan Stephen, ngumalitod da babada'tte ummamdane sangada.

2 Thessalonians 1:9

Sa dusada, ampaḵaḻamda'ḵ inggainggana ya misinada ḵan Apu aḵ inggana ya adidapun ilan nakaskasdaawe ḵabooḻana.

2 Peter 2:17

Da sanae angituttudu si daḵampun aḵ tuttuwae ippun anuda, mipanida'tta nattuḵane bubun ḵan mipanida'tta libuu we abus mibibbibbide ippun udanda. Ḵad awad de ḵagiḵbotane insaganan Apudyus we inggawanda'ḵ inggainggana.

2 Peter 2:4

Te igammu taḵu we madusada te taḵon ay da anghel we naḵabasuḻ si awe, adimpun Apudyus ḵinadaguwan dida yaḵon intop-aḻna dida'd infiernu si ḵagiḵbotane lugar ya imbaḻudna dida sidi ta anguwayanda'tte aḻgawe anḵuwisan Apudyus.

Jude 1:13

Mipanida bos si daḵoḻe tupiyaḵ atte baybaye itupitupiyaḵna itoḵwaḻ da ḵaissawe taḻbutab da ḵababbaine ḵoḵoḵḵonda. Isuda bos da bituwon ad langite ansayasayape nalimuda si ustu we aayyonda. Pun sana gapunae insaganan Apudyus ḵagiḵbotane inggawanda'ḵ inggana.

Jude 1:6

Sosomḵonyu ḵad os da anghel we adipun nat-op atte saaddae innatod Apudyus ḵan dida woḵ tinenanda ustu we inggawanda'd langit. Gapu si nangwaanda'tte sadi, ḵinawadan Apudyus dida'ḵ inggana woḵ imbaḻudna dida si ḵagiḵbotan inggana'ḵ dumatong aḻgawe anguwisana ḵan dida.

Revelation 21:27

Yaḵon naippun maḵaḻnoḵ atta ngaimane ibelang Apudyus aḵ ḵaissawe isun da angwa'tta ampabain ya da losane tuliyan yaḵon abus da nigili da ngadanda si iblun ni Ubbu we Karnero we nigiliyan da awad da biyagda'ḵ inggana'ḵ maḵwae lumnoḵ.