Matthew 21:44 - Sa Ugud Apudyus

⁴⁴ Ngaimane maottag si annae batu magomogomoḵ ya sa tagu we maottagan ni sanae batu, magabugabuḵe isun di gabu.”

Matthew 21:44 Iomraidhean Croise

Matthew 21:43

“Pun sana ibagaḵ ḵan diḵayu we aḵ Apudyus iginoḵnae angipangat ḵan diḵayu ya siya ipangatana da tagu we angwa'tta ambaḻu we mibagay atta ipangatana.

Matthew 21:45

Dingngoḻ ḵad da papangat da papadi ya da Pharisee sanae pani, inigammudae dida piona ugudon.

Matthew 26:24

Saḵone Abeng Di Tagu, ḵasapuḻane matoyaḵ te siya impaigilin Apudyus atte awe. Yaḵon ḵaddagu tagu we angituyuḵ ḵan saḵon. Unnoyna gay adi niyanaḵ.”

Matthew 27:25

Losan da tagu ḵanane summongbat, “Ḵigadni ya da abengni ye asi sumongbat si matoyan ni annae tagu!”

Luke 2:34

Pune sadi, binindisyunan Simeon dida woḵ ḵanana ḵan Mary, “Dongngom, sa annae abeng, dinutuḵan Apudyus siya'ḵ mataguwan da adu ḵan ditaḵu we ganaḵ Israel ya adu bos da madusa. Awad da anging-ingnga ḵan siya.

Luke 20:18

Ngaimane maottag si annae batu magomogomoḵ ya sa tagu we maottagan ni sanae batu magabugabuḵe isun di gabu.”

John 19:11

Ḵanan Jesus, “Naippun ḵabooḻam ḵan saḵon nu adin Apudyus innatod ḵan siḵa. Pun da nangipuḻang ḵan saḵon ḵan siḵa nadagdagson da basuḻda.”

Romans 9:33

Te ḵanan ni nigili'tte Ugud Apudyus, “Ilanyu, isaadḵu'd Zion annae batu we amapagdot si boḻoy. Sana batu we ampasanga ya misubuḵan ḵan maottagan da tagu. Yaḵon ngaimane amati ḵan siya adipun paat madismaya.”

1 Thessalonians 2:16

te taḵtaḵonda diḵani ye angibaga'tte Ugud Apudyus atta Gentil ta mataguda oḵyan. Sa ḵoondae sanat, dog-adog-anda da basuḻda ḵad dumatong ḵan dida sindumallu we sangan Apudyus.

1 Peter 2:8

Iḵagasmoḵda oḵyan os awad si Ugud Apudyus we ḵanana, “Sana batu we ampasanga ya misubuḵan ḵan maottagan da tagu.” Misubuḵda te adidapun tuttuwaon gapu si adidapun amatiyan atte Ugud Apudyus ya sana bos planun Apudyus para ḵan dida.